Kwidzulitsa 5:33 - KITABU KITAKATIFU

³³ Mugalonde goosi kunangwa vindu viosi viduuki kuva vulahi ku munyi kandi kunangwa muzizagiliri komenya madiku manyingi mu kivala cha muzizaa kuvugura.

Kwidzulitsa 5:33 Iomraidhean Croise

1 Avami 3:14

Na ulambulira nukugumira malago gange kandi miima jange kuli baba woovo Daudi yakola, ndakuha livamwoyo litambi.”

2 Avami 17:37

Mulahulira kazozo amalago ni miima ja ndamung'odera. Simulahulira avanyasaye vandi,

1 Kyetsinyinga 28:8

“Kunangwa kalunu, avandu vange imbiri wi zimoni zia Nyasaye, kandi ku vandu vosi va Isiraeli, livugana lia Yahova, imbiri wa Nyasaye witu, muhenze vulahi kolonda amalago goosi ga Yahova Nyasaye winyu, muduuki kuvugura kivala kilahi yiki, kandi na mukilekere avana vinyu kuli miandu ku visukululwi vinyu mihiga ni mihiga.”

Zaburi 119:6

Niiva ngumira malago googo goosi, sindaviikwa mu zisoni mba.

Zaburi 37:11

Navuzwa avandu vaveeye avahoma valanyora miandu ji kivala, kandi valamenya mu mirembe, nu kusangalira linyola lie miandu milahi ja Yahova.

Zaburi 37:22

Yavo vosi ava Yahova yagasiza, valamenya mu kivala mihiga ni mihiga, navuzwa yavo avalaamwa valatulizwa mu kivala cha avasuuvirifu.

Zaburi 37:29

Avandu va Yahova, avalungi valanyora kivala chi miandu, na valamenya mu mihiga ni mihiga.

Zaburi 37:34

Musuuviri Yahova kandi muhuliri amalago geege; na ndio alamuha luyali nu kumuha miandu ji kivala, navuzwa avandu vadamanu valatulizwa mu kivala cha avasuuvirifu.

Zaburi 37:9

Yavo avasuuviraa mu Yahova, valanyora miandu ji lirova, navuzwa yavo avaveeye avadamanu, valatulizwa mu kivala yicho.

Kutwula 20:12

“Muhaane luyali ku vababa vinyu va vamama vinyu, kunangwa muduuki komenya ing'inga indambi mukivala chamuhezaa.

Tsing'ano 3:1

Mwana wange, utivilira miigizu gange mba. Ing'inga yoosi wizulizi agangovoolera okole.

Jeremia 42:6

Kali gave amalahi ku kunyi anoho amadamanu, kulatia Yahova Nyasaye wiitu, uwa kunyi kokoteeva ukusaaliri kuye. Goosi galava malahi niiva kulatia Yahova.”

Jeremia 7:23

Navuzwa ndaavalaga vaduuki kutia inzi, kunangwa inzi nduuki kuva Nyasaye wavo navo vaduuki kuva avandu vange; kandi ndaavavoolera vamenye kuli wandaali nindaavalaga, kunangwa vaduuki komenya vulahi.

Ezekieli 20:19

Inzi mbeeye Yahova Nyasaye winyu. Mutie kandi mugumiri amalago gange.

Luka 1:6

Vosi vaali avalungi imbiri wa Nyasaye, kandi vaatia ligali nokolonda malago na makuva gu Mwami vugira imbara.

Varumi 2:7

Avandu valala avazizagilira kokora vulahi venyelerizaa uvukumi, uluyali kandi lihindira. Nyasaye alavaha livamwoyo litahera mba.

Vafeso 6:3

“Kunangwa goosi gaduuki kuva vulahi kumunyi, kandi muduuki kuhindira mu lirova.”

Kwidzulitsa 10:12

“Kalunu avandu va Isiraeli, muhuliri aga Yahova Nyasaye winyu yenya munyi mukore: Sigamiri Yahova ma mukora goosi agalagaa. Mumuyaanze, mumutumikiri ni mioyo jinyu josi, na roho jinyu josi,

Kwidzulitsa 11:9

Mulamenya ing'inga indambi mu kivala kitugi kandi kenoru cha Yahova yasuuviriza kuhaana ku avaguuga vinyu harara nivisululwi viavo.

Kwidzulitsa 12:25

Nimulonda lilago yili, Yahova alayanzizwa na goosi galava malahi ku munyi harara ni visukululwi vienyu.

Kwidzulitsa 12:28

Mwilindi kandi muhuliri malago ga muheezaa yaga, kunangwa muduuki kuva vulahi harara ni visukululwi iviizaa inyima winyu mihiga ni mihiga, kigira mulava nimukoraa agaveeye malahi kandi gukuyaanzi Yahova, Nyasaye winyu.

Kwidzulitsa 22:7

Unyala kuvugura vana valio, navuzwa oleke liinyia lizie, kunangwa uduuki komenya madiku manyingi kandi ove niliiva lilahi lielimeedeka nilizizagilira imbiri.

Kwidzulitsa 29:8

Kwavugula kivala chavo, nikugavulira vandu avihiiri ya Rubeni, Gadi ni inusu yihiiri ya Manase.

Kwidzulitsa 30:16

Niiva mulahulira malago ga Yahova Nyasaye winyu aga muheezaa lidiku lia kalunu, ku liyaanza Yahova Nyasaye winyu, ku ligenda mu zinzira zizie, kandi ku ligumira malago geege nimiima jije kandi ni likalaga lilie, maku mulava mwoyo nokomedeka kuva ihiiri ya vandu vanyingi. Yahova Nyasaye winyu alamugasiza mu kivala cha mwingira mu nokomenya mucho.

Kwidzulitsa 4:1

Maku Musa yavolera avandu, “Muhuliri amalago goosi ga mwigizaa; na mulamenya kandi mwidikiri mu kivala cha Yahova, Nyasaye wa avaguuga vinyu amuhezaa.

Kwidzulitsa 4:40

Muhuliri ligali malago geege goosi gamali kuhaana ku munyi kalunu, kandi goosi galava malahi ku munyi harara ni visukululwi vienyu. Mulazizagilira komenya mu kivala icha Yahova Nyasaye winyu amuhezaa kuva miandu jinyu mihiga ni mihiga.”

Kwidzulitsa 5:16

“Muhaane luyali ku vababa vinyu na vamama vinyu kuli Inzi Yahova Nyasaye winyu ndamulaga kunangwa viosi viduuki kuva vulahi ku munyi kandi kunangwa muduuki komenya ing'inga indambi mu kivala cha Inzi Yahova Nyasaye winyu muheezaa.

Kwidzulitsa 5:29

Oh, vwakaveeye vulahi niiva vakaveeye nu mwoyo kuli yigu kazozo gwu kutia Inzi. Vwakaveeye vulahi niiva vakahaani ku Inzi luyali nokuhulira malago gange goosi kazozo, kunangwa vindu viosi viakaveeye vilahi kuvo kandi ku visukululwi viavo mihiga ni mihiga.

Kwidzulitsa 6:1

“Yaga nigo malago, ga Yahova Nyasaye winyu yandaga mwigizi. Mugalonde mu kivala cha muveeye ahimbi kwingira mu kandi kukivugula.

Kwidzulitsa 6:3

O, munyi avandu va Isiraeli, mugahulirizi kandi mugalonde! Maku vindu viosi vilava vilahi ku munyi, kandi muduuki komeedeka kuva ihiiri enene ligali kandi mumenye mukivala kitugi kandi kenoru yiki kuli Yahova Nyasaye wa avaguuga vinyu amali kumusuuviriza.

Kwidzulitsa 8:1

“Muhuliri amalago goosi aga mali kuhaana ku munyi kalunu, kunangwa muduuki komenya, nokomedeka kuva vanyingi, kandi muvuguli kivala cha Yahova yasuuviriza avaguuga vinyu.