Kwidzulitsa 8:19 - KITABU KITAKATIFU

¹⁹ Mutivilira Yahova Nyasaye winyu, anoho kugirung'ana nokuzia ku avanyasaye vandi, kuvasigamira kandi kuvatumikira mba. Niiva mulakola ndio, mwiganihizaa kalunu ndi ligali muladivizwa.

Kwidzulitsa 8:19 Iomraidhean Croise

Jeremia 25:6

Vaamuvolera muvuli kusigamira kandi kutumikira avanyasaye vandi, kandi muvuli kokora Yahova ave nu vutima mu lisigamira vifananyi via mwalomba. Mulava ni mwatia Yahova, ngano si yamuha amageri mba.

Jeremia 7:6

Niiva mulaleka kudambiza avageni, avavisandu kandi avakunzakali, anoho kwita avandu vatali nimbala mukivala yiki, kandi nimuleka kusigamira avanyasaye vandi ku lisalira lienyu aveene,

Danyeli 9:2

Mu muhiga gwu kutanga gwi liamiiha lilie, ndaali ni soma vitabu vitakatifu kandi ninganagana ku mihiga 70 ji lidaala lia Jerusalemi liali live mulidivizwa kolondekana ku makuva ga Yahova yaali na mali kovoolera muporofeti Jeremia.

Amosi 3:2

“Kuzihiiri ziosi ziokulirova, munyi nivo mweng'ine avadamanya nukuvalinda. Yiki nicho kekolaa uvwoni vwinyu kuva vudamanu ligali. Yiki nicho kigira muhe amageri malulu ligali.”

Zefania 1:18

Ku lidiku yilio lwa Yahova alakamanye vutima vwivwe vululu, kali zifeza ni zizahabu ziavo ziosi sizilakavahonye mba. Muliru gwu vutima vwivwe gu lakadivizi kivala choosi. Nonoho alakaleete keheri ku vuli mundu woosi omenyi ku lirova.

Zefania 3:6

Yahova avoora, “Inzi mali kutulizaho zihiiri ziosi, mali kudiviza madaala gaavo nokoleka madigi galio kandi minaara jalio kuva mang'anye. Madaala gamali kolekwa; zinzira ziago ziatigala hazwa si aveeyeho nu mundu uvitira muzio mba.

Malaki 4:4

“Mwizurizi amigizu kandi amalago gu mutumikiri wange Musa, ga ndahaana kuye ha kiguru cha Sinai ku vandu vosi va Isiraeli vaduuki kugatia.

Luka 13:3

Muvooleraa sigaveeye ndio mba; navuzwa munyi nimutiganira mulakuza mwosi kuli ndio kandi.

Luka 13:5

Muvooleraa, sigali ndio mba; navuzwa munyi nimutiganira, mulakuza kuli ndio kandi!”

Kwidzulitsa 11:16

Mwilindi aveene gase mulagadwa mugirung'ane koleka Yahova kandi musigamiri nokutumikira avanyasaye vandi.

Kwidzulitsa 31:20

Ndavahila mu kivala kitugi kandi kenoru yiki, kuli ndasuuviriza avaguuga vaavo. Uwene yeyo valava ni chukulia choosi cha venya, na valamenya mu lielemeriza. Navuzwa valayeeka halovega kandi vasigamiri avanyasaye vandi. Valasura nukuvunanyia lilagana liange,

Kwidzulitsa 4:26

Nangaa ligulu ni lirova kuli valolekizi ku munyi kalunu ndi, niiva simulahulira inzi mulatulaho vwangu kutura mu kivala yicho. Simulamenya ku ing'inga indambi mu kivala keveeye engeleka wa Jorodani ichamuveeye ahimbi kuvugura mba. Muladivizwa ligali.

Joshua 23:13

muve nilimanya ndi, Yahova Nyasaye winyu sialazizagilira kukunga zihiiri yizi ziituli lwa muvingilira mba. Nitali, valava uvuhiimwa ku munyi kuli mutego, anoho ovogo kandi vuzunu kuli kevogo cho lokova, ku migongo jinyu anoho amafwa mu zimoni zienyu. Vindu viukutihiza yivi vilazizagilira kwekoleka ku munyi kuduuka lwa mudiva kutura mu kivala kilahi yiki cha Yahova Nyasaye winyu yamuha.

1 Samweli 12:25

Navuzwa nimuzizagilira kokora vwoni, munyi harara nu mwami winyu muladivizwa.”