Kwidzulitsa 9:19 - KITABU KITAKATIFU

¹⁹ Ndaatia livihirirwa novutima vululu vwa Yahova, kigira yaali ahimbi kudiviza munyi. Navuzwa Yahova yambuliriza ing'inga zana yeyo kandi.

Kwidzulitsa 9:19 Iomraidhean Croise

Zaburi 106:19

Valomba kemoli kigiriki chi zahabu ha Sinai, kandi nivasigamira kifananyi yicho.

Zaburi 106:23

Lwa Nyasaye yavoola ndi aladiviza avandu veve, mutumikiri weve mutovole Musa yasingira kuhing'ana naye, kandi niyigalira uvutima vwa Nyasaye vuvuli kuviita.

Zaburi 78:59

Nyasaye yasinyika lwa yalora vindu yivi ligali; Kunangwa yasura avandu veve Isiraeli.

Zaburi 99:6

Musa na Haruni vaali vasaalisi veve; kandi Samweli yaali mulala ku avasaalaa kuye. Vanira ku Yahova naye yavativulira.

Kutwula 32:14

Kunangwa Yahova yaagirung'anyia zing'anagani zizie, siyaleeta ku avandu veve kivi cha yaali navooye mba.

Kutwula 33:17

Yahova yavolera Musa, “Ndakora kuli umali koteeva, kigira ndakumanya vulahi ligali kandi nyanziziywi nivi.”

Kutwula 34:10

Yahova yavolera Musa, “Inzi kalunu nombaa lilagana na avandu va Isiraeli. Ndakora vindu vinene imbiri wavo vikikiri kokoleka ku havundu hoosi mu lirova hagati hi zihiiri mba. Avandu vosi valakalole vindu vinene via Inzi, Yahova, nyara kokora, kigira nziza kumukolera vindu viukutihiza.

Livalidza 11:2

Lwa vandu vanira ku Musa konyoora ovokonyi, Musa yasaala ku Yahova, nu muliru gwasima.

Kwidzulitsa 10:10

“Ndaamenya mu kiguru amadiku arubaini mbasu nuvudiku kuli maziambiri. Yahova yambulira ing'inga yeyo kandi navugilira kuvula kumudiviza.

Kwidzulitsa 11:17

Nimukora ndio, Yahova alavihirirwa nimunyi. Alahana ligulu imbura ivuli kukuba, nikivala kivuli kwama makuyu. Kunangwa mulakuzira yo vwangu kali kivala cha Yahova amuhezaa ni keveeye kilahi.

Kwidzulitsa 9:20

Yahova yavihilirwa na Haruni ligali kali niyenya amwiti, kunangwa ndasaalira Haruni ing'inga zana yeyo.

Kwidzulitsa 9:8

Kali ha kiguru cha Sinai, mwavihiliriza Yahova, kandi Yahova yavihiliriza munyi ligali kali niyenya avadivize.

Vahebraina 12:21

Havundu yaho haali hukutihiza ligali, kuduuka kali Musa navoora, “Kandi mbeeye nuvuti.”