Kwidzulitsa 7:3 - KITABU KITAKATIFU

³ Mutaleetani navo kali hakuzu mba,

Kwidzulitsa 7:3 Iomraidhean Croise

Litanga 24:3

Nyenya wisuhi ku Yahova, Nyasaye wu mwigulu kandi wi lirova, ndi si ulatovolera muyaayi wange mukali kutura mu vakana va Kanaani ava inzi menyaa hagati haavo mba.

1 Avami 11:2

Yavaleeta kali Yahova ni yaali niyalaga Avisiraeli vataleetana na vandu yava, kigira valakola Isiraeli kusigamira avanyasaye vandi.

1 Avami 16:31

Siyakola vuzwa vwoni kuli vwo mwami Jeroboamu; navuzwa yaavitilira naleta Jezebeli mukaana wu mwami Ezibaali wa Sidoni, ma natanga lisigamira Baali.

Ezara 10:3

Kalunu, gakuduukiraa kolombe lilagana na Nyasaye wiitu ndi kulakunga avakali yava vosi harara na vana vaavo. Kulakola aga ivi kandi aga yavo avatia malago ga Nyasaye vakovolera kokole. Kulakola kolondekana ni lilaga lia Nyasaye.

Ezara 9:12

Vaakovolera kuvuli kuhaana vakana viitu ku vayaayi vi zihiiri zindi kuva vakali vaavo, anoho kuvuli kuvugura vakana vaavo kuva vakali va vayaayi viitu. Vaakovolera kuvuli kwenya mirembe jukuvugilizana kutura kuvo, kunangwa kuduuki kuva ni zinguru kandi kuduuki konyoora ivindu vilahi mu kivala yiki; kandi vakovolera kuvuli kuva imiandu ku visukululwi vietu mihiga ni mihiga.

Nehemia 10:30

Kunyi sikulaleetana na vageni vamenya mu kivala chietu mba.

Vakalagi 14:3

Navuzwa baba weve na mama weve vamuteeva, “Kigira ki wenyaa koleta umukali kutura mu vandu va Filisitia avatamanyi Nyasaye? Siunyala konyoora umukana kutura munyumba yitu yene anoho hagati ha vandu viitu vosi?” Samusoni yavolera baba weve, “Zia ondetere kigira yaakumala kunyaanziza.”