Kwidzulitsa 7:1 - KITABU KITAKATIFU

¹ “Yahova, Nyasaye winyu alamuleta mu kivala cha muzizaa kuvugura, kandi alakunga zihiiri zinyingi kutura mucho. Alakunga ligali zihiiri saba vatuli mukivala yicho, iziveeye zinene ligali kandi zie zinguru ligali kuvita munyi, nazio ni yizi; avandu vi zihiiri zia Hiti, Girigashi, Amori, Kanaani, Perizi, na Jebusi.

Kwidzulitsa 7:1 Iomraidhean Croise

1 Avami 16:31

Siyakola vuzwa vwoni kuli vwo mwami Jeroboamu; navuzwa yaavitilira naleta Jezebeli mukaana wu mwami Ezibaali wa Sidoni, ma natanga lisigamira Baali.

1 Kyetsinyinga 1:14

Kanaani yaali kandi guuga wa Vajebusi, Vaamori, Vagirigashi,

2 Kyetsinyinga 8:7

Avandu vosi avatigara kutura ku vandu viti, vandu va Hiti, Mori, vandu va Avaperezi, vandu va Hivi na vandu va Vajebusi, avatali ku vandu va Isiraeli,

Ezara 9:1

Inyima wa yaga goosi gaali ni gaakoleki, aviimiliri va vandu va Isiraeli vaza ku inzi nivavoora ndi, avasaalisi kandi avandu vinyumba ya Levi si vayiyahula aveene kutura ku vandu vi vivala via Kanaani, Hiti, Perizi, Jebusi, Amoni, Moabu, Egebeti kandi Amori mba. Vakora vindu vilala viere viu kuvihiliriza via vandu yavo vaakora.

Nehemia 13:23

Ku ing'inga yeyo, ndaanyoora ndi vasaza avanyingi Vayuda vaali nivaleeta avakali kutura Ashidodi, Amoni kandi Moabu.

Zaburi 78:55

Yakunga zihiiri ziamenyaa mu imbiri wavo; yagavulira zihiiri zia Isiraeli kivala yicho keve miandu javo, kandi na haanaa zinyumba ziavo ku vandu veve Isiraeli vamenye mu.

Kutwula 15:7

Mu vonene vwu vukumi vuvwo, waguuta avasigu vovo, uvutima vuvwo vwaka kandi vuvasambaa kuli uluvuva.

Kutwula 23:28

Ndakora avasigu vinyu vave nuvuti kandi lidegera kigira amahalamba. Ndakunga vandu va Hivi, na Hiti, vatuli imbiri winyu.

Kutwula 23:32

Mutalombi lilagana navo mba, anoho na avanyasaye vaavo mba.

Kutwula 23:33

Mutaleki avandu yavo vamenye mu kivala chienyu mba; niiva mulavaleka vakole ndio, valamukola muhiole imbiri wange. Niiva mulasigamira avanyasaye vaavo, ligali yigu gulava mutego gwu kumwita.”

Kutwula 33:2

Ndatuma engelosi kumwimilira, kandi ndakunga vandu va Kanaani, Amori, Hiti, Perizi, Hivi, na Jebusi.

Kutwula 6:8

Ndamuleeta mu kivala cha ndasuuviriza ku chisuuhu kuha Aburahamu, Isaka, na Yakobo; kandi muliesuuha ndakihaana ku munyi kuli miandu jinyu aveene. Inzi mbeeye Yahova.’ ”

Kyavalevi 14:34

Lwa muduuka mu kivala cha Kanaani, chamuhezaa kuva mwandu gwinyu, ma mbiki mu vulwaye vulandaa kuli vuguku muinyumba, mukivala yicho,

Livalidza 13:29

Avandu vihiiri ya Maleki vamenyi kolovega lwi isavaalu. Avandu vizihiiri zia Hiti, Jebusi na Amori vamenyi mu kivala chi kiguru. Ihiiri ya vandu va Kanaani vamenyi himbi ninyanza ya Meditareniani, kandi himbi nu mugera gwa Jorodani.”

Livalidza 14:31

Navuzwa vana vinyu avamwavoola valagumirwa, ndavaviika mu kivala cha mumali kusuura yiki, na kilava chavo.

Vikolwa 13:19

Yadiviza zihiiri saba zie kivala cha Kanaani, nahaana ku avandu veve kivala yicho keve umwandu gwaavo.

Kwidzulitsa 11:29

Lwa Yahova Nyasaye winyu amuleeta mu kivala cha muzizaa kuvugura, gamudukira mulandizi uvugasu kutura ku Kiguru cha Gerizimu kilaamo kutura ku Kiguru cha Ebali.

Kwidzulitsa 20:1

“Lwa muturaa kuzia mu vulwani na vasigu vinyu kandi mulole magare gu vulwani, ni zibarasi kandi avasikari vi liihi avanyingi kuvita avinyu, mutavatia mba. Yahova Nyasaye winyu, uwamutuliza mukivala cha Egebeti, alava harara nimunyi.

Kwidzulitsa 20:16

“Navuzwa lwa muvuguraa amadara manene gaveeye mu kivala cha Yahova Nyasaye winyu amuhezaa, mwiti vandu vosi.

Kwidzulitsa 31:20

Ndavahila mu kivala kitugi kandi kenoru yiki, kuli ndasuuviriza avaguuga vaavo. Uwene yeyo valava ni chukulia choosi cha venya, na valamenya mu lielemeriza. Navuzwa valayeeka halovega kandi vasigamiri avanyasaye vandi. Valasura nukuvunanyia lilagana liange,

Kwidzulitsa 31:3

Yahova Nyasaye winyu mwene alimiira imbiri winyu. Aladiviza zihiiri zimenyaa yo kunangwa muduuki kuvugura kivala chavo. Joshua alava mwimiliri winyu kuli Yahova yavoola.

Kwidzulitsa 4:38

Lwa mwisuunda imbiri, yakunga zihiiri zinene kandi zie zinguru ligali kuvita munyi kunangwa aduuki kumwingiriza nukumuha kivala chavo, miandu jinyu, kivala ikeveeye chienyu kuduuka kalunu.

Kwidzulitsa 6:1

“Yaga nigo malago, ga Yahova Nyasaye winyu yandaga mwigizi. Mugalonde mu kivala cha muveeye ahimbi kwingira mu kandi kukivugula.

Kwidzulitsa 6:10

“Kuli Yahova Nyasaye winyu yasuuviriza niliesuuha, ku avaguuga vinyu, Aburahamu, Isaka na Yakobo, alahaana kumunyi kivala keveeye na madaala manene ligali kandi aguvutugi, agamwavula kwumbaka.

Kwidzulitsa 6:19

kandi mulakunga avasigu vinyu vosi kuli Yahova yamusuuviriza.

Kwidzulitsa 6:23

Yakovoholora kutura Egebeti kandi nakoleta hano kandi naakuha kivala yiki kuli yasuuviriza avaguuga viitu.

Kwidzulitsa 9:1

“Muhuliri, O, munyi avandu va Isiraeli! Kalunu muveeye ahimbi kwambuka Mugera gwa Jorodani, kwingira no kuvugura kivala keveeye chi zihiiri zinene kandi zie zinguru kuvita munyi. Madaala gaavo gaveeye manene kandi agumbakilwa lugaga lwa madigi matambi kuduuka mwigulu.

Kwidzulitsa 9:3

Na vuzwa kalunu mulelorera aveene ndi Yahova Nyasaye winyu alimiira imbiri winyu kuli muliru gusambaa. Alavadiviza nokuvagehiza imbiri winyu lwa muvatulira. Kunangwa, mulavakunga nokuvadiviza vwangu kuli Yahova yamusuuviriza.

Kwidzulitsa 9:4

“Inyima wa Yahova Nyasaye winyu amala kumukungira avandu yavo, mutavooli mu mioyo jinyu ndi ‘Gaveeye kigira uvulungi vwitu mba, Yahova yakoleta kuvuguli kivala yiki.’ Awa, Yahova azizaa kukunga avandu vizihiiri yizi vatuli imbiri winyu kigira uvudamanu vwavo.

Joshua 11:3

Yatuma kandi ka makuva vandu va Kanaani avaveeye ku zimbega ziosi zia Jorodani kuduuka ku vandu va Amori; Hiti, Perezi kandi Jebusi mu kivala chi vigulu; kali kuduuka ku vandu va Hivi avamenyaa hasi hi kiguru cha Herimoni mu kivala cha Mizipa.

Joshua 24:11

Mwambuka mugera gwa Jorodani nimuuza kuduuka Jeriko. Avasaza va Jeriko valwaana munyi, kuli vandu va Amori, Perezi, Kanaani, Hiti, Girigashi, Hivi, kandi Jebusi. Navuzwa ndamuha liguuta kuvo vosi.

Joshua 3:10

Lwa muva nimuzia imbiri kuvatulira, alakunga vandu va Kanaani, vandu va Hiti, vandu va Hivi, vandu va Perezi, vandu va Girigashi, vandu va Amori na vandu va Jebusi. Munyi mulamanya ligali ndi Nyasaye oveeye mwoyo aveeye hagati hinyu,