Kwidzulitsa 6:6 - KITABU KITAKATIFU

⁶ Mutaleka malago yaga ga mbana ku munyi kalunu mba.

Kwidzulitsa 6:6 Iomraidhean Croise

Litanga 18:19

Inzi mali kumutovola kunangwa aduuki kulaga avayaayi veve nivisukululwi vivie vaambuliri inzi kandi vakole agaveeye malahi kandi malungi. Niiva valakola, inzi ndamukolera vuli kindu chamali ku mulaga.”

2 Samweli 22:23

Mali kolonda malago geege goosi, kandi sindaleka amalago geege.

Zaburi 119:11

Ndaviika lilaga liilio mu mwoyo gwange, kunangwa mburi kokora vwoni ku ivi.

Zaburi 119:13

Ndiranira kuvoola vudinyu, amalago goosi ga umali kuhaana ku inzi.

Zaburi 119:30

Mali kotovola kuva musuuvirifu; mali kolonda likalaga liilio.

Zaburi 119:98

Amalago googo gaveeye niinzi kazozo, kandi gangoraa mugeri kuvita avasigu vange.

Zaburi 37:31

Amalago ga Nyasaye gaveeye mu mwoyo gwigwe, kandi sianyala kutura kugo mba.

Zaburi 40:8

O, Nyasaye wange, Inzi nyanza kokora uvulariri vuvwo. Mbikaa malago googo mu mwoyo gwange.

Tsing'ano 3:5

Usuuviri Yahova nu mwoyo gugwo gwosi. Utasuvira zing'anagani zizio mba.

Tsing'ano 7:3

Uviiki amigizu gange zing'inga ziosi, ugaviiki mu mwoyo gugwo.

Isaya 51:7

“Mumbulirizi munyi avamanyi agaveeye malungi, munyi avaveeye na malago gange mu mioyo jinyu. Mutatia lwa vandu vamuhenyahenyaliza nukumunyega mba.

Jeremia 31:33

Lilagana lihia liandilomba navandu va Isiraeli lilakave kuli ndi? Inzi ndakaviiki lilaga liange muvo kandi ndakaling'ode mu mioyo jaavo. Ndakave Nyasaye wavo, na valakave avandu vange.

Luka 2:51

Kunangwa yirana harara naviivuli kuduuka Nazareti, ni yegehiza kuvo. Mama weve yavika amakuva yaga goosi mu mwoyo gwigwe.

Luka 8:15

Uvuguza vwagwa mu marova malahi na magunamu ni yavo avahulira likuva ma valigumira nu vusuuvirifu vwosi kandi numwoyo mulahi gwosi kandi vikuzira kuduuka lwa vaama amakuyu.

2 Vakorintho 3:3

Gaveeye havulavu ndi munyi muveeye va Kristo mwene yang'oda, yayaatuma kuvitira mu kunyi. Kristo siyageng'oda nu vwinu, navuzwa yageng'oda na Roho wa Nyasaye oveeye mwoyo. Siyageng'oda ku magina mavanze, navuzwa mu mioyo ja vandu.

Kwidzulitsa 11:18

“Mwizurizi amalago yaga na mugalindi vulahi. Mugavohe ku makono ginyu kandi ku vweni vwinyu gave chukwizulizira ku.

Kwidzulitsa 11:20

Mulagang'oda ku mariva gizinyumba zienyu kandi ku virivwa vienyu.

Kwidzulitsa 32:46

yavoola, “Muve na giligali kuhulira amalago yaga goosi aga inzi mali kumuha kalunu. Mwirane kwigiza avana kunangwa vaduuki kolonde amalago yaga goosi aga inzi mali kumuha kalunu mwigizaa avana vinyu malago yaga kunangwa vaduuki kolonda amigizu goosi ga Nyasaye nu vusuuvirifu vwosi.

Vakolosai 3:16

Muleke likuva lia Kristo limenye mu mioyo jinyu ligali. Mwigizane nokogerihizana aveene naveene mu vogeri vwosi. Mwimbi kandi zizaburi ni zinyimbu zindakatifu. Musandiza Nyasaye mu mioyo jinyu.

2 Yohana 1:2

Agiligali gamenyaa mu kunyi, kandi galava ni kunyi kuduuka mihiga ni mihiga.