Kwidzulitsa 9:13 - KITABU KITAKATIFU

¹³ “Yahova yambolera kandi, ‘Inzi manya kuli avandu yava vaveeye vi kirage.

Kwidzulitsa 9:13 Iomraidhean Croise

Litanga 11:5

Maku Yahova yaza kutura mu ligulu kolola lidaala linene harara nu munara gwa vandu vaali ni vumbaki.

Litanga 18:21

Inzi kuduuka nzie yo nukutunyiliza niiva viyaalo viamali kuhulira niviagiligali.”

2 Avami 17:14

Navuzwa sivali vanyara kulihulira mba; vaali ava magoti madinyu kuli vaguuga vaavo, avavura kusuuvira Yahova, Nyasaye wavo.

Zaburi 50:7

“O, avandu vange, hulirizi, na ndamoloma, O, Isiraeli nokolorekiza uvudamanu ku munye; inzi mbeeye Nyasaye Yahova winyu.

Jeremia 13:27

Amali kumulora nimukoraa ivindu viu kuvihiliriza. Amali kumulora nimuzizaa ku avanyasaye vu muvigulu kandi anoho kuli ibarasi yenya kutuuma. Avandu va Jerusalemi kivi, keveeye ku munyi! Munyi mulava avadamanu kuduuka ing'inga ki?

Jeremia 7:11

Muganaganaa ndi Litembeli liange liveeye kuli luhangaywa lwa avanuli vivisamu? Inzi mali kolola aga munyi mukoraa.

Hosea 6:10

Inzi mali kolola kindu chu kutihiza mu Isiraeli: Avandu vange vamali kweyonogonyia aveene mu lisigamira vifananyi.

Malaki 3:5

Yahova Wuvunyali avoora, “Ndakaaze hagati hinyu vwangu kukalagira yavo vakora vukumu, avaheyi, kandi avagaadi, kandi yavo vagada vayinziri vaavo ku mitungu jaavo, kandi yavo avatavelereraa vakunzakali, vavisandu na vageni kandi yavo vosi vatahaana luyali ku inzi.

Kwidzulitsa 10:16

Kunangwa kutura kalunu muve avahuliri ku Yahova kandi mutava vikirage mba.

Kwidzulitsa 31:27

Manya kirage chavo nuvwibaali vwavo. Henza, niiva vibaara ku Yahova ing'inga ya ngikiri mwoyo harara navo, navalandi inyima wi likuva liange!

Kwidzulitsa 9:6

Kunangwa muve nagiligali kumanya ndi Yahova Nyasaye winyu siyamuha kivala chuvutugi na kenoru yiki kuva miandu jinyu kigira uvutakatifu vwinyu mba. Awa muveeye avandu vi kirage.