Kwidzulitsa 8:2 - KITABU KITAKATIFU

² Mwizurizi kuli Yahova Nyasaye winyu yamwimilira kologendo lutambi kuvitira mu changalangwe ku mihiga arubaini jimali kuvita, namuleetera uvudinyu vwosi no kumugeriza, kunangwa aduuki kumanya agaveeye mu mioyo jinyu, kandi niiva mulahulira malago geege.

Kwidzulitsa 8:2 Iomraidhean Croise

Litanga 22:1

Inyima wa yaga Nyasaye yageliza Aburahamu; yamulanga, “Aburahamu!” Kandi Aburahamu yativura, “Yee, inzi mbeeye hano!”

2 Kyetsinyinga 32:31

Lwa vatumwa kutura Babiloni vaza koteveveleriza amakuva gi kindu chokogenyia ichaali ni chekoleki mu kivala, Nyasaye yaleka Hezekia azie kunzira yeeye mwene aduuki kumugeriza kumanya agaveeye mu mwoyo gwigwe.

2 Kyetsinyinga 33:12

Mu vusaliri vwivwe, yegehiza ligali, nagirung'ana koyeeka ku Yahova Nyasaye weve, kandi namugoonya amukonye.

2 Kyetsinyinga 33:19

Lisaala liu mwami na mativuli ga Nyasaye kulio, kandi livaala liu vwoni vwa yakola nakikiri kwiganira, uvudamanu vwa yakola, havundu hukusigamira misambwa nivifananyi viu munyasaye wikikali Ashera ivia yalomba kandi ni misambwa ja yasigamira viosi viang'odwa mu vitabu via makuva ga kale ga Avaporofeti.

Nehemia 9:19

Navuzwa Ivi siwavaleka yeyo wengine mu changalangwe mba kigira zimbavasi zizio ni zinene. Ivi siwatuliza ho lilesi kinga muliru, ugwavamanyia inzira ya valonda ku mu ing'inga ya mbasu kinga vudiku.

Ayubu 33:17

Nyasaye amolomaa kuvakola valeke kokora uvwoni, kandi avahonyiaa kutura mu liegingira.

Zaburi 103:2

Nzizominyaa Yahova, kandi sindivilira viosi vilahi viayangoleraa mba.

Zaburi 106:7

Avaguuga viitu sivamanyiriza vikolwa viokogenya via Nyasaye mu kivala cha Egebeti mba. Vivilira zing'inga zinyingi lwa yavamanyia uvuyanzi vwivwe; kandi vibaara ku Wuvunyali ha Inyanza Nzakanyu.

Zaburi 136:16

Yimilira avandu veve kuvitira mu changalangwe; kigira uvuyanzi vwivwe vuhindiraa mihiga ni mihiga.

Zaburi 77:11

O, Yahova, inzi ndizuliza vikolwa vivio vinene; kandi ndizuliza vindu viu kogenyia viawakola mu madiku ga kale.

Zaburi 81:7

Lwa waali mu vudinyu, waanira ku inzi na ndakohonyia. Ndakutivulira lisaala liilio kutura havundu hange hukwivisa mu kihuzuzi nizinguba. Ndaakogeriza ha vidaho via Meriba.

Kutwula 15:25

Musa yasaala niligoonya ku Yahova, na Yahova yamumanyia kedonye chu musaala, ichayalasa mu mazi; na amazi gagwa amalahi gukunwa. Hene yaho, Yahova yavaha amalago gokomenyera, kandi yaavageliza.

Kutwula 16:35

Avandu va Isiraeli valia imaana ku mihiga arubaini, kuduuka lwa vaduuka mu kivala cha Kanaani wa vamenya.

Kutwula 16:4

Yahova yavolera Musa, “Henza, kalunu nziza kumuletera viukulia kutura mwigulu kuli imbura. Avandu kuduuka vatuli ichova vuli lidiku kuvungiza viukulia viduukana nilidiku yilio. Mu liiva yili ndavageriza ndore niiva valalonda amalago gange.

Kutwula 20:20

Musa yavativulira navoora, “Mutatia mba; Nyasaye umali kuuza kumugeriza nukumukola muzizagiliri kumuhulira, kunangwa muvuli kokora uvwoni.”

Tsing'ano 17:3

Izahabu ni ifeza zigelizwa kuvitira mumuliru, kandi Yahova agerizaa mwoyo gwu mundu.

Isaya 2:17

Luyaayi lwu mundu lulagehizwa, kandi liegingira liu mundu lilikizwa. Maku Yahova yeng'ine alakahevwe luyali mu lidiku yilio.

Jeremia 2:6

Si vahenda mwoyo kigira inzi mba, kali niiva ndavasoola kutura Egebeti kandi nimbimilira kuvitira mwigendanyama: kivala chumu kandi chu vuhimwa, kivala chumu chu mundu atanyala kuvitira mu mba kandi cha avandu vatanyala komenya mu mba.

Ezekieli 20:19

Inzi mbeeye Yahova Nyasaye winyu. Mutie kandi mugumiri amalago gange.

Amosi 2:10

Ndaamutuliza mu kivala cha Egebeti, na ndamwimilira kuvitira mwigendanyama ku mihiga arubaini kandi niimuha kivala cha avandu va Amori kuva kivala chienyu aveene.

Livalidza 14:33

Avana vinyu valagendagenda mwigendanyama ku mihiga 40. Valasalira kigira livula kusuvira liinyu, kuduuka lwa vosi mukuzira mwigendanyama.

Luka 18:14

Muvooleraa, musololi wu vusuuru uyu yirana yengo weve nakoleywi mulungi na Nyasaye kuvita Mufarisayo oyo. Kigira ku vosi wenenehizaa umwene, alagehizwa; na ku vosi uwegehizaa alanenehizwa.”

Yohana 2:25

Si yenya mundu amulolekizire amakuva gu mundu wundi mba, kigira mwene yamanya vulahi amakuva goosi agaali mu mioyo jaavo.

Kwidzulitsa 1:3

Ku lidiku liu kutanga liu mweli gwi likomi na mulala gwu muhiga gwa arubaini inyima wa vaali nivakatula Egebeti, Musa yavolera avandu va Isiraeli vindu viosi via Yahova yamulaga avavoolere.

Kwidzulitsa 1:33

kali naava niyimilaa imbiri winyu kazozo kuzia kumwenyera havundu hamusosera. Kumumanyia inzira, yaazizaa imbiri winyu mu munara gwi lilesi mbasu gwosi na mumunaara gwu muliru uvudiku vwosi.

Kwidzulitsa 13:3

mutahuliriza amakuva gu muporofeti oyo, anoho mulooti oyo mba. Yahova Nyasaye winyu atumikiraa mundu oyo kugeriza munyi, kumanya niiva muyanzaa Yahova nu mwoyo gwinyu gwosi kandi na roho jinyu josi.

Kwidzulitsa 2:7

“Mwizurizi kuli Yahova Nyasaye winyu amali kumugaasiza mu vindu viosi viamumali kokora. Yamulinda ku mihiga arubaini lwa mwagendagenda kuvitira mu changalangwe kenene yiki, na simwadaka kindu mba.

Kwidzulitsa 29:5

Ku mihiga arubaini, Yahova yamwimilira kuvitira mu changalangwe, kandi zinguvu zienyu nivilatu vienyu siviatanduka mba.

Kwidzulitsa 32:7

“Muganagane ku agaavita, agizing'inga zia kale ligali, muganagane mihiga ja makura manyingi muteeve avababa vinyu vamuvolere ageekoleka. muteeve avasaakulu vinyu vamuvolere gi zing'inga zia kale.

Kwidzulitsa 7:18

Mutavatia mba; mwizurizi aga Yahova Nyasaye winyu yakola ku Mwami wa Egebeti kandi ku avandu veve vosi.

Kwidzulitsa 8:16

Muchangalangwe, yauha imaana mulie, ichukulia cha avaguuga vinyu vavura kulia ku kali hakuzu. Yaleeta uvudinyu ku munyi aduuki kumukola mwegehizi kandi kumugeriza, kunangwa mu limalirika aduuki kumugaasiza nivindu vilahi.

Yakobo 1:3

Mumanya vulahi ndi ligerizwa lie lisuuvira lienyu liletaa uvwikuziri.

Yakobo 4:10

Mwegehizi munyi aveene imbiri wu Mwami, naye alamunenehiza.

Yakobo 4:6

Navuzwa zimbavasi zia Nyasaye akohezaa ziveeye ni zinguru ligali kuli Mang'oda Matakatifu gavoora, “Nyasaye ahingiraa avigingiri, navuzwa ahaanaa, zimbavasi ku vegehiza.”

1 Petro 1:7

Kivuni cha magerizu yaga kimanyia ndi lisuuvira liange liveeye lia giligali kali izahabu inyala kusambwa mu muliru; kandi ndio lisuuvira lienyu liveeye lilahi ligali kuvita izahabu, ligerizwa kunangwa liduuki kuhindira. Maku mulakanyoole lizominywa, vukumi kandi luyali ku lidiku lia Yeso Kristo aliloleka.

Likunula 2:23

Nainzi ndiita valondi veve, kandi amakanisa goosi galamanya ndi ndaamanya zing'anagani zia vuli mundu harara ni lienya lilie. Ndatunga vuli mulala winyu kolondekana ni likora liayaakola.

Vakalagi 2:22

Ndatumikira zihiiri ziene yizi kwenyeleriza nukumanya niiva vandu va Isiraeli yava valonda zinzira ziange kuli avaguuga vaavo vaakora.”

Vakalagi 3:4

Valekwa vagelizi Avaisiraeli kolola niiva avandu va isiraeli zana valalonda amalago gaali nigaahaanwa ku avaguuga vaavo na yahova, kuvitira ku Musa.