Kwidzulitsa 6:2 - KITABU KITAKATIFU

² Lwa muva nimukikiri mwoyo, munyi harara ni visukululwi vienyu, kuduuka muhaane luyali ku Yahova Nyasaye winyu kandi mulonde malago geege goosi aga inzi muheezaa, kunangwa muduuki komenya mu kivala kila ku ing'inga indambi.

Kwidzulitsa 6:2 Iomraidhean Croise

Litanga 18:19

Inzi mali kumutovola kunangwa aduuki kulaga avayaayi veve nivisukululwi vivie vaambuliri inzi kandi vakole agaveeye malahi kandi malungi. Niiva valakola, inzi ndamukolera vuli kindu chamali ku mulaga.”

Litanga 22:12

Yavoola, “Utasaliriza muyaayi anoho kokora kindu kuye mba. Kalunu inzi manya ndi ivi ohezaa Nyasaye luyali kandi utizaa Nyasaye, kigira umali kumanyia ndi uvugilira kuhaana muyaayi woovo wengine kuli kisiuviriru kuye.”

1 Avami 8:40

Kunangwa vandu vovo vaduuki kukuhulira zing'inga ziosi zia vamenya mu kivala cha waha nakuavaguuga viitu.

Ayubu 28:28

“Maku Nyasaye yavolera mundu, ‘Heenzi! Kutia Yahova nivwo vogeri; na ukweleha kuvudamanu nilio limanya.’ ”

Zaburi 111:10

Kutia Yahova ni litangilira liovogeri. Yavo vosi avalondaa malago geege vavezaa ni limanyiriza lilahi. Yahova yizominywe mihiga ni mihiga. Lizominywa lia Yahova lihindiraa mihiga ni mihiga.

Zaburi 128:1

Aveeye nuvugasu uyu utizaa Yahova, kandi ogendaa mu zinzira zizie.

Zaburi 91:16

Ndavaha madanyi gi livamwoyo lia madiku manyingi kandi ndavahonyia.”

Kutwula 20:12

“Muhaane luyali ku vababa vinyu va vamama vinyu, kunangwa muduuki komenya ing'inga indambi mukivala chamuhezaa.

Kutwula 20:20

Musa yavativulira navoora, “Mutatia mba; Nyasaye umali kuuza kumugeriza nukumukola muzizagiliri kumuhulira, kunangwa muvuli kokora uvwoni.”

Tsing'ano 16:6

Utie kandi ove musuuvirifu na Nyasaye alakusamiiha vwoni vuvwo. Utie Yahova nu uvudamanu vwosi sivulekoleka ku ivi mba.

Tsing'ano 3:16

Ovogeri vuhaana lihindira linyingi kuli vutugi kandi luyali.

Tsing'ano 9:11

Ovogeri vulameeda mihiga kulivamwoyo liilio.

Kohelethu 12:13

Yivi viosi ni viakavita, koveeyeho ni kindu kilala chokovoora: Utie Nyasaye, kandi olonde malago geege, kigira yiki nicho chagira Nyasaye nalomba mundu.

Jeremia 32:39

Ndavaha mwoyo mulala, kandi liiva lilala, vaduuki kutia inzi mihiga ni mihiga, ku vulahi vwavo aveene, kandi ku vulahi vwi visukululwi vaavo.

Ezekieli 20:19

Inzi mbeeye Yahova Nyasaye winyu. Mutie kandi mugumiri amalago gange.

Luka 12:5

Navuzwa, ndamumanyia uyu uwa muduukana kutia. Mutie Nyasaye, kigira niyakamara kwita, aveeye ni zinguru kusiuva mundu mu gehena. Yee, muvooleraa mutie umwene oyo.

Kwidzulitsa 10:20

Mutie Yahova Nyasaye winyu kandi mumusigamiri oyo yeng'ine. Muve avasuuvirifu kuye yeng'ine kandi mulombe amalagano ginyu mu lieta lilie lieng'ine.

Kwidzulitsa 11:9

Mulamenya ing'inga indambi mu kivala kitugi kandi kenoru cha Yahova yasuuviriza kuhaana ku avaguuga vinyu harara nivisululwi viavo.

Kwidzulitsa 13:4

Mulonde Yahova kandi muhaane luyali kuye. Mumuhuliri kandi mulindi malago geege; mumusigamiri kandi muve avasuuvirifu kuye.

Kwidzulitsa 15:5

Niiva mulahulira Yahova Nyasaye winyu, kandi nimugumira vulahi vindu viosi viamulagaa kalunu.

Kwidzulitsa 22:7

Unyala kuvugura vana valio, navuzwa oleke liinyia lizie, kunangwa uduuki komenya madiku manyingi kandi ove niliiva lilahi lielimeedeka nilizizagilira imbiri.

Kwidzulitsa 30:19

Inzi kalunu muheezaa litovola hagati hi livamwoyo ni likuza, hagati hu vugasu vwa Nyasaye ni kilaamo cha Nyasaye, kandi nangaa ligulu ni lirova kololekiza litovola lia mulomba. Tovoli livamwoyo kunangwa munyi harara ni visukululwi vienyu muduuki kuva mwoyo.

Kwidzulitsa 30:20

Muyanze Yahova Nyasaye winyu, mumuhuliri kandi muve avasuuvirifu kuye maku munyi harara ni visukululwi vienyu mulamenya madiku manyingi mu kivala cha yasuuviriza avaguuga vinyu, Aburahamu, Isaka na Yakobo.”

Kwidzulitsa 4:10

kigira lidiku lia mwasingira imbiri wa Yahova Nyasaye winyu ku kiguru cha Sinai, lwa Yahova yambolera, ‘Vuganyia avandu. Nyenya vahuliri makuva ga nyenya mbore, kunangwa vaduuki kwiga kumbulira madiku goosi aga vaveeye mwoyo kandi kunangwa navo valiegizi avana vaavo kokora malala meere.’

Kwidzulitsa 4:40

Muhuliri ligali malago geege goosi gamali kuhaana ku munyi kalunu, kandi goosi galava malahi ku munyi harara ni visukululwi vienyu. Mulazizagilira komenya mu kivala icha Yahova Nyasaye winyu amuhezaa kuva miandu jinyu mihiga ni mihiga.”

Kwidzulitsa 4:9

Mwilindi ligali munyi aveene, muvuli kwivilira ing'inga yoosi ya muveeye mwoyo viamumali kolola. Muvoolere avana vinyu kandi aviisukulu vinyu

Kwidzulitsa 5:16

“Muhaane luyali ku vababa vinyu na vamama vinyu kuli Inzi Yahova Nyasaye winyu ndamulaga kunangwa viosi viduuki kuva vulahi ku munyi kandi kunangwa muduuki komenya ing'inga indambi mu kivala cha Inzi Yahova Nyasaye winyu muheezaa.

Kwidzulitsa 5:33

Mugalonde goosi kunangwa vindu viosi viduuki kuva vulahi ku munyi kandi kunangwa muzizagiliri komenya madiku manyingi mu kivala cha muzizaa kuvugura.

Kwidzulitsa 6:1

“Yaga nigo malago, ga Yahova Nyasaye winyu yandaga mwigizi. Mugalonde mu kivala cha muveeye ahimbi kwingira mu kandi kukivugula.

Kwidzulitsa 6:24

Maku Yahova Nyasaye wiitu yakulaga kuhuliri malago yaga goosi kandi kuhaane kuye luyali. Niiva kulakola ndio, alalinda zihiiri zietu kandi alakokola komeedeke mu lizizagilira imbiri vulahi kazozo.

Kwidzulitsa 6:7

Mwigizi avana vinyu nuvugulu. Mugatumikiri lwa muveeye mu zinyumba zienyu, lwa mugendaa, na lwa mu sosa kandi lwa mukoraa miyinzi.

Joshua 4:24

Kigira yaga, vandu vosi ku lirova valamanya kuli ovonene uwe zinguru zia Yahova ziveeye namunyi mulahaana uluyali ku Yahova Nyasaye winyu mihiga ni mihiga.”

1 Petro 1:17

Munyi mumulangaa Baba, lwa musaala ku Nyasaye, oyo ukalagiraa avandu vosi, kolondekana ku ne kegero kilala. Kunangwa mumenye mu lirova linu ni muhaanaa uluyali ku Nyasaye.