Kwidzulitsa 8:18 - KITABU KITAKATIFU

¹⁸ Mwizurizi ndi Yahova Nyasaye winyu niyie umuhezaa zinguru ziukuva avatugi. Akolaa ndio kigira akikiri vuzwa musuuvirifu kalunu ku lilagana lia yalomba na avaguuga vinyu.

Kwidzulitsa 8:18 Iomraidhean Croise

Litanga 32:14

na jali kuli ndi; zimburi zikole 200, zimburi zingali 20, magondi masuveni 200, magondi mamigu 20,

1 Kyetsinyinga 29:12

Vutugi vwosi nu vuhinda vuturaa ku ivi; kandi vamiiha vindu viosi mu zinguru harara nu vunyali vuvwo; kandi uveeye nu vunyali kokora mulala kuvo munene kandi wi zinguru.

2 Kyetsinyinga 25:9

Na mwami Amazia yateeva muporofeti uyu, “Navuzwa kulakola ki ku ifeza yamali kuhaana ku vasaza yava?” Na muporofeti yamutivulira, “Yahova alakwilanyira vinyingi kuvita yivi!”

Zaburi 144:1

Yahova mukingi wange yizominywe, aveeye mukingi wange. Yanzigiza kuli nyara kuzia mu liihe, kandi yanzetegekizaa kuzia mu vulwani.

Zaburi 44:3

Avandu vovo sivagutaa kivala yiki ni kivavi chavo mba, sivagutaa ni zinguru zia makono gaavo, mba, navuzwa vaguuta ni zinguru ziu mukono gugwo mulungi, kandi wavasuuviriza kuva navo kazozo kigira wa vayaanza.

Tsing'ano 10:22

Uvugasu vwa Yahova vulakuha vutugi, navuzwa liyinzira vudinyu si lilakokola mutugi mba.

Kohelethu 12:1

Kunangwa wizulizi mulombi woovo nugikiri muyaayi, madiku gi kivi ni gagikiri kuduuka kigira mihiga gizaa novoole, “Sisangalira livamwoyo mba.”

Kohelethu 9:11

Ndaamanyiriza kindu kindi ndi, mu kivala yiki, avandu vanyagura vwangu, sivaveeye vosi avagutaa mu zimbiru mba, kandi avandu vaveeye valuviriri sivagutaa mu vulwani ing'inga yoosi mba. Avandu vageri sivanyoolaa chukulia mba kandi avandu vilimanya sivanyoola vutugi kazozo mba. Avandu vinyaliza sivanenehizwa vuli ing'inga kuva igulu wa vandi mba. Inga indamanu yiza ku vuli mundu.

Jeremia 23:27

Vaganagana ndi amalooto gavavora galakola avandu vange vanziviliri, kuli avaguuga vaavo vanzivilira kandi nivagirung'ana vazia ku Baali.

Hosea 2:8

Si alamanyiriza ndi ni Inzi wamuha uvuswage, Iwaini, amaguta, ifeza kandi izahabu ya yatumikira mu lisigamira Baali mba.

Kwidzulitsa 26:10

Kunangwa kalunu koletaa ku Yahova makuyu gi kidieli chukutanga chi ligesa icha amali kuhaana ku kunyi.’ “Maku mulaviika kihinda hasi, imbiri wa Yahova, Nyasaye winyu, na musigame imbiri weve.

Kwidzulitsa 6:11

Zinyumba zana ziliizula vindu vilahi via mwavura kuviika mu, kandi vidaho vilava yo viamwavula kuyava, kandi milimi ji mizabibu na mizeituni ja mwavura kusimika. Lwa Yahova amuleeta mu kivala yiki, mulava nivindu viosi via mwenya mulie.

Kwidzulitsa 7:12

“Nimuhuliriza malago yaga goosi nukugalonda nu vusuuvirifu, kandi kugakola, ahene yaho Yahova Nyasaye winyu aladuukiza lilagana lilie nimunyi kandi alamanyia vuyanzi vwivwe vutaveeye nekeheri kuli yasuuviriza avaguuga vinyu.

Kwidzulitsa 7:8

Navuzwa gaali kigira Yahova yamuyanza kandi yenya kutwekiza lilagana lia yasuuviriza avaguuga vinyu na yiki nicho chagira namuhonyia nu mukono gwigwe gwi zinguru kandi namuvoholora kutura mu kivala chu vutugwa, kutura mu zinguru ziu mwami wa Egebeti.

Kwidzulitsa 8:1

“Muhuliri amalago goosi aga mali kuhaana ku munyi kalunu, kunangwa muduuki komenya, nokomedeka kuva vanyingi, kandi muvuguli kivala cha Yahova yasuuviriza avaguuga vinyu.

Vakalagi 3:7

Avandu va Isiraeli vivilira Yahova Nyasaye wavo; vaakora vwoni imbiri weve, kandi nivasigamira vifananyi via Baali na Ashera.

Vakalagi 7:2

Yahova yavolera Gidioni, “Avandu voveeye navo navanyingi ligali Inzi singuvugilira vanyoore uvuguuti ku vandu va Midiani mba. Valaganagana nivo avatumikiyi uvunyingi vwavo ku vandu va Midiani. Kandi sivalamba lizominya kali hakuzu.

1 Samweli 2:7

Akolaa avandu valala vadaka, na vandi vatugi. Agehizaa avalala na vandi avanenehiza.