Kwidzulitsa 6:18 - KITABU KITAKATIFU

¹⁸ Mukore aga Yahova avoora gaveeye malungi kandi malahi, na viosi vilava vilahi ku munyi. Mulingira kandi mulavugula kivala kilahi kandi kenoru yicho cha Yahova yasuuviriza avaguuga vinyu;

Kwidzulitsa 6:18 Iomraidhean Croise

Zaburi 19:11

Limbezaa limanya, inzi mutumikiri woovo. Mbeeveywi madanyi kigira ilihulira likalaga yilio.

Kutwula 15:26

Yavoola, “Niiva mulahulira ligali mwoyo gwange, inzi Yahova Nyasaye winyu ku likora agaveeye malungi imbiri wange nukulinda amalago gange, sindamuha amageri ni zinguzu zia ndaleta ku vandu va Egebeti mba. Inzi mbeeye Yahova muhonyi winyu.”

Isaya 3:10

Avandu valungi valava nu vusangali, kandi ivindu vilava vilahi kuvo. Valalia viologeli lwavo.

Isaya 38:3

“O, Yahova, unzizurize kigira inzi mali kukutumikira nu vusuuvirifu vwosi, kandi mali kokora agaveeye amalahi imbiri woovo nu mwoyo gwange gwosi kazozo.” Mwami Hezekia yalira vululu.

Ezekieli 18:19

“Navuzwa ivi otevaa, ‘Kigira ki mwana asaliri kigira vwoni vwa baba weve?’ Amativuli gaveeye ndi, umwana yakola agaali amalungi kandi amalahi. Yalinda lilaga kandi naatia malago, kulwayago alamenya ligali.

Ezekieli 18:21

“Niiva mundu mudamanu alaleka kokora uvwoni kandi agumili amalago gange, kandi niiva alakola agaveeye amalahi kandi amalungi, sialakuza mba; mundu uyu alamenya ligali.

Ezekieli 18:27

Lwu mundu mudamanu alekaa kokora uvwoni, maakora uvulahi kandi uvulungi, yehonyia umwene.

Ezekieli 18:5

“Mundu musuuvirifu akolaa agaveeye amalahi kandi amalungi.

Ezekieli 33:14

Niiva ndiganihiza umundu mudamanu ndi azizaa kukuza, ma alekele kokora uvwoni kandi akole malungi kandi malahi,

Ezekieli 33:16

Ndasamiiha uvwoni vwamali kokora, kandi alava mwoyo kigira umali kokora agaveeye malungi kandi malahi.

Ezekieli 33:19

Lwu mundu mudamamu agirung'anaa kutura ku likora vudamanu vwivwe, ma akole agaveeye amalahi kandi malungi, alava mwoyo kigira likora malungi.

Hosea 14:9

Yavo avaveeye novogeri gavadukiraa vamanyirizi vindu yivi, kandi vaviviki mu zing'anagani ziavo. Kigira zinzira zia Yahova ziveeye zinungi. Avandu vaveeye avoni valikigitara kandi valagwa. Avandu vaveeye avalungi valangenda kuzio.

Yohana 8:29

Oyo wanduma aveeye harara nainzi kandi; kigira akikiri kondeka nzieng'ine, kigira ngolaa kazozo aga muyaanzizaa.”

Varumi 12:2

Mutalonda miima ji lirova yili mba, navuzwa muleke Nyasaye amugirung'anyie munyore uvuhia mu vogeri nu muziganagani zienyu. Na ndio muladuuka kumanyiriza uvulariri vwa Nyasaye, kandi agaveeye malahi kandi gavugililwa kandi madukiru.

Kwidzulitsa 12:25

Nimulonda lilago yili, Yahova alayanzizwa na goosi galava malahi ku munyi harara ni visukululwi vienyu.

Kwidzulitsa 12:28

Mwilindi kandi muhuliri malago ga muheezaa yaga, kunangwa muduuki kuva vulahi harara ni visukululwi iviizaa inyima winyu mihiga ni mihiga, kigira mulava nimukoraa agaveeye malahi kandi gukuyaanzi Yahova, Nyasaye winyu.

Kwidzulitsa 13:18

niiva muhulira malago geege goosi aga Inzi mali kuhaana ku munyi kalunu, kandi ni mukora aga yenya.

Kwidzulitsa 4:40

Muhuliri ligali malago geege goosi gamali kuhaana ku munyi kalunu, kandi goosi galava malahi ku munyi harara ni visukululwi vienyu. Mulazizagilira komenya mu kivala icha Yahova Nyasaye winyu amuhezaa kuva miandu jinyu mihiga ni mihiga.”

Kwidzulitsa 5:29

Oh, vwakaveeye vulahi niiva vakaveeye nu mwoyo kuli yigu kazozo gwu kutia Inzi. Vwakaveeye vulahi niiva vakahaani ku Inzi luyali nokuhulira malago gange goosi kazozo, kunangwa vindu viosi viakaveeye vilahi kuvo kandi ku visukululwi viavo mihiga ni mihiga.

Kwidzulitsa 5:33

Mugalonde goosi kunangwa vindu viosi viduuki kuva vulahi ku munyi kandi kunangwa muzizagiliri komenya madiku manyingi mu kivala cha muzizaa kuvugura.

Kwidzulitsa 6:10

“Kuli Yahova Nyasaye winyu yasuuviriza niliesuuha, ku avaguuga vinyu, Aburahamu, Isaka na Yakobo, alahaana kumunyi kivala keveeye na madaala manene ligali kandi aguvutugi, agamwavula kwumbaka.

Kwidzulitsa 6:19

kandi mulakunga avasigu vinyu vosi kuli Yahova yamusuuviriza.

Kwidzulitsa 8:11

“Muhenze vulahi kase mulivilira Yahova Nyasaye winyu; mutivilira kuhulira malago geege, agamuheezaa kalunu mba.