Kwidzulitsa 7:16 - KITABU KITAKATIFU

¹⁶ Mudivize vuli ihiiri ya Yahova Nyasaye winyu amuguutira kandi mutava nizimbavasi kuvo mba; kandi mutasigamiri avanyasaye vaavo mba; kigira yigwo gulava mutego gwu vuhimwa kumunyi.

Kwidzulitsa 7:16 Iomraidhean Croise

Zaburi 106:34

Siviita avandu vatamanyi Nyasaye, kuli Yahova yaali naavalagi vakole mba.

Zaburi 106:36

Avandu va Nyasaye vaasigamira vifananyi via vanyasaye vaavo, navio viagwa mitego jukuvadiviza.

Kutwula 23:33

Mutaleki avandu yavo vamenye mu kivala chienyu mba; niiva mulavaleka vakole ndio, valamukola muhiole imbiri wange. Niiva mulasigamira avanyasaye vaavo, ligali yigu gulava mutego gwu kumwita.”

Jeremia 21:7

Navuzwa ivi, navatumikiri vovo, harara navandu vahononoka muvulwani, inzara, kandi nuvulwaye, munyi mwosi mulagumirwa nu mwami Nebukadineza kandi navasigu vinyu avenya kumwita. Nebukadineza yaza namwiiti. Sialileka mundu kali mulala kumunyi anoho kumumanyia zimbavasi anoho liverererwa mba. Inzi, Yahova mali kovora.”

Livalidza 33:55

Navuzwa niiva simulakunga avandu vamenyi mukivala yiki, yavo avatigara valava vikirage kuli Lusasu luveeye mu zimoni zienyu kandi amafwa mu zimbalu zienyu, kandi valamulwaana.

1 Vakorintho 15:33

Mutagadwa mba. “Avalina vadamanu vononyiaa miima milahi.”

Kwidzulitsa 13:8

Mutaleka amugonye kuduuka muvugiliri mba; kandi mutamuhuliriza kali hakuzu mba. Mutamumanyia zimbavasi anoho liverererwa mba kandi mutamukinga mba.

Kwidzulitsa 13:9

Kuduuka mumwiti. Muve wukutanga kulasa kuye ligina; maku muleke avandu vandi navo valase ku amagina.

Kwidzulitsa 19:13

Mutamuveri mba. Mutulizi mulumindi uyu mu kivala cha Isiraeli, kunangwa vuduuki kuva vulahi ku munyi.

Kwidzulitsa 19:21

Mu makuva kuli yaga, mutamanyia livererera mba. Amageri galava, livamwoyo ku livamwoyo, emoni ku emoni, liinu ku liinu, mukono ku mukono kandi kerenge ku kerenge.

Kwidzulitsa 25:12

mutamumanyia liverererwa mba; temi mukono gwigwe gutuli ligali.

Kwidzulitsa 7:2

Lwa yahova Nyasaye winyu aguutaa zihiiri yizi, kuduuka mu viiti vosi ligali. Mutahambani navo anoho kuvaveera zimbavasi mba.

Kwidzulitsa 7:25

Musaambe vifananyi viavazwa viosi. Mutakayirwa ifeza anoho izahabu eveeye kuvio mba, anoho kuvivugula vive vienyu mba, Yahova Nyasaye winyu avihilirwa vifananyi.

Joshua 11:20

Yahova yaali navakoli avagulu kulwaana Avaisiraeli, kunangwa vaduuki kukalagirwa lidivizwa ligali kandi vosi vaduuki kwitwa vugira liverererwa. Yaga nigo aga Yahova yaali nalagi Musa.

Vakalagi 2:12

valeka kusigamira Yahova Nyasaye wa vaguuga vaavo, uwaali niyavaleeta kutura mu kivala cha Egebeti; vatanga kusigamira vanyasaye va vandu vaali ahimbi kuvo. Vaavinamira ni vakora Yahova kuva nu vutima.

Vakalagi 2:3

Kunangwa mboraa ndi, sindavakunga kutura imbiri winyu mba, navuzwa ndavalomba vagwi avasigu vinyu, na vanyasaye vaavo valava mitego ku munyi.”

Vakalagi 3:6

Kunangwa valeta vakali kutura muvo, kandi nivasigamira vanyasaye vaavo.

Vakalagi 8:27

Gidioni yalomba ikimanyiru chi zahabu ma naakiviika mu lidaala lilie lia Ofura. Avaisiraeli vosi valeka Nyasaye nivasigamira ikimanyiru yiki. Yigu gwaali umutego ku Gidioni na vinyumba yeeye.