Kwidzulitsa 6:24 - KITABU KITAKATIFU

²⁴ Maku Yahova Nyasaye wiitu yakulaga kuhuliri malago yaga goosi kandi kuhaane kuye luyali. Niiva kulakola ndio, alalinda zihiiri zietu kandi alakokola komeedeke mu lizizagilira imbiri vulahi kazozo.

Kwidzulitsa 6:24 Iomraidhean Croise

Zaburi 41:2

Yahova alamukinga kandi alalinda livamwoyo lilie, alamugasiza alamuha uvuyanzi mu kivala chiche. Sialamuleka agwi mu zinguru zia vasigu veve mba.

Zaburi 41:3

Yahova alamukonya lwaveeye mulwaye, kandi alahonyia uvulwaye vwivwe vwosi.

Zaburi 66:9

Nyasaye umali kuhaana livamwoyo ku kunyi, kandi siakuviiki mu lidiva mba.

Kutwula 20:20

Musa yavativulira navoora, “Mutatia mba; Nyasaye umali kuuza kumugeriza nukumukola muzizagiliri kumuhulira, kunangwa muvuli kokora uvwoni.”

Tsing'ano 22:4

Utie Yahova kandi wegehizi na ulanyora madanyi gu vutugi, uluyali kandi ulahindira.

Tsing'ano 9:12

Ivi niye onyoora uvukala niiva oveeye novogeri. Niiva mulasura ovogeri, ivi niye ulisalira.

Isaya 3:10

Avandu valungi valava nu vusangali, kandi ivindu vilava vilahi kuvo. Valalia viologeli lwavo.

Jeremia 32:39

Ndavaha mwoyo mulala, kandi liiva lilala, vaduuki kutia inzi mihiga ni mihiga, ku vulahi vwavo aveene, kandi ku vulahi vwi visukululwi vaavo.

Matayo 6:33

Kunangwa mwenye kutanga uvwami vwa Nyasaye, nu vulungi vwivwe; na ivindu yivi viosi muladasirwa.

Luka 10:28

Yeso yamuvolera, “Utivuuyi vulahi. Kola ndio, na ulanyora livamwoyo litahera mba.”

Varumi 10:5

Musa yang'oda kigira likolwa mulungi ku lihulira Lilaga, ndi, “Mundu uhulira amalago gi Lilaga, alava mwoyo.”

Kwidzulitsa 4:1

Maku Musa yavolera avandu, “Muhuliri amalago goosi ga mwigizaa; na mulamenya kandi mwidikiri mu kivala cha Yahova, Nyasaye wa avaguuga vinyu amuhezaa.

Kwidzulitsa 4:4

Navuzwa munyi, avamwali avasuuvirifu ku Yahova Nyasaye winyu mukikiri mwoyo kuduuka lero.

Kwidzulitsa 6:2

Lwa muva nimukikiri mwoyo, munyi harara ni visukululwi vienyu, kuduuka muhaane luyali ku Yahova Nyasaye winyu kandi mulonde malago geege goosi aga inzi muheezaa, kunangwa muduuki komenya mu kivala kila ku ing'inga indambi.

Kwidzulitsa 6:23

Yakovoholora kutura Egebeti kandi nakoleta hano kandi naakuha kivala yiki kuli yasuuviriza avaguuga viitu.

Kwidzulitsa 8:1

“Muhuliri amalago goosi aga mali kuhaana ku munyi kalunu, kunangwa muduuki komenya, nokomedeka kuva vanyingi, kandi muvuguli kivala cha Yahova yasuuviriza avaguuga vinyu.

Kwidzulitsa 8:3

Yamukola muve ninzara, ma kandi naamuliihiza imaana, chukulia cha munyi anoho avaguuga vinyu, vavura kulia ku maziambiri. Yakola yaga kumwigiza ndi mundu sianyala kuva mwoyo kigira chukulia chieng'ine mba, navuzwa ku likuva lilala litulaa ku Yahova.