Kwidzulitsa 5:32 - KITABU KITAKATIFU

³² “Avandu va Isiraeli, mugelihi mulindi mukore goosi aga Yahova Nyasaye winyu amali kumulaga. Mutavula kuhulira lilago liosi ku malago geege mba.

Kwidzulitsa 5:32 Iomraidhean Croise

2 Avami 17:37

Mulahulira kazozo amalago ni miima ja ndamung'odera. Simulahulira avanyasaye vandi,

2 Avami 21:8

Na niiva avandu va Isiraeli valahulira amalago gange goosi nu kugumira lilaga liosi liu mutumikiri wange Musa yavaha, ahene yaho, sindavugilira vatulizwe mu kivala cha ndaha vaguuga vaavo mba.”

2 Avami 22:2

Josia yakola agaali malungi mu zimoni zia Yahova, kandi yagenda mu zinzira ziosi zia guuga weve mwami Daudi, vugira kugirung'ana halovega ku mukono mulungi kinga mumosi.

Zaburi 125:5

Navuzwa lwa uhaana mageri ku avachamu, uhaane mageri kandi ku yavo avalekaa zinzira zizio. Mirembe jive ku Isiraeli.

Zaburi 19:12

Si haali numulala unyala kolola mahiolo geege umwene; O, Yahova Ombonyie, kutura mu mahiolo giivisi!

Zaburi 80:19

O, Yahova Nyasaye Wuvunyali, yaanza ukwiranyie. Maku okoveere zimbavasi, na kunyi kulahonywa.

Tsing'ano 3:2

Amigizu gange galakokola uhindiri kandi ove ni limenya lie linyola linyingi.

Tsing'ano 4:27

Welehe kuvudamanu kandi ogende vulungi. Utazia kika kilala ichova winzira inungi mba.

Isaya 30:21

Lwa mugendagendaa kutura kunzira yu mukono mulungi anoho kunzira yu mukono mumosi, mulahulira umwoyo gwigwe kutura inyima winyu nigovoora, “Inzira ni yiyi, mulonde kuyo.”

Ezekieli 20:19

Inzi mbeeye Yahova Nyasaye winyu. Mutie kandi mugumiri amalago gange.

Ezekieli 37:24

Mwami kuli mutumikiri wange Daudi naave mwami wavo. Vosi valakave nu mwami mulala kandi navatie malago gange Mu vusuuvirifu.

Kwidzulitsa 11:32

mulole ndi mulondi malago goosiikalaga liosi lia muheezaa kalunu.

Kwidzulitsa 12:32

“Mukore goosi aga mali kumulaga; mutameeda kindu choosi kugo anoho kutuliza ku kindu choosi mba.

Kwidzulitsa 17:11

Okole kolondekana ni lilaga lia vakwigiza kandi namakalago ga vakuha. Utagirung'ana halovega kutura ku aga vakovolera mba,

Kwidzulitsa 17:20

Yaga galamukola avuli kuganangana ndi aveeye mulahi ligali kuvita vandu vandi va Isiraeli mba, kandi kutura ku livula kuhulira malago ga yahova munzira yoosi. Maku alamiiha ku mihiga minyingi, kandi visukululwi vivie vilamiiha Isiraeli mihiga ni mihiga.

Kwidzulitsa 24:8

“Lwa mulwaala vulwaye vwo ovogere, muve nagiligali kokora aga avasaalisi vi ihiiri ya Levi vamuvolera. Londa amigizu ga mali kumuha.

Kwidzulitsa 28:14

Navuzwa sigamuduukira muvuli kugalonda munzira yoosi, anoho musigamiri kandi mutumikiri avanyasaye vandi mba.

Kwidzulitsa 29:8

Kwavugula kivala chavo, nikugavulira vandu avihiiri ya Rubeni, Gadi ni inusu yihiiri ya Manase.

Kwidzulitsa 6:17

Mulole ndi mulondi malago goosi ga Yahova Nyasaye winyu amali kumuha.

Kwidzulitsa 6:25

Niiva kulahulira nu vusuuvirifu amalago yaga goosi aga Yahova Nyasaye wiitu amali kukulaga, alayanzizwa nikunyi.’

Kwidzulitsa 6:3

O, munyi avandu va Isiraeli, mugahulirizi kandi mugalonde! Maku vindu viosi vilava vilahi ku munyi, kandi muduuki komeedeka kuva ihiiri enene ligali kandi mumenye mukivala kitugi kandi kenoru yiki kuli Yahova Nyasaye wa avaguuga vinyu amali kumusuuviriza.

Kwidzulitsa 8:1

“Muhuliri amalago goosi aga mali kuhaana ku munyi kalunu, kunangwa muduuki komenya, nokomedeka kuva vanyingi, kandi muvuguli kivala cha Yahova yasuuviriza avaguuga vinyu.

Joshua 1:7

Ove vuzwa mugulu, ove muluviliri; kandi olole ndi uhuliraa nu kugumira lilaga liosi liu mutumikiri wange Musa yahaana ku ivi. Utaleka kedonye choosi chalio mba, na ivi ulaguuta vulahi hoosi aha uzia.

Joshua 23:6

Kunangwa muve avagulu kuhulira kandi kokora goosi aga Musa yang'oda mu kitabu chiche chi Lilaga. Mutagirung'ana nokoleka likora lilago kali lilala mba,

2 Petro 2:21

Vwakaveeye vulahi ligali kuvo, valavula kumanya inzira yu vulungi, kuvita kugimanya kandi viirana koleka amalago matakatifu gavahevwe.