Kwidzulitsa 6:5 - KITABU KITAKATIFU

⁵ Muyanze Yahova Nyasaye winyu ni mioyo jinyu josi, ni liiva lienyu liosi, ni zinguru zienyu ziosi.

Kwidzulitsa 6:5 Iomraidhean Croise

1 Avami 3:3

Solomoni yayanza Yahova kandi nalonda amigizu ga baba weve Daudi, navuzwa naye kandi yahaana visiuviliru vivie nukusamba vimuli ha vwali vunyingi vwu kusigamira vifananyi.

2 Avami 23:25

Sihaaliho nu mwami wundi kuli Josia ku maziambiri, watumikira Yahova nu mwoyo gwigwe gwosi, ni zing'anagani zizie ziosi, kandi ni zinguru zizie ziosi, kandi kuhulira Lilaga liosi lia Musa; sihaava ho nu mwami kuli uyu maziambiri mba.

2 Kyetsinyinga 15:12

Maku, valomba lilagana liu kusigamira Yahova, Nyasaye wa vaguuga vaavo, ni mioyo jaavo josi na Roho jaavo josi.

2 Kyetsinyinga 34:31

Mwami yasingira ahimbi ni itiiru yu vwami, nalomba lilagana harara na Yahova, ku muhulira, nu kulinda amalago geege goosi, nu mwoyo gwigwe gwosi, kandi nokokola makuva kolondekana ni lilagana, kuli ga ng'odwa mu kitabu chi lilaga yicho.

Zaburi 119:2

Vaveeye nuvugasu yavo avalondaa malago geege, avamuhulira nimioyo jaavo josi.

Zaburi 31:24

Munyi mwosi avalindiliraa nilisuvira mu Yahova, muve avaluviriri kandi avagulu.

Matayo 10:37

“Uyanzaa baba weve anoho mama weve kuvita inzi, siaduukanaa kuva mulondi wange mba. Uyu uyanzaa muyaayi weve anoho mukaana weve kuvita inzi, siaduukanaa kuva mulondi wange mba.

Matayo 22:37

Yeso yamutivulira, “Uyaanze Mwami Nyasaye woovo nu mwoyo gugwo gwosi, ni livamwoyo liilio liosi, no vogeri vuvwo vwosi.

Marko 12:30

Uyaanze Mwami Nyasaye woovo nu mwoyo gugwo gwosi, ni liiva liilio liosi, ni zing'anagani zizio ziosi, kandi ni zinguru zizio ziosi.’

Marko 12:33

Kuduuka umundu ayaanze Nyasaye nu mwoyo gwigwe gwosi, ni zing'anagani zizie ziosi, ni zinguru zizie ziosi; kandi kuduuka ayaanze umutende weve kuli yiyanzaa mwene. Likuva yili liveeye ilinene kuvita kuhaana visiuviliru vindi viosi ku Nyasaye.”

Luka 10:27

Mwigizi wi Lilaga oyo, yativura navoora, “ ‘Gakuduukiraa uyaanze Mwami Nyasaye woovo nu mwoyo gugwo gwosi, na Roho gugwo gwosi, ni zinguru zizio ziosi’; kandi, ‘Uyaanze mutende woovo kuli wiyanza.’ ”

Kwidzulitsa 10:12

“Kalunu avandu va Isiraeli, muhuliri aga Yahova Nyasaye winyu yenya munyi mukore: Sigamiri Yahova ma mukora goosi agalagaa. Mumuyaanze, mumutumikiri ni mioyo jinyu josi, na roho jinyu josi,

Kwidzulitsa 11:1

“Muyanze Yahova Nyasaye winyu, kandi mulonde malago geege goosi kazozo.

Kwidzulitsa 11:13

“Kunangwa huliri malago ga inzi mali kumuha kalunu. Muyanze Yahova Nyasaye winyu kandi mumutumikiri nimioyo jinyu josi kandi na roho jinyu josi.

Kwidzulitsa 13:3

mutahuliriza amakuva gu muporofeti oyo, anoho mulooti oyo mba. Yahova Nyasaye winyu atumikiraa mundu oyo kugeriza munyi, kumanya niiva muyanzaa Yahova nu mwoyo gwinyu gwosi kandi na roho jinyu josi.

Kwidzulitsa 13:4

Mulonde Yahova kandi muhaane luyali kuye. Mumuhuliri kandi mulindi malago geege; mumusigamiri kandi muve avasuuvirifu kuye.

Kwidzulitsa 19:9

Maku mulatovola madaala gandi gavaga. Alamuha kivala yiki niiva mukora vindu viosi via mulagaa kalunu kandi niiva mulayaanza Yahova Nyasaye winyu kandi mumenye kazozo kolondekana na amigizu geege.

Kwidzulitsa 30:10

Navuzwa kuduuka muhuliri Yahova Nyasaye winyu nokolonda malago geege goosi ni miima jije josi, ijang'odwa mu kitabu chi lilaga yiki. Kuduuka mugirung'ane muyeke kuye ni mioyo jinyu josi kandi na roho jinyu josi.

Kwidzulitsa 30:16

Niiva mulahulira malago ga Yahova Nyasaye winyu aga muheezaa lidiku lia kalunu, ku liyaanza Yahova Nyasaye winyu, ku ligenda mu zinzira zizie, kandi ku ligumira malago geege nimiima jije kandi ni likalaga lilie, maku mulava mwoyo nokomedeka kuva ihiiri ya vandu vanyingi. Yahova Nyasaye winyu alamugasiza mu kivala cha mwingira mu nokomenya mucho.

Kwidzulitsa 30:20

Muyanze Yahova Nyasaye winyu, mumuhuliri kandi muve avasuuvirifu kuye maku munyi harara ni visukululwi vienyu mulamenya madiku manyingi mu kivala cha yasuuviriza avaguuga vinyu, Aburahamu, Isaka na Yakobo.”

Kwidzulitsa 30:6

Yahova Nyasaye winyu alamuha mioyo jukuhulira nukwegehiza harara ni visukululwi vienyu, kunangwa muduuki kumuyaanza nimioyo jinyu josi, na roho jinyu josi kandi mulazizagilira komenya mu kivala yicho.

Kwidzulitsa 4:29

Uwene yeyo mulenyeleriza Yahova Nyasaye winyu, kandi niiva mulamwenyeleriza nu mwoyo gwinyu gwosi na roho gwinyu gwosi, mulamunyoola.

Joshua 22:5

Mulole ndi mulonde lilaga lia Musa mutumikiri wa Yahova, yamulaga mukore: Muyanze Yahova Nyasaye winyu, mukore uvulariri vwivwe, muhuliri malago geege, muve avasuuvirifu kuye, kandi mumutumikiri nimioyo jinyu josi kandi na roho jinyu josi.”

1 Yohana 5:3

Uvuyanzi vwitu ku Nyasaye voveeye kovora ukuhulira amalago geege. Kandi amalago geege sigaveeye amadinyu ku kunyi mba.