Kwidzulitsa 7:8 - KITABU KITAKATIFU

⁸ Navuzwa gaali kigira Yahova yamuyanza kandi yenya kutwekiza lilagana lia yasuuviriza avaguuga vinyu na yiki nicho chagira namuhonyia nu mukono gwigwe gwi zinguru kandi namuvoholora kutura mu kivala chu vutugwa, kutura mu zinguru ziu mwami wa Egebeti.

Kwidzulitsa 7:8 Iomraidhean Croise

Litanga 19:16

Navuzwa Loti yalindagilira. Nitali Yahova yamuvererera. Kunangwa zingelosi vaavugura Loti nu mukali weve harara na vakana veve vaviri, nivavatuliza mu lidaala.

Litanga 19:29

Lwa Nyasaye yaali ni yakadiviza madaala ga mavoona, havundu ha Loti yamenya, yizuliza Aburahamu ma naahononokiza Loti kutura mu lidivizwa.

2 Samweli 22:20

Yangoonya kutura mu vuhimwa; yambonyia kigira ndamuyaanziza.

1 Avami 10:9

Yahova Nyasaye woovo yizominywi! Amali kumanyia kuli ayanziziywi kokokola ove mwami wa Isiraeli, kigira vuyanzi vwivwe ku vandu va Isiraeli voveeye vwukuhindira mihiga ni mihiga. Umali kokora ivi kuva Mwami kunangwa uduuki kulinda Lilaga nu vulungi.”

1 Kyetsinyinga 16:16

lilagana lia yalomba na Aburahamu kandi lilagana lia yisuhira Isaka.

2 Kyetsinyinga 9:8

Wizominye Yahova Nyasaye woovo! Uwakuyanza nakuvika ku endeve yeeye yu vwami, kwamiiha mu lieta lilie. Kigira yayanza avandu veve Isiraeli, kandi ya kayaanzi kuvalinda vahindiri mihiga ni mihiga. Na kigira yaga, yakokola kuva mwami uduuki kulinda malago kandi vulungi.”

Zaburi 105:42

Nyasaye yizuliza lisuuviriza lilie litakatifu, ku Aburahamu, mutumikiri weve.

Zaburi 44:3

Avandu vovo sivagutaa kivala yiki ni kivavi chavo mba, sivagutaa ni zinguru zia makono gaavo, mba, navuzwa vaguuta ni zinguru ziu mukono gugwo mulungi, kandi wavasuuviriza kuva navo kazozo kigira wa vayaanza.

Zaburi 44:4

Ivi oveeye mwami wange kandi Nyasaye wange, kandi uhaanaa liguuta ku vandu vovo; visukululwi via Yakobo.

Kutwula 13:14

Mu zing'inga ziza, lwu muyaayi wowo alikoteeva icha makuva yaga gavoora, ulamutivulira ndi, ‘Yahova yatumikira zinguru zizie zinene kukutuliza mu kivala cha Egebeti, havundu ha kwaali avatugwa.

Kutwula 13:3

Musa yavolera avandu, “Mwizurizi lidiku yili lia mwatula mu Egebeti, wa mwaali avatugwa. Yili nilidiku lia Yahova yaamutuliza yo nizinguru zizie zinene. Mutalia mugadi gwa mamera mba.

Kutwula 20:2

“Inzi mbeeye Yahova, Nyasaye winyu uwamutuliza Egebeti, uwa mwaali avatugwa.

Kutwula 32:13

Wizulizi Lilagana lia walomba na avatumikiri vovo Aburahamu, Isaka na Yakobo. Wizulizi lisuuviriza lia walomba navo ndi ulavaha visukululwi vinyingi kuli zing'ereng'ani ziu mwigulu, kandi kuvaha kivala chawavasuuviriza kuva miandu jaavo mihiga ni mihiga.”

Kutwula 6:6

Kunangwa, volera vandu va Isiraeli ndi inzi mboraa kuvo, ‘Inzi mbeeye Yahova; ndamusoola nukumuvoholora muturi mu vutugwa vwinyu ku vandu va Egebeti. Ndanyira mukono gwu vunyali vwange okoleta amageri gukutihiza kuvo, na ndamuhonyia.

Isaya 43:4

Ndahaana zihiiri ziosi ku nduuki okumuhonyia, kigira munyi muveeye avuvuguli vudinyu ligali ku inzi kandi kigira nyanza munyi kandi muheezaa luyali.

Isaya 63:9

Mu lidambizwa liavo liosi, yaasalirizwa, na engelosi yeye yavahonyia; mu vuyanzi ni zimbavasi zizie, yavasoola; yavadenda kutura kale.

Jeremia 31:3

Inzi ndaaloleka kuvo kutura ihale. Avandu va Isiraeli, inzi muyanzaa kazozo, kunangwa ndazizagilira kumumanyia uvuyanzi vwange vutaveeye nekeheri.

Ezekieli 36:22

“Maku kalunu, ovoolere avandu va Isiraeli ndi, Inzi Yahova Wuvunyali mboraa makuva yaga kuvo: Aga Inzi nziza kokora sigaveeye kigira munyi avandu va Isiraeli mba, navuzwa gaveeye kigira lieta liange litakatifu, iliamumali kwononyia wamwazia hagati hi zihiiri muvivala vigeni.

Mika 6:4

Ndamutuliza mu kivala cha Egebeti; ndaamuhonyia kutura muvutugwa; ndaatuma Musa, Haruni na Miriamu kumwimilira.

Mika 7:20

Ivi ulamanyia uvusuuvirifu kandi uvuyanzi vuvwo uvutaveeye nekeheri ku avandu vovo, ivisukulurwi via Aburahamu na Yakobo, kuli wasuuviriza avaguuga viitu zing'inga zia kale.

Zefania 3:17

Yahova Nyasaye winyu aveeye harara na munyi. Zinguru zizie zilamuha liguuta. Yahova alayanzizwa na munyi kandi mu vuyanzi vwivwe, alamuha livamwoyo lihia. Alimba nukusangara kigira munyi.

Malaki 1:2

Yahova avooreraa vandu veve, “Inzi ndamuyaanza zing'inga ziosi.” Navuzwa vandu vaativura, “Ivi ukuyaanza kuli ndi?” Yahova yativura, “Esau na Yakobo vaali avamwavo, navuzwa ndayaanza Yakobo.

Matayo 11:26

Yee, Baba, nindio wenyaa gakoleke.

Luka 1:55

Umali kwizuliza kumanyia zimbavasi, ku Aburahamu ni visukululwi vivie mihiga ni mihiga!”

Varumi 11:28

Kigira vasuura makuva malahi, Avayuda vaveeye vasigu va Nyasaye kigira munyi vandu vizihiiri. Navuzwa kigira litovola lia Nyasaye, vaveeye avalina veve kigira avaguuga vaavo.

Kwidzulitsa 1:8

Kivala yiki choosi nicho kivala cha Inzi, Yahova, ndasuuviriza kuhaana ku avaguuga vinyiu, Aburahamu, Isaka na Yakobo, kandi ku visukululwi viavo. Muzie mukivuguli.’ ”

Kwidzulitsa 10:15

Navuzwa vuyanzi vwa yahova yaali navwo ku avaguuga vinyu vwali ovonene kandi vwizingulu ligali, kali natovora munyi, visukululwi viavo muvogono vwa avandu vandi vosi, kandi mukikiri avandu vatovole veve

Kwidzulitsa 23:6

Ku lohono lwa muveeye ihiiri mutenya kolomba mirembe anoho vokonyi ni zihiiri yizi mba.

Kwidzulitsa 33:3

Yahova ayaanza avandu veve kandi akingaa yavo avaveeye aveeve. Kunangwa kusigama ha virenge vivie, nukuhulira malago geege.

Kwidzulitsa 4:20

Navuzwa munyi muveeye avandu va Yahova yahonyia kutura Egebeti, kutura mu lomemo lwu muliru. Yamutuliza yo amukole avandu veve mwene kuli muveeye kalunu.

Kwidzulitsa 4:34

Aveeye ho na nyasaye woosi uwaluvilira kuzia kwivugulira avandu kutura mu ihiiri yindi nu kuvakola vave aveeve mwene, kuli Yahova Nyasaye winyu yamukolera mu Egebeti. Imbiri winyu aveene, yatumikira zinguru zizie zinene, kandi uvunyali vwivwe. Yaleeta maduywa kandi uvulwani yakola vilolekizu kandi viokogenyia, kandi yalomba vindu viukutihiza viekoleke.

Kwidzulitsa 4:37

Kigira yayanza avaguuga vinyu, yatovola munyi, visukululwi viavo, kandi kuzinguru zizie zinene yamutuliza mu kivala cha Egebeti.

Kwidzulitsa 5:6

‘Inzi mbeeye Yahova Nyasaye woovo wa muletaa kutura mu kivala cha Egebeti, wa mwaali vatugwa.

1 Yohana 4:19

Kunyi kuyaanza kigira Nyasaye yakuyaanza mu litanga.

1 Samweli 12:22

Yahova umali kulagana ligali kandi si alamuleka mba, kigira umali kukalaga akole munyi kuva vandu veve.