Kwidzulitsa 8:12 - KITABU KITAKATIFU

¹² Lwa muva nimuveeye niviukulia viosi viamwenyaa kulia, kandi nimumali kwumbaka zinyumba zindahi mumenye mu,

Kwidzulitsa 8:12 Iomraidhean Croise

Tsing'ano 30:9

Niimba ni chukulia kinyingi, nyara kuvoola ndi si ngwenyaa mba. Navuzwa nimbeeye mudaka nyara kwiva ma mbane izisoni ku Nyasaye wange.

Kohelethu 2:4

Ndaakola miyinzi minene. Ndiyumbakira zinyumba kandi ndataga milimi ji mizabibu.

Ezekieli 11:3

Vavola, ‘Koveeye ahimbi kwumbaka zinyumba kandi. Lidaala linene yili liveeye kuli inyingu yokodekeramu, na kunyi koveeye kuli inyama muyo, navuzwa kali ndio kikukingaa kutura ku muliru.’

Amosi 5:11

Kunangwa mumali kudambiza avadaka nu kuvanura vuswage vwavo. Kigira yaga, simulamenya mu zinyumba zindahi zia magina gavazwa zia mwumbaka, kandi simulanwa iwaini kutura ku mizabibu milahi ja mwasimika mba.

Haggai 1:4

“Avandu vange, kigira ki munyi mumenyi mu zinyumba ziumbakwa vulahi, navuzwa Litembeli liange liveeye amang'anye?

Luka 17:28

Galakave kuli gaali mu ing'inga ya Loti. Avandu vosi vazizagilira kulia, nukunwa, kugura nukuguliza, kutaga kandi kwumbaka.

Kwidzulitsa 28:47

Yahova yamugasiza mu zinzira ziosi, navuzwa simwali munyala kumutumikira nuvusangali kandi nuvuyanzi mu mioyo jinyu mba.

Kwidzulitsa 31:20

Ndavahila mu kivala kitugi kandi kenoru yiki, kuli ndasuuviriza avaguuga vaavo. Uwene yeyo valava ni chukulia choosi cha venya, na valamenya mu lielemeriza. Navuzwa valayeeka halovega kandi vasigamiri avanyasaye vandi. Valasura nukuvunanyia lilagana liange,

Kwidzulitsa 32:15

“Avandu va Yahova vaagwa avatugi, navuzwa avibaali. Vakomera kandi vaali ni viukulia vinyingi. Valeka Nyasaye wavo uwavalomba, kandi nivasuula muhonyi wavo wi zinguru.

Kwidzulitsa 6:10

“Kuli Yahova Nyasaye winyu yasuuviriza niliesuuha, ku avaguuga vinyu, Aburahamu, Isaka na Yakobo, alahaana kumunyi kivala keveeye na madaala manene ligali kandi aguvutugi, agamwavula kwumbaka.

Kwidzulitsa 8:13

kandi lwi iviayo vie zing'ombe na magondi, ifeza ni zahabu yinyu, kandi miandu jinyu ni jimali komeedeka,