Kwidzulitsa 9:27 - KITABU KITAKATIFU

²⁷ Wizulizi avatumikiri vovo, Aburahamu, Isaka na Yakobo. Utahenza uvuchamu vwa avandu yava anoho uvudamanu vwavo, anoho uvwoni vwavo mba.

Kwidzulitsa 9:27 Iomraidhean Croise

Litanga 19:29

Lwa Nyasaye yaali ni yakadiviza madaala ga mavoona, havundu ha Loti yamenya, yizuliza Aburahamu ma naahononokiza Loti kutura mu lidivizwa.

Zaburi 130:3

O, Yahova, niiva wakang'odi nukwizuliza livaliza liu vwoni vwitu, nivwaha wakahoni kutura mu likalagirwa?

Zaburi 78:8

Sivalava kuli avaguuga vaavo mba, avandu vi liebaala kandi avatahuliraa; avi lisuuvira liavo mu Nyasaye siliali lidinyu kali hakuzu mba, kandi sivali avasuuvirifu kuye zing'inga ziosi.

Kutwula 13:5

Yahova yasuuviriza ku liesuuha avaguuga vinyu kuha munyi kivala cha vandu va Kanaani, Mori, Hiti, Muhivi, kandi na Jebusi. Lwa amuleeta mukivala chu vutugi, kandi kenoru, kuduuka kenoru, mulindi nukwizuliza lidiku lie Lipasaka ku mweli gwukutanga vuli muhiga.

Kutwula 3:16

Uzie uvuganyie harara aviimiliri va Isiraeli vosi uvavoolere ndi, Inzi Yahova, Nyasaye wa vaguuga vinyu, Nyasaye wa Aburahamu, Isaka, na Yakobo, ololeki ku ivi. Uvavoolere ndi, Ligali umali kuuza kuvo kandi mali kolola ga vandu va Egebeti vamukolera.

Kutwula 3:6

Inzi mbeeye Nyasaye wa avaguuga vinyu, Nyasaye wa Aburahamu, Isaka na Yakobo.” Kunangwa Musa yafuma mumoni mwimwe, kigira yatia kohenza Nyasaye.

Kutwula 32:13

Wizulizi Lilagana lia walomba na avatumikiri vovo Aburahamu, Isaka na Yakobo. Wizulizi lisuuviriza lia walomba navo ndi ulavaha visukululwi vinyingi kuli zing'ereng'ani ziu mwigulu, kandi kuvaha kivala chawavasuuviriza kuva miandu jaavo mihiga ni mihiga.”

Tsing'ano 21:12

Nyasaye aveeye mulungi, yamanya zinyumba ziavandu vachamu kandi aladiviza avandu vu vuchamu.

Jeremia 14:21

Wizulizi malagano googo ku kunyi kandi utakoleganyia mba; utavika avandu va Jerusalemi, havundu he endeve yooyo yu vwami vwu vukumi mu zisoni mba. Utavunaga lilagana lia walomba ni kunyi mba.

Jeremia 50:20

Lwa ing'inga yeyo iduuka, uvwoni sivulinyolekaku mukivala cha Isiraeli anoho uvuchamu mukivala chi Ivuyuda mba, kigira ndakasamihi avandu va Inzi mali kohonyia. Inzi, Yahova mali kovora.”

Kyavalevi 26:42

Ndizuliza lilagana liange na Yakobo na Isaka kandi na Aburahamu, kandi ndalomba vuhia lisuuvirizwa liange kuha avandu vange kivala.

Kyavalevi 26:45

Ndalomba vuhia lilagana liange lia ndali ndalomba na vaguuga vaavo, lwa ndamanyia zihiiri ziosi zinguru ziange lwa ndaleta avandu vange vatuli Egebeti, kunangwa Inzi Yahova nduuki kuva Nyasaye wavo.”

Kwidzulitsa 9:26

Kandi ndasaara ku Yahova, ‘O, Yahova Nyasaye Wuvunyali, utadiviza avandu voovo mba, avandu vawahonyia kandi nuvaleeta kutura Egebeti ku vonene vuvwo kandi ku zinguru zizio zinene.

Kwidzulitsa 9:28

Gase, vandu va Egebeti valavoora ndi watamwa kuhila avandu vovo vaduuki mu kivala cha waali ni wavasuuviriza. Valavoora ndi wahila avandu vovo muchangalangwe kuvitira mu, kigira wavadunyira.

1 Samweli 25:25

Mwaza, nuyanza, utahuliriza amakuva ga Nabali muyingwa oyo mba. Aveeye vuzwa kuli kivuni chi ilieta lilie livoora, ‘umusiru’. Inzi sindaaliyo lwa vatumikiri vovo vaza mba.