Kwidzulitsa 7:9 - KITABU KITAKATIFU

⁹ Kunangwa mwizurizi ndi Yahova Nyasaye winyu aveeye Nyasaye; Nyasaye oveeye, musuuvirifu; udukiza lilagana lilie nukuhaana zimbavasi zitaveeye nekeheri ku vandu vamuyanzaa kandi avahulira. Amakuva geege gakuduukaa ku makura zielefu.

Kwidzulitsa 7:9 Iomraidhean Croise

Litanga 17:7

“Inzi ndakalindi lilagana liange ku ivi kandi ku visukululwi vivio mu makura gaaza kuli lilagana lihindira mihiga ni mihiga. Inzi ndakave Nyasaye woovo kandi wi visukululwi vivio.

Litanga 28:15

Wizulizi, Inzi ndava harara na ivi kandi ndakukukingi havundu hoosi ha uzia; kandi ndakakwiranye mukivala yiki. Si ndakakoleke mba, kuduuka lwa ndakaduukizi goosi aga mali kukulaga.”

Litanga 9:15

ndakizulizi lilagana liange ku munyi kandi ku zinyama ziosi ndi migelera jamazi si jilikadivizi ku kandi vindu viosi viveeye mwoyo mba.

1 Avami 8:23

nasaara, “O, Yahova Nyasaye wa Isiraeli, sihali na nyasaye kuli ivi mwigulu igilu anoho mu musi mu lirova!

1 Kyetsinyinga 16:15

Mwizurizi lilagana lilie mihiga ni mihiga, likuva lia yalaga ku visukululwi elefu ndala,

2 Kyetsinyinga 6:14

Yasaala navoora, “O, Yahova, Nyasaye wa Isiraeli, si aveeyeho na Nyasaye wundi kuli ivi, mwigulu igulu anoho ku lirova mba, ivi udukiza lilagana liilio na vandu vovo, kandi umanyianga vuyanzi vuvwo vutali nekeheri ku vatumikiri vovo avagendaa imbiri woovo nu mwoyo mulala.

Nehemia 1:5

Maku ndaavoora: “O, Yahova, Nyasaye wu mwigulu, Nyasaye munene kandi kwosi kokoheza uluyali lonene ligali. Ivi udukiza lilagana liilio nu vusuuvirifu, ku yavo avakuyanza kandi avahulira malago googo,

Nehemia 9:32

“O, Nyasaye, Nyasaye wiitu, Ivi oveeye munene ligali kuli ndi! Ivi oveeye wukutihiza kandi wizingulu! Muvusuuvirifu ulindaa lilagana liilio lia walaga. Kutura ing'inga lwa avami va Asiria vakudambiza, kali kuduuka kalunu ndi, kwasalirizwa hanene ligali! Avami viitu, aviimiliri viitu, avasaalisi na avaporofeti viitu, avaguuga viitu, na avandu viitu vosi vamala kusalirizwa ligali. Yizuliza kuli uvusaliri kumali kusalira.

Zaburi 103:18

Kandi ku yavo avagumira lilagana lilie, kandi avahulira amalago geege nu vusuuvirifu vwosi.

Zaburi 105:8

Alalinda lilagana lilie mihiga ni mihiga, aladuukiza lisuuviriza lilie ku makura elefu.

Zaburi 119:75

O, Yahova, inzi manya vulahi ndi likalaga liilio liveeye lirungi, kandi wamba amageri kigira oveeye musuuvirifu.

Zaburi 146:6

walomba ligulu, lirova kandi inyanza na viosi iviveeye mu. Adukizaa lisuuviriza lilie kazozo;

Zaburi 36:6

Uvulungi vuvwo voveeye igulu ligali kuli vigulu, likalaga liilio lirungi liveeye kuli ululiva lwi inyanza; ivi ulindaa avandu ni zinyama ziosi.

Kutwula 20:6

Navuzwa ndolekizaa uvuyanzi vwange ku zielefu zia makura aga yavo avanyanzaa nokolonda amalago gange.

Isaya 49:7

Nyasaye Mutakatifu wa avandu va Isiraeli kandi muhonyi avooreraa mulala olegelizwa ligali, udunyirangwa ni zihiiri kandi oveeye mutumikiri wa avamihi ndi: “Avami vaavo valakolora noveeye muvoholore, kandi valaza nukuhaana uluyali ku ivi; Avanene kandi valakolola noveeye muvoholore kandi valasigama kukuha luyali.” Yaga galakoleka kigira Yahova umali kotovola mutumikiri weve, Mutakatifu wa vandu va Isiraeli alindaa malagano geege.

Jeremia 32:18

Ivi umali kumanyia uvuyanzi vutali nekeheri ku avandu zielefu, navuzwa kandi uhaanaa amageri ku avandu kigira uvwoni vwa avaguuga vaavo. Ivi oveeye Nyasaye munene ligali kandi wi zinguru; Oveeye Yahova Wuvunyali Vwosi.

Lisyoma lya Jeremia 3:23

voveeye vuhia vuli mugamba; vusuvirifu vwivwe voveeye vonene ligali.

Danyeli 9:4

Ndasaara ku Yahova Nyasaye wange kandi ndiyama uvwoni vwa vandu vange. Ndavoora “Yahova Nyasaye, ivi oveeye Munene, kandi kokohezaa luyali. Oveeye musuuvirifu ku lilangana liilio, oveeye nu vuyanzi vutaveeye nekeheri ku yavo avakuyanza, kandi okolaa agu mali kulaga.

Livalidza 14:18

‘Inzi Yahova mbeeye wa galaha ku vutima: Manyia uvuyanzi vonene kandi vusuuvirifu vutaveeye ne keheri, kandi samiiha uvwoni kandi samiiha yavo vibaara. Navuzwa ndahaana mageri ku vana kandi aviisukulu kuduuka ku likula lia kavaga ni lia kane kigira uvwoni vwa vaguuga vaavo.’

Varumi 8:28

Kunyi kumanyi ndi ivindu viosi viyinzira harara koleta uvulahi ku yavo avayaanzaa Nyasaye; yavo avayalanga kolondekana nu vulaliri vwivwe.

1 Vakorintho 1:9

Nyasaye aveeye musuuvirifu, wamulanga muve mu lisanga liu Mwana weve Yeso Kristo, Mwami wiitu.

1 Vakorintho 10:3

Vosi valia chukulia kilala chere cha roho,

1 Vakorintho 8:3

Navuzwa umundu uyanzaa Nyasaye, oyo yamanyikana ligali naye.

2 Vakorintho 1:18

Nzisuha mu giligali ga Nyasaye ndi, gambolaa ku munyi sigaveeye “Yee” anoho “Awa” mba.

Kwidzulitsa 32:39

“ ‘Inzi, kandi Inzi wengine mbeeye Nyasaye; sihaveeyeho numunyasaye wundi oveeye wiligali mba. Nzitaa, kandi mbana livamwoyo, Nzataa ologoma kandi mbonyia, na sihaveeyeho numundu unyala kuhing'ana ku icha ngolaa mba.

Kwidzulitsa 32:4

“Yahova aveeye mukingi munene winyu, muduukiru kandi mulungi mu zinzira zizie ziosi. Nyasaye winyu aveeye musuuvirifu kandi wagiligali; akolaa agaveeye malungi kandi amalahi ku vandu vosi.

Kwidzulitsa 4:35

Yahova umali kololekiza vindu yivi ku munyi kumumanyia ndi oyo yeng'ine aveeye Nyasaye kandi sihaveeye no wundi nataveeye oyo yeng'ine mba.

Kwidzulitsa 4:39

Kunangwa wizulizi kalunu kandi utivilira mba: Yahova aveeye Nyasaye mwigulu kandi ku lirova, Sihaveeye ho nyasaye wundi mba.

Kwidzulitsa 5:10

Navuzwa manyia vuyanzi vwange vuduukiru ku zielefu zia makura ga yavo avanyanzaa kandi avalondaa malago gange.

1 Vatesalonike 5:24

Uyu ulangaa munyi aveeye musuuvirifu alakola ndio kigira aveeye musuuvirifu.

2 Vatesalonike 3:3

Navuzwa Mwami aveeye musuuvirifu kandi alamuha izingulu nu kumulinda vulahi ku Mudamanu oyo.

Tito 1:2

Agiligali yaga gaveeye ku musingi gwi lisuuvirizwa lie livamwoyo litahera mba. Nyasaye utanyala koveha yakusuuviriza livamwoyo yilio mihiga minyingi ijavita,

Vahebraina 10:23

Gendi kugumiri vudinyu lisuuvira lietu vugira lihayahaya, kigira Nyasaye walomba lilagana yili aveeye musuuvirifu.

Vahebraina 11:11

Kigira lisuuvira Sara yanyoora zinguru zio kovereka mwana kali niyaali wi mihiga minyingi; kigira yasuuvira ndi Nyasaye, wamusuuviriza, aveeye musuuvirifu kutwekiza indagano yeeye.

Vahebraina 6:18

Kunangwa koveeye ni vindu viviri; lisuuvirizwa ni liesuuha ivitanyala kugirung'ana, kandi Nyasaye avula kovora vovehi kulio. Kunangwa kunyi avakumali konyoora mirembe naye kuzuvwa ligali kugumiri vudinyu lisuuvirizwa liviikiywi imbiri wiitu.

Yakobo 1:12

Aveeye nu vugasu umundu wikuziraa mu ligerizwa, kigira lwamali kuguuta nu kuvita ligerizwa kuli yili anyoora itaji yi livamwoyo lia Nyasaye yasuuviriza yavo vosi avamuyanzaa.

1 Yohana 1:9

Niiva kuliyama uvwoni vwitu, Nyasaye aveeye musuuvirifu kandi mulungi, na alakusamiiha uvwoni vwitu kandi alakutakasa kutura ku vuchamu vwosi.

Vakalagi 2:1

Engelosi wa Yahova yatura Giligali kuzia Bokimu, kandi navolera avandu va Isiraeli: “Ndaamutuliza Egebeti nimuleeta mukivala chandaalagira avababa vinyu. Ndavoora, sindivunanyia lilagana liange ni munyi mba.

Vakalagi 5:31

Avasigu vovo vakuze ndio, O, Yahova, navuzwa avalina vovo vang'ereng'ane kuli iliuva! Ni mirembe jaaliho mu kivala ku mihiga arubaini.