Kwidzulitsa 7:25 - KITABU KITAKATIFU

²⁵ Musaambe vifananyi viavazwa viosi. Mutakayirwa ifeza anoho izahabu eveeye kuvio mba, anoho kuvivugula vive vienyu mba, Yahova Nyasaye winyu avihilirwa vifananyi.

Kwidzulitsa 7:25 Iomraidhean Croise

2 Avami 23:14

Mwami Josia yatanyia zitiru zia magina, mu vidonye, natemanyia vifananyi viu munyasaye wi kikali Ashera, kandi nafuma havundu ha vasingira ni vigumba via vandu vakuza.

1 Kyetsinyinga 14:12

Lwa Vafilisitia virukaa valeka avanyasaye vaavo inyima. Kunangwa Daudi yahaana malago ku amahi geege ndi vasambe avanyasaye zana yavo mu muliru.

Kutwula 20:17

“Mundu ategomba inyumba yu mutende mba; atakayirwa mukali weve mba, anoho mutugwa muyaayi anoho mukaana weve mba, anoho eng'ombe, nisukili mba anoho kilala ku viosi viaveeye navio mba.”

Kutwula 32:20

Yavugula kemoli chi igiriki cha vaali nivalombi, naakisaamba mu muliru, nukukisia kuduuka nikigwa uvusie, kandi nazuganyia na amazi. Maku yaniga avandu va Isiraeli kuganwa.

Kutwula 8:26

Musa yavoola, “Sivunyala kuva vulahi kokora yaga mba, kigira vandu va Egebeti valavihilirizwa, ni visiuviliru vietu vie zinyama ku Yahova Nyasaye wiitu. Niiva kulatumikira zinyama yizi kuhaana visiuviliru nukuvihiliriza vandu va Egebeti, valakulasa na magina kukuzi.

Isaya 30:22

Maku mulavugula vifananyi vienyu iviavakwa ku ifeza, kandi vifananyi viavakwa izahabu, ma muvisiuve ihale ligali kuli kindu kifunyi na muvoore, “Tuli muzimoni ziange!”

Isaya 41:24

Munyi simuveeye kindu mba, kandi viosi via mukoraa viveeye vuzwa. Vosi avamusigamiraa vaveeye vu kuvihiliriza.

Kyavalevi 13:52

Musaalisi alakisaamba, kigira voveeye vuguku vulandaa vuduukana vudivizwi nu muliru.

Kyavalevi 19:4

“Mutagirung'ana kuzia kusigamira vifananyi mba, kandi mutelomberi avanyasaye ku vivia nukuvisigamira mba. Inzi mbeeye Yahova, Nyasaye winyu.

Zefania 1:3

Ndakadivizi avandu harara ni zinyama, manyonyi goosi; kandi zisuzi ziosi. Ndakagwihizi vandu vachamu. Ndakadivizi avandu vosi mu kivala. Inzi Yahova mali kovora.

Kwidzulitsa 12:3

Saambuli vwali vwavo, mwononyie ligali minaara mitakatifu jaavo ja magina, musaambe vifananyi viavo viu munyasaye wikikali Ashera kandi mutemanyie vifananyi viavo, kunangwa valavuli kuvisigamira kandi.

Kwidzulitsa 13:16

Muleete harara miandu josi ja avandu vamenyi mu lidaala yilio na muvivungizi hagati hi lidaala zana. Maku mulasaamba lidaala liosi harara ni vindu viosi viveeye mulio kuli kihanwa ku Yahova Nyasaye winyu. Kuduuka lilekwe mang'anye mihiga ni mihiga, kandi litumbakwa vuhia mba.

Kwidzulitsa 17:1

“Mutitira Yahova Nyasaye winyu visiuviliru vie zing'ombe anoho magondi, agaveeye nimbala yoosi mba kigira Yahova adunyiraa vindu yivi.

Kwidzulitsa 23:18

Mabese gi mitungu ju mukali anoho musaza muheyi gataleetwa munyumba ya Yahova Nyasaye winyu kutuunga kihanwa chi liesuuha ku liosi mba. Yahova avihiriraa malaya gu mu Litembeli.

Kwidzulitsa 27:15

“ ‘Alaamwe mundu olomba kifananyi chavazwa anoho kutulwa, ikindu keveeye chu kuvihiliriza ku Yahova, miyinzi ja makono gu musiza, na akisingirizi muvwivisu, akisigamiri’ “Kandi avandu vosi valavoora, ‘Amini!’

Kwidzulitsa 7:16

Mudivize vuli ihiiri ya Yahova Nyasaye winyu amuguutira kandi mutava nizimbavasi kuvo mba; kandi mutasigamiri avanyasaye vaavo mba; kigira yigwo gulava mutego gwu vuhimwa kumunyi.

Kwidzulitsa 7:5

Kunangwa, saambuli uvwali vwavo, muvunanyie muvidonye minaara mitakatifu jaavo ja magina, mutemere hasi vifananyi viu munyasaye wavo wikikali ulangwa Ashera kandi musaambe misambwa jaavo.

Joshua 7:1

Avandu va Isiraeli sivalonda lilaga lia Yahova kolondekana ni vindu vienyeka vidivizwi ligali. Mundu walangwa Akani, muyaayi wa Kaumi, mwisukulu wa Zabadi, ekesoni cha Zera, uwi ihiiri ya Yuda, siyaatia lilaga yilio mba, kunangwa Yahova yavihilirwa avandu va Isiraeli ligali.

Joshua 7:21

Ku vindu via kwalaanya ndaalora likoti lilahi ligali lia Babiloni, ahimbi zikilo ziviri zie ifeza, kandi kedonye chi izahabu chuvulitu uvuvitaa inusu yi kilo. Ndaavikayirwa ligali ma nimbivugula. Ulavinyoola niviayavilwa musi mu lihema liange, ifeza neveeye ku lwaalo.”

Likunula 17:5

Mu uvweni vwivwe: yaali ni lieta ling'odeywi lie kivuni chalio chaviswa, “Babiloni enene mama Munene wa malaya goosi kandi mama wu vuvihilirizi vwi lirova.”