Kwidzulitsa 9:7 - KITABU KITAKATIFU

⁷ “Mwizurizi yaga kandi mutivilira kuli mwavihiliriza Yahova Nyasaye winyu muchangalangwe mba. Kutura ku lidiku liamwatula mu kivala cha Egebeti kuduuka lidiku lia mwaduuki hano, mwayibaala ku Yahova ligali.

Kwidzulitsa 9:7 Iomraidhean Croise

Kutwula 14:10

Lwa avandu va Isiraeli valora Mwami wa Egebeti harara niliihi linene lilie nivaazaa kuvo, vaadegera ligali nivaanira ku Yahova nu mwoyo gwosi avakonye.

Kutwula 14:11

Vavoolera Musa, “Gaveeye kigira vilindwa sivialiho mu Egebeti? Wakoleta hano kukuziri mwigendanyama? Nikindiki cha ive umali kokokolera yiki mulikutuliza mu Egebeti!

Kutwula 16:2

Mu changalangwi mwene yimwo, vosi vililira ku Musa na Haruni

Kutwula 17:2

Kunangwa avandu vililira ku Musa ni vavoola, “Okohe amazi kunwi.” Musa yavativulira, “Kigira ki munyi mudulaa? Kigira ki mugerizaa Yahova?”

Kutwula 23:21

Mumuhuliri gavoora kandi mumutie. Mutibaala kuye mba, kigira inzi mali kumutuma, kandi sialasamiiha liebaala kuli yilio mba.

Isaya 48:8

Munyi simwahulira, kandi simwamanya kutura mu madiku gakale mba. Inzi ndaamanya ndi munyi muveeye avagaadi, kandi muveeye avibaali kutura mu liivulwa lienyu.

Jeremia 11:10

Vamali kwirana kokora uvwoni vwa avaguuga vaavo, avasuuraa kuhulira amakuva gange. Vamali kugirung'ana kuzia kusigamira kandi kutumikira avanyasaye vandi. Avandu va Isiraeli na vandu vi Ivuyuda vamali kuvunaga lilagana lia ndaalomba na avaguuga vaavo.

Jeremia 32:30

Avandu va Isiraeli kandi avandu vi Ivuyuda vamali kokora uvudamanu imbiri wange kutura mu vosooleri vwavo. Avandu va Isiraeli vamali kumbihiliriza kumiyinzi jaavo.

Jeremia 44:9

Munyi mumali kwivilira uvudamanu vwosi vwa mwakora harara na avakali vinyu, kandi na avami vi Ivuyuda harara na avakali vaavo mu madaala gi Ivuyuda kandi mu zinzira zia Jerusalemi?

Ezekieli 20:13

Navuzwa avandu va Isiraeli vibaara ku Inzi mwigendanyama. Sivagumira lilago liange mba, kandi vasuura malago gange agaleetaa livamwoyo ku mundu woosi wegehiza kugo. Vamali kwononyia lidiku liange lie Lisabato. Ndavika kuva nu vutima vwange vululu mwigendanyama kandi ndavadiviza ligali.

Ezekieli 20:43

Maku mulakizulizi vindu viosi vie zisoni via mwakora kandi kuli mweyonogonyia. Mulakave ni livihiririzwa aveene kigira vindu vidamanu viosi via mwakora.

Ezekieli 20:8

Navuzwa vibaara ku inzi kandi sivenya kumbulira mba. Si venya koleka anoho kusiuva ihale vifananyi viukuvihiliriza viavo anoho koleka vanyasaye va Egebeti avavaali ni vayaanza mba. Mu vutima vwange uvululu, inzi ndaatovora kuhaana mageri ku vandu va Isiraeli mu kivala cha Egebeti.

Ezekieli 36:31

Maku mulakizulizi likora lienyu lidamanu kandi vikolwa vienyu vitali vilahi. Mulakave ni livihirirwa aveene kigira uvwoni vwinyu kandi kivihiri chiinyu.

Livalidza 11:4

Vaaliho avageni vandi kologendo harara na vandu va Isiraeli. Vaali ni liegomba linene kulia inyama; kali avandu va Isiraeli vene vatanga kwililira nivavoora: “O, kwakaveeye ninyama kwalia!

Livalidza 14:22

siaveeyeho mundu kali mulala ku vandu yava uliduuka mu kivala yiki mba. Vamali kolola uvukumi vwange kandi vilolekizu viange via ndaakola mu Egebeti kandi mu changalangwi, navuzwa vamali kogeliza liekuzira liange haali kanyingi kandi vasuyi kumbulira.

Livalidza 17:10

Yahova yavolera Musa, “Wilanyie imbimbu ya Haruni imbiri wi Lisandugu lia Malago. Lilava kuli lieganihiza ku avibaali va Isiraeli ndi valakuza niiva sivalaleka lielilira liavo.”

Livalidza 21:5

Vahing'ana na Nyasaye harara na Musa nivatanga kwigana, “Kigira ki mwakutuliza mu Egebeti kukuziri mwigendanyama, mutaveeye ni chukulia na mazi? Sikuyaanzi viukulia vidamanu yivi mba!”

Livalidza 25:2

Avakali yava vaavagenihiza mu lilia lie Lisavo lie visiuviliru via vanyasaye va Moabu. Avandu va Isiraeli valia viukulia kandi vasigamira vanyasaye vaavo.

1 Vakorintho 15:9

Inzi mbeeye mukekeke ligali ku vatumwa utadukanaa kulangwa mutumwa, kigira ndadambiza likanisa lia Nyasaye.

Vafeso 2:11

Kunangwa mwizurizi ndi mwaali vandu vizihiiri ku liivulwa maziambiri. Mwalangwa, “avatakevwa,” na Avayuda avilangaa “avakevwa,” yili ni likevwa liu muviri.

Kwidzulitsa 31:27

Manya kirage chavo nuvwibaali vwavo. Henza, niiva vibaara ku Yahova ing'inga ya ngikiri mwoyo harara navo, navalandi inyima wi likuva liange!

Kwidzulitsa 8:2

Mwizurizi kuli Yahova Nyasaye winyu yamwimilira kologendo lutambi kuvitira mu changalangwe ku mihiga arubaini jimali kuvita, namuleetera uvudinyu vwosi no kumugeriza, kunangwa aduuki kumanya agaveeye mu mioyo jinyu, kandi niiva mulahulira malago geege.

Kwidzulitsa 9:24

Kutura nimumanya, mwayibaala ku Yahova.

Kwidzulitsa 9:4

“Inyima wa Yahova Nyasaye winyu amala kumukungira avandu yavo, mutavooli mu mioyo jinyu ndi ‘Gaveeye kigira uvulungi vwitu mba, Yahova yakoleta kuvuguli kivala yiki.’ Awa, Yahova azizaa kukunga avandu vizihiiri yizi vatuli imbiri winyu kigira uvudamanu vwavo.