Kwidzulitsa 6:23 - KITABU KITAKATIFU

²³ Yakovoholora kutura Egebeti kandi nakoleta hano kandi naakuha kivala yiki kuli yasuuviriza avaguuga viitu.

Kwidzulitsa 6:23 Iomraidhean Croise

Kutwula 13:5

Yahova yasuuviriza ku liesuuha avaguuga vinyu kuha munyi kivala cha vandu va Kanaani, Mori, Hiti, Muhivi, kandi na Jebusi. Lwa amuleeta mukivala chu vutugi, kandi kenoru, kuduuka kenoru, mulindi nukwizuliza lidiku lie Lipasaka ku mweli gwukutanga vuli muhiga.

Kwidzulitsa 1:35

‘Sihaveeye ho numulala ku likula lidamanu yili ulingira mu kivala kenoru yicho ichandasuuviriza ndahaana ku avaguuga vinyu mba.

Kwidzulitsa 1:8

Kivala yiki choosi nicho kivala cha Inzi, Yahova, ndasuuviriza kuhaana ku avaguuga vinyiu, Aburahamu, Isaka na Yakobo, kandi ku visukululwi viavo. Muzie mukivuguli.’ ”

Kwidzulitsa 6:10

“Kuli Yahova Nyasaye winyu yasuuviriza niliesuuha, ku avaguuga vinyu, Aburahamu, Isaka na Yakobo, alahaana kumunyi kivala keveeye na madaala manene ligali kandi aguvutugi, agamwavula kwumbaka.

Kwidzulitsa 6:18

Mukore aga Yahova avoora gaveeye malungi kandi malahi, na viosi vilava vilahi ku munyi. Mulingira kandi mulavugula kivala kilahi kandi kenoru yicho cha Yahova yasuuviriza avaguuga vinyu;

Kwidzulitsa 6:22

Na kwalola Yahova naakora vilolekizu vinyingi kandi vindu vinene viukutihiza ku vandu va Egebeti, ku mwami wa Egebeti kandi ku vatumikiri veve.

Kwidzulitsa 6:24

Maku Yahova Nyasaye wiitu yakulaga kuhuliri malago yaga goosi kandi kuhaane kuye luyali. Niiva kulakola ndio, alalinda zihiiri zietu kandi alakokola komeedeke mu lizizagilira imbiri vulahi kazozo.