Kwidzulitsa 6:15 - KITABU KITAKATIFU

¹⁵ Nimusigamira avanyasaye vandi, uvutima vwa Yahova vulaaka ku munyi kuli muliru na gulamudiviza ligali, kigira Yahova Nyasaye winyu oveeye hagati hinyu siavugiliraa vandu vahing'ana naye mba.

Kwidzulitsa 6:15 Iomraidhean Croise

Litanga 7:4

Madiku saba kutura kalunu ndatuma imbura enene kukuba ku kivala ku madiku arubaini mbasu nu vudiku. Mulikola ndio, ndadiviza vuli kindu choosi chandaalomba ekeveeye ni livamwoyo.”

1 Avami 13:34

Uvwoni yivu ku lovega lwilwe, vwaleeta liononywa ni lidivizwa lie liamiiha lilie ligali.

2 Kyetsinyinga 36:16

Navuzwa vakolera vaporofeti va Nyasaye, kehenyahenye nivahuhiza makuva geege kandi nivavasekeliza, Kuduuka lwu vutima vwa Yahova vwavuukira avandu veve na sihali ho nichokohonyia mba.

Zaburi 90:11

Nivwaha umanya zinguru ziu vutima vuvwo vululu; Nivwaha umanya ni vutihizi ki vwu vutima vuvwo vunyala koleta?

Zaburi 90:7

Kunyi kudivizwa nu vutima vuvwo. Kutihizwa ligali nu vutima vuvwo vululu.

Kutwula 20:5

Mutinamiri nukusigamira kifananyi choosi mba, kigira Inzi mbeeye Yahova Nyasaye winyu kandi simbugilira avanyasaye vandi mba. Mbana amageri ku yavo avandunyira kandi ku visukululwi viavo kuduuka ku likula lia kavaga kuduuka ni lia kane.

Kutwula 32:12

Kigira ki avandu va Egebeti vavoole ndi ivi wimilira avandu vovo kutura mu kivala chavo kuvitira mu vigulu noveeye nililohiza liukuvadiviza ligali? Lekera kuva nu vutima; girung'anyia zing'anagani zizio, na utaleta ikivi yiki ku vandu vovo mba.

Jeremia 28:16

Kunangwa, Yahova mwene avoora ndi, alakutuliza ku kivala muhiga gunu nigukiri kufwa, ulakuza kigira umali kovoolera vandu kwibaala ku Yahova.”

Jeremia 7:6

Niiva mulaleka kudambiza avageni, avavisandu kandi avakunzakali, anoho kwita avandu vatali nimbala mukivala yiki, kandi nimuleka kusigamira avanyasaye vandi ku lisalira lienyu aveene,

Amosi 3:2

“Kuzihiiri ziosi ziokulirova, munyi nivo mweng'ine avadamanya nukuvalinda. Yiki nicho kekolaa uvwoni vwinyu kuva vudamanu ligali. Yiki nicho kigira muhe amageri malulu ligali.”

Amosi 9:8

Inzi, Yahova Nyasaye Wuvunyali, mbenzaa ku vwami vwu vwoni yivu vwa avandu va Isiraeli, na ndavudiviza vutuli mu lirova linu. Navuzwa sindadiviza ligali kisukururwi choosi cha Yakobo mba.

Livalidza 35:34

Mutonogonyi kivala hamumenya mba kigira inzi ni Yahova na menyi hagati ha vandu va Isiraeli.”

1 Vakorintho 10:22

Anoho ilienya lietu liveeye ndi kokole mwami akendeke, kunyi si koveeye ni zinguru kumuvita mba.

Kwidzulitsa 11:17

Nimukora ndio, Yahova alavihirirwa nimunyi. Alahana ligulu imbura ivuli kukuba, nikivala kivuli kwama makuyu. Kunangwa mulakuzira yo vwangu kali kivala cha Yahova amuhezaa ni keveeye kilahi.

Kwidzulitsa 4:24

kigira Yahova Nyasaye winyu aveeye kuli muliru gusambaa. Aveeye Nyasaye we likendeka.

Kwidzulitsa 5:9

Mutinamiri vifananyi ku viosi anoho mukisigamiri mba, kigira Inzi mbeeye Yahova Nyasaye winyu, mbeeye Nyasaye wilikendeka uhaanaa mageri ku vana kigira vwoni vwa vababa vaavo. Mbana amageri ku yavo avandunyira kandi ku ivisukulurwi viavo kuduuka ku likula lia kavaga kandi lia kane.

Kwidzulitsa 7:4

kigira valagirung'anyia avana vinyu valeke Yahova nukusigamira avanyasaye vandi. Niiva agene yaga galekoleka, Yahova alava nu vutima vonene ni munyi, na alamudiviza nonoho.

Joshua 23:12

Nimuvula kuva avasuuvirifu nukuhambana ni zihiiri zikitigaye hagati hinyu na muleetane navo,

Joshua 23:16

Niiva simulalinda lilagana lia Yahova Nyasaye winyu yalaga munyi mulindi, kandi niiva mu latumikira nukusigamira avanyasaye vandi, maku alamuha amageri mu vutima vwivwe, alamuha amageri, na alamudiviza ligali. Muturi mu kivala kilahi yiki icha amali kuhaana ku munyi.”