Kwidzulitsa 6:1 - KITABU KITAKATIFU

¹ “Yaga nigo malago, ga Yahova Nyasaye winyu yandaga mwigizi. Mugalonde mu kivala cha muveeye ahimbi kwingira mu kandi kukivugula.

Kwidzulitsa 6:1 Iomraidhean Croise

Kutwula 21:1

“Haana malago yaga ku vandu va Isiraeli:

Kutwula 23:13

“Muhulirizi vindu viosi via inzi, Yahova, mali kovora ku munyi. Mutasaala ku vanyasaye vandi mba; kali mutatala amita gaavo mba.

Ezekieli 20:19

Inzi mbeeye Yahova Nyasaye winyu. Mutie kandi mugumiri amalago gange.

Ezekieli 37:24

Mwami kuli mutumikiri wange Daudi naave mwami wavo. Vosi valakave nu mwami mulala kandi navatie malago gange Mu vusuuvirifu.

Kyavalevi 27:34

Yaga nigo malago ga Yahova yaaha Musa ku kiguru cha Sinai kigira avandu va Isiraeli.

Livalidza 36:13

Yaga na malago ga Yahova yahaana ku vandu va Isiraeli kuvitira ku Musa mu kereremo cha Moabu, engeleka wu mugera gwa Jorodani kutura Jeriko.

Kwidzulitsa 12:1

“Yaga nigo malago agadukanaa mulonde muhuliri madiku goosi ga muveeye mwoyo mu kivala cha Yahova Nyasaye wa vaguuga vinyu amuhezaa mugalonde.

Kwidzulitsa 3:18

“Ku ing'inga ndala nzere yeyo, ndaavaha amalago yaga; ‘Yahova Nyasaye wiitu umali kumuha kivala keveeye ivugwi wu mugera gwa Jorodani, mukivuguli. Kalunu, avasaza vinyu vizingulu kandi vi liihi vatumi vaambuki mugera gwa Jorodani imbiri wa wi zihiiri zindi zia Isiraeli, kunangwa vavakonye kuvugura kivala chavo.

Kwidzulitsa 33:3

Yahova ayaanza avandu veve kandi akingaa yavo avaveeye aveeve. Kunangwa kusigama ha virenge vivie, nukuhulira malago geege.

Kwidzulitsa 4:1

Maku Musa yavolera avandu, “Muhuliri amalago goosi ga mwigizaa; na mulamenya kandi mwidikiri mu kivala cha Yahova, Nyasaye wa avaguuga vinyu amuhezaa.

Kwidzulitsa 4:14

Yahova yandaga mwigizi amalago goosi agadukanaa muhuliri mu kivala cha muveeye ahimbi kwingira mucho nukwidikilamu.

Kwidzulitsa 4:45

Yili nilio lilolekiza lieligali, malago kandi likalaga lia Musa yavolera avandu va Isiraeli, lwa vaatura mu kivala cha Egebeti,

Kwidzulitsa 4:5

“Henza, inzi mali kumwigiza amalago goosi kuli Yahova Nyasaye wange yandaga ngole. Mugalonde mu kivala cha muveeye ahimbi kwingira nokukivugula.

Kwidzulitsa 5:31

Navuzwa ivi, Musa, utigale hano harara ninzi, na Inzi ndakuha malago gange goosi, namalagano. Wigizi avandu malago yaga kunangwa vaduuki kugalonda mu kivala cha mbahezaa.’

Kwidzulitsa 5:33

Mugalonde goosi kunangwa vindu viosi viduuki kuva vulahi ku munyi kandi kunangwa muzizagiliri komenya madiku manyingi mu kivala cha muzizaa kuvugura.

Kwidzulitsa 6:2

Lwa muva nimukikiri mwoyo, munyi harara ni visukululwi vienyu, kuduuka muhaane luyali ku Yahova Nyasaye winyu kandi mulonde malago geege goosi aga inzi muheezaa, kunangwa muduuki komenya mu kivala kila ku ing'inga indambi.