Kwidzulitsa 9:26 - KITABU KITAKATIFU

²⁶ Kandi ndasaara ku Yahova, ‘O, Yahova Nyasaye Wuvunyali, utadiviza avandu voovo mba, avandu vawahonyia kandi nuvaleeta kutura Egebeti ku vonene vuvwo kandi ku zinguru zizio zinene.

Kwidzulitsa 9:26 Iomraidhean Croise

2 Samweli 7:23

Sihaveeye ho ni ihiiri yindi ku lirova kuli Isiraeli, ya ivi wahonyia kutura mu vutugwa mu kivala cha Egebeti, ukuvalomba vave avandu vovo ivi mwene. Vindu vinene kandi viokogenyia via wavakolera vimali kulandiza ulusuma lulwo mu lirova liosi. Ivi wakunga zihiiri zindi na avanyasaye vaavo lwa avandu vovo vazizagilira kuvingilira nukulwana navo, avandu va ivi wavoholola kutura Egebeti kuva avoovo ivi mwene.

1 Avami 8:51

Vaveeye vandu vovo kandi miandu jijo, avandu kutura Egebeti, kutura hagati hi kisambiru chi kivia.

1 Avami 8:53

Ivi wavaahulira kutura hagati ha vandu vosi vi lirova kuva miandu jijo, kuli wavatovola kuvitira mu Musa, Mutumikiri woovo, lwa waleeta avaguuga viitu kutura Egebeti.”

Nehemia 1:10

“O, Yahova, yava vaveeye avatumikiri vovo, avandu vovo. Ivi wavahonyia ni zinguru zizio.

Zaburi 106:23

Lwa Nyasaye yavoola ndi aladiviza avandu veve, mutumikiri weve mutovole Musa yasingira kuhing'ana naye, kandi niyigalira uvutima vwa Nyasaye vuvuli kuviita.

Zaburi 107:2

O, munyi mwosi ava Yahova yahonyia, mwiranili kovora amakuva yaga, mu lizominya Yahova, umali kumuhonyia kutura ku vasigu vinyu,

Zaburi 28:9

O, Yahova, ohonyie avandu vovo kandi uvagasize. Ove mwayi wavo kandi uvalindi mihiga ni mihiga.

Zaburi 57:1

O, Nyasaye, ombere zimbavasi kigira nzizanga ku ivi osoore. Nzivisaa mu ivi kuli engoko ivisaa viminyu viayo isi wi zimbaha ziayo kuduuka lwa imbuza yi chihi elekela.

Zaburi 77:15

Wahonyia avandu vovo kuzinguru zizio, kandi wahonyia visukululwi via Yakobo na Josefu.

Zaburi 78:35

Vizuliza ndi Nyasaye yaali mukingi wavo, ndi Nyasaye Wuvunyali yaazi kuvahonyia.

Zaburi 99:6

Musa na Haruni vaali vasaalisi veve; kandi Samweli yaali mulala ku avasaalaa kuye. Vanira ku Yahova naye yavativulira.

Kutwula 15:13

Kuli oveeye musuvirifu ku lisuuviriza, wimilira avandu vovo va wavahonyia kuzinguru zizio wavimilira kuduuka mu kivala kitakatifu.

Kutwula 33:13

Niiva uyanziziywi ninzi, mbolera zing'anagani zizio, kunangwa nduuki kukutumikira kandi nzizagiliri kukuyaanziza. Wizulizi ndi umali kotovola ihiiri yiyi kuva ihiiri yooyo.”

Kutwula 34:9

Musa yavoola, “Yahova, niiva ligali uyanzizwa ninzi, ngogonya, nuyanza unyala kuzia harara nikunyi. Avandu yava vaveeye vikirage, navuzwa ukusamihi uvudamanu vwitu kandi vwoni vwitu, kandi ukuvugiliri kuva avandu vovo.”

Isaya 44:23

Mwimbi nuvusangali, munyi ligulu! Muhanzuki munyi isi wi lirova! Muhanzuki nu vusangali, munyi vigulu O, munyi militu ni misaala josi ijiveeye mu, kigira Yahova umali kohonyia kisukururwi cha Yakobo; naye alakuminywa mu kivala cha Isiraeli.

Isaya 63:19

Kumali kugwa kuli yavo ava ivi wavula kwamiiha kali hakuzu, kandi kuli avandu avavura kulangwa ku lieta liilio.

Jeremia 14:21

Wizulizi malagano googo ku kunyi kandi utakoleganyia mba; utavika avandu va Jerusalemi, havundu he endeve yooyo yu vwami vwu vukumi mu zisoni mba. Utavunaga lilagana lia walomba ni kunyi mba.

Jeremia 15:1

Maku Yahova yambolera, “Kali niiva Musa na Samweli vakasingiyi hano nokogoonya inzi, sindakamanyi avandu yava livererera liange mba. Vakole vazie ihale; vakole vatuli imbiri wange.

Lisyoma lya Jeremia 2:20

Muporofeti avoora: O, Yahova, henza na uganagane! Nivwaha wa ivi wakolera ku yaga? Avakali vanyara kulia lwivulu lwi zinda ziavo, avana va valinda aveene? Musaalisi kandi muporofeti vanyara kwitirwa mu Litembeli lia Yahova?

Mika 6:4

Ndamutuliza mu kivala cha Egebeti; ndaamuhonyia kutura muvutugwa; ndaatuma Musa, Haruni na Miriamu kumwimilira.

Kwidzulitsa 13:5

Muporofeti oyo anoho mulooti oyo kuduuka yiitwi, kigira yilwaza liebaala ku Yahova Nyasaye winyu, uwamuleta kutura mu kivala cha Egebeti wamwaali vatugwa. Vandu kuli yava vadamanu, kandi vageriza kumutuliza kunzira ya Yahova Nyasaye winyu yamulaga mulonde ku. Kuduuka viitwi kunangwa mutulize uvudamanu voveeye hagati hinyu.

Kwidzulitsa 15:15

Mwizurizi ndi munyi mwaali avatugwa mu kivala cha Egebeti, na Yahova Nyasaye winyu yamuvoholora. Kunangwa, yicho nicho kigira muheezaa lilago yili kalunu.

Kwidzulitsa 21:8

Oh, Yahova, samiiha avandu vovo Isiraeli, ava wahonyia kutura Egebeti. Ukusamihi kandi utaleka liitwa liu mundu utaveeye nimbala live ku kunyi mba.’

Kwidzulitsa 32:9

Kidieli cha Yahova keveeye avandu veve visukululwi via Yakobo viveeye miandu jije.

Kwidzulitsa 7:8

Navuzwa gaali kigira Yahova yamuyanza kandi yenya kutwekiza lilagana lia yasuuviriza avaguuga vinyu na yiki nicho chagira namuhonyia nu mukono gwigwe gwi zinguru kandi namuvoholora kutura mu kivala chu vutugwa, kutura mu zinguru ziu mwami wa Egebeti.

Kwidzulitsa 9:12

“Kunangwa Yahova yambolera, ‘Singira wiki hasi hi kiguru vwangu, kigira avandu vovo va wimiliraa Egebeti veyonogonyi kandi vakoli uvudamanu. Vagirung'ani koleka gandavalaga kandi velombeeye aveene kifananyi.’

Kwidzulitsa 9:27

Wizulizi avatumikiri vovo, Aburahamu, Isaka na Yakobo. Utahenza uvuchamu vwa avandu yava anoho uvudamanu vwavo, anoho uvwoni vwavo mba.

Kwidzulitsa 9:29

Kali ndio yava vaveeye avandu vovo, va ivi watovola vave avoovo kandi avawatuliza Egebeti kuzinguru zizio zinene kandi ku vunyali vuvwo.’

Tito 2:14

Yihaana mwene kigira kunyi, aduuki kukutuliza mu vudamanu vwosi, kandi kokokola kove avandu valungi, avaveeye aveeve mwene kandi, vaveeye ni lienya kokora uvulahi.

Vahebraina 9:12

Lwa Kristo yavitira mu lihema kandi niyingira, kuduuka Hatakatifu ligali lulala kandi lwokoheleriza, siyavugula masahi gi zimburi na gi zigiriki kugahaana kuli visiuviliru mba; navuzwa, yavugula masahi geege mwene kandi umali konyolera kunyi ovohonyi vwi mihiga ni mihiga.

Likunula 5:9

Vimba ulwimbu luhia, ni vavoola: “Ivi uduukani kuvugura kitabu no kovoholora imihuri jacho. Kigira ivi witwa, kandi kigira likuza liilio, ivi waagulira Nyasaye avandu kutura mu vuli ihiiri, vandu vi zinimi lugano lugano, kandi ku zihiiri ziosi mu kivala choosi.

1 Samweli 7:9

Samweli yita kememe chiligondi ma naakisaamba kigima kuli kisiuviriru ku Yahova. Maku yasaala ku Yahova akoonye Isiraeli, kandi Yahova yamutivulira lisaala lilie.