Kwidzulitsa 6:7 - KITABU KITAKATIFU

⁷ Mwigizi avana vinyu nuvugulu. Mugatumikiri lwa muveeye mu zinyumba zienyu, lwa mugendaa, na lwa mu sosa kandi lwa mukoraa miyinzi.

Kwidzulitsa 6:7 Iomraidhean Croise

Litanga 18:19

Inzi mali kumutovola kunangwa aduuki kulaga avayaayi veve nivisukululwi vivie vaambuliri inzi kandi vakole agaveeye malahi kandi malungi. Niiva valakola, inzi ndamukolera vuli kindu chamali ku mulaga.”

Ayubu 8:10

Navuzwa leka avageri va maziambiri va kwigizi; hulirizi ku makuva ga vavola.

Zaburi 119:13

Ndiranira kuvoola vudinyu, amalago goosi ga umali kuhaana ku inzi.

Zaburi 119:46

Inzi ndalandiza amalago googo imbiri wa vami, Kandi si ndava ni zisoni mba.

Zaburi 129:8

Siali ho nu mulala uvitaa ahimbi uvoora, “Yahova amugasize! Kumugasiza mu lieta lia Yahova.”

Zaburi 37:30

Munwa gwu mundu mulungi, govoora amakuva govogeri vuli kazozo.

Zaburi 71:17

O, Nyasaye, ivi wamala kunzigiza vikolwa viokogenyia kutura lwa ndaali mwana, kandi ngizizagiliraa kulandiza makuva gi vikolwa vivio viokogenyia.

Tsing'ano 10:21

Amakuva gu mundu mulungi galakonya avandu vanyingi, navuzwa unyala kwiyita nuvusiru.

Tsing'ano 15:2

Lwa vandu vageri vamoloma, valomba limanya kuyanzika, navuzwa vandu vasiru vamoloma vusiru.

Tsing'ano 15:7

Limanya lilaandizwa na vandu vaveeye avageri, navuzwa sivulandizwa na vasiru mba.

Tsing'ano 6:22

Amigizu gaavo galakwimilira lwa ogendaa, galakukinga mu vudiku, kandi galakuha zing'anagani mu ing'inga yu mbasu.

Isaya 38:19

Navuzwa avandu vaveeye mwoyo nivo vizominyaa ivi, kuli inzi nzizominya ivi kalunu. Aviivuli vavoolera avana vaavo kuli ivi oveeye musuuvirifu.

Malaki 3:16

Maku avandu vaatia Yahova vavolerana, na Yahova yahuliriza ma naahulira cha vavola. Vang'oda imbiri weve mu kitabu chu kwizuliza yavo vosi avatia Yahova kandi avahaana luyali kuye.

Matayo 12:35

Mundu mulahi aleetaa ivindu vilahi kutura mu livikiru lilahi liumwoyo gwigwe; kandi umundu mudamanu atulizaa amadamanu kutura mu livikiru liu uvudamanu vwu mwoyo.

Luka 6:45

Mundu mulahi atulizaa vindu viveeye vilahi ku vulahi vomenyaa mu mwoyo gwigwe; kandi mundu mudamanu atulizaa vindu viveeye vidamanu ivimenyaa mu mwoyo gwigwe kandi, mundu amolomaa kuturana ku agaveeye mu mwoyo gwigwe.

Vafeso 4:29

Mutaleki likuva lidamanu kali lilala lituli mu minwa jinyu kali hakuzu mba, navuzwa muvoore makuva gaveeye malahi gukwumbaka gaduukanaa ni ing'inga yene yeyo, kandi gaduuki kuhaana zimbavasi kuyavo vagahulira.

Vafeso 6:4

Munyi aviivuli, mutakola avana vinyu kuva nu vutima, navuzwa muvavirukizi kandi muvalindi mu liegiza kandi mu lieganihiza liu Vukristayo.

Kwidzulitsa 11:19

Mwigizi malago yaga ku avana vinyu. Mugavoole lwa mwikalaa hango kandi lwa mugendaa kunzira; lwa musosaa kandi lwa muyinzilaa.

Kwidzulitsa 6:2

Lwa muva nimukikiri mwoyo, munyi harara ni visukululwi vienyu, kuduuka muhaane luyali ku Yahova Nyasaye winyu kandi mulonde malago geege goosi aga inzi muheezaa, kunangwa muduuki komenya mu kivala kila ku ing'inga indambi.

Vakolosai 4:6

Muleke livoora lienyu live ligasu nilio kuyaanziza madiku goosi, muduuki kumanya kuli gamuduukira kutivulira mundu sa mulala.

1 Petro 3:15

Navuzwa mwizominye Kristo mu mioyo jinyu kandi muhaane luyali kuye kuli Mwami. Mwetegeke amadiku goosi kutivulira mundu sa mulala umuteeva ikivuni chi lisuuvira lia muveeye nalio mu Kristo,

Ruth 2:12

Yahova akohe amadanyi gaduukanaa ni miyinzi ja wakola. Nyasaye wa Isiraeli wa waza kwikinga mu zimbaha zizie.”

Ruth 2:4

Kandi henza, Boazi yaza natura Bezelehemu. Yacheliza avagesi navoora; “Yahova ave harara ni munyi!” Navo vativura “Yahova akugasizi.”

Ruth 4:11

Avandu vosi avaari mukirivwa, navakulundu vavoola; “Kunyi koveeye avalolekizi. Yahova akole mukali woovo ave kuli Raheli na Lea, avivulira Yakobo avana vanyingi nivumbaka Isiraeli. Na ivi ugaasizwi, ove mutugi mu ihiiri ya Efurazi kandi ove wilieta linene mu Bezelehemu.