Kwidzulitsa 9:5 - KITABU KITAKATIFU

⁵ Sigaveeye kigira muveeye avalahi kandi mukoraa agaveeye amalungi mba, nandio Yahova amuleeka mwidikiri mu kivala chavo mba. Navuzwa gaveeye kigira vaveeye avadamanu kandi kigira Yahova Nyasaye winyu yenya aduukizi lisuuvirizwa lia yisuhira avaguuga vinyu, Aburahamu, Isaka na Yakobo.

Kwidzulitsa 9:5 Iomraidhean Croise

Litanga 12:7

Maku Yahova yaloleka ku Aburamu namuvolera, “Yiki nicho kivala cha nziza kuhaana ku visukululwi vivio.” Maku Aburamu yumbakira Yahova uvwali naloleki kuye ahene yaho.

Litanga 13:15

Inzi ndakuha harara nivisukululwi vivio kivala cha ololaa yiki choosi, kandi kilakave chicho mihiga ni mihiga.

Litanga 15:16

Ku ing'inga ya makura gane, imbiri wi visukululwi vivio vilirana hano, kigira inzi si ndakunga vandu va Amori mba, kuduuka lwa vakora uvudamanu ma vanyoore amageri.”

Litanga 15:7

Maku Yahova yamuvolera, “Inzi mbeeye Yahova, uwakoleta kutura Uru mukivala cha Babiloni, ninguha kivala yiki keve miandu jijo.”

Litanga 17:8

Inzi ndakakohe harara nivisukululwi vivio kivala yiki cha oveeye mu mugeni. Kivala choosi cha Kanaani kilakave chi visukululwi vivio mihiga ni mihiga, kandi inzi ndakave Nyasaye wavo.”

Litanga 19:29

Lwa Nyasaye yaali ni yakadiviza madaala ga mavoona, havundu ha Loti yamenya, yizuliza Aburahamu ma naahononokiza Loti kutura mu lidivizwa.

Litanga 26:4

Ndakuha visukululwi vinyingi kuli zing'ereng'ani ziu mwigulu, kandi ndakavahe kivala yiki choosi. Zihiiri ziosi zilakateeve inzi kuzigasiza kuli mali kugasiza visukululwi vivio.

Litanga 28:13

Havundu hene yaho, yalora Yahova nasingiyi halovega. Yavoola, “Inzi mbeeye Yahova, Nyasaye wa Aburahamu kandi Nyasaye wa Isaka. Ndakahaane ku ivi kivala chogoniku yiki, harara ni visukululwi vivio.

Kutwula 32:13

Wizulizi Lilagana lia walomba na avatumikiri vovo Aburahamu, Isaka na Yakobo. Wizulizi lisuuviriza lia walomba navo ndi ulavaha visukululwi vinyingi kuli zing'ereng'ani ziu mwigulu, kandi kuvaha kivala chawavasuuviriza kuva miandu jaavo mihiga ni mihiga.”

Ezekieli 20:14

Navuzwa si ndaakola ndio mba, kigira yaga gaali ganyala kwikiza luyali lwange hagati hi zihiiri zialola ninyimiliraa avandu va Isiraeli kutura mu kivala cha Egebeti.

Ezekieli 36:22

“Maku kalunu, ovoolere avandu va Isiraeli ndi, Inzi Yahova Wuvunyali mboraa makuva yaga kuvo: Aga Inzi nziza kokora sigaveeye kigira munyi avandu va Isiraeli mba, navuzwa gaveeye kigira lieta liange litakatifu, iliamumali kwononyia wamwazia hagati hi zihiiri muvivala vigeni.

Ezekieli 36:32

Munyi avandu va Isiraeli, nyenya mumanye ndi Inzi singolaa yaga kigira munyi mba, nyenya muve soni kandi muve ni lihenda mwoyo ku goosi agamukolaa. Inzi Yahova Wuvunyali mali kovora.”

Kyavalevi 18:24

Muteyononyia munyi vene mu vikolwa yivio viosi mba kigira nindio avandu vi zihiiri vanzizaa kukunga kutura imbiri winyu veyononya.

Kyavalevi 18:25

Vikolwa viavo vialomba kivala kuva kidamanu. Kunangwa Yahova ahaanaa mageri ku kivala nukusuula avandu vamenyi mucho.

Mika 7:20

Ivi ulamanyia uvusuuvirifu kandi uvuyanzi vuvwo uvutaveeye nekeheri ku avandu vovo, ivisukulurwi via Aburahamu na Yakobo, kuli wasuuviriza avaguuga viitu zing'inga zia kale.

Vikolwa 3:25

“Lisuuvirizwa lia Nyasaye kuvitira mu avaporofeti veve, gaveeye kigira munyi; na munyi musangaa mu lilagana lia Nyasaye yalomba na avaguuga vinyu. Kuli yavolera Aburahamu, ‘Kuvitira mu visukululwi vivio ndakagasizi avandu vosi ku lirova.’

Varumi 11:28

Kigira vasuura makuva malahi, Avayuda vaveeye vasigu va Nyasaye kigira munyi vandu vizihiiri. Navuzwa kigira litovola lia Nyasaye, vaveeye avalina veve kigira avaguuga vaavo.

Varumi 15:8

Inzi muvooleraa ndi, Kristo yakolwa mutumwa wa Vayuda aduuki kumanyia ndi Nyasaye aveeye musuuvirifu, kandi kudinyiriza lisuuviriza lia Nyasaye yahaana ku vaguuga viitu liduuki kuva liagiligali.

Kwidzulitsa 1:8

Kivala yiki choosi nicho kivala cha Inzi, Yahova, ndasuuviriza kuhaana ku avaguuga vinyiu, Aburahamu, Isaka na Yakobo, kandi ku visukululwi viavo. Muzie mukivuguli.’ ”

Kwidzulitsa 12:31

Mutasigamira Yahova Nyasaye winyu kuli yavo vasigamira avanyasaye vaavo mba, kigira mu lisigamira avanyasaye vaavo, vakora vindu viukuvihiliriza zing'ano ziosi via Yahova adunyiraa. Kali vahaana avana vaavo kuli visiuviliru mu muliru ku vwali vwavo.

Kwidzulitsa 18:12

Yahova Nyasaye winyu adunyiraa avandu vakora vindu viukuvihiliriza yivi, kandi yicho nicho kigira akunga zihiiri yizio vatuli mu kivala yicho muvingilira.

Kwidzulitsa 18:9

“Lwu muduuka mu kivala cha Yahova Nyasaye winyu amuhezaa, mutalonda miima nilikola lidamanu lia vandu vi zihiiri vaveeye mu mba.

Kwidzulitsa 20:18

Muviiti kunangwa vavuli kumukola mwone ku Yahova mu limwigiza mukore vindu viosi viukuvihiriza via vakora mu lisigamira avanyasaye vaavo.

Tito 3:5

yakohonyia. Sigaveeye ni kumiyinzi milahi ja kwakora muvulungi, mba navuzwa vakohonyia kigira zimbavasi zizie kuvitira mu Libatiza liletaa liivulwa lihia kandi kuvitira mu Roho Mutakatifu uhaana livamwoyo lihia.