Kwidzulitsa 5:14 - KITABU KITAKATIFU

¹⁴ Navuzwa lidiku lia saba liveeye lidiku lie lisosa, iliaviikwa ku halovega kigira Inzi Yahova Nyasaye winyu. Ku lidiku yilio, mutakoli muyinzi kali mulala mba; munyi vene, anoho vana vinyu vayaayi anoho vakana, avatugwa vinyu, zinyama zienyu zia mwatuga, anoho avageni vamenya mu kivala chiinyu. Avatugwa vinyu kuduuka navo vave nilisoosa kuli munyi.

Kwidzulitsa 5:14 Iomraidhean Croise

Litanga 2:2

Ku lidiku lia saba Nyasaye yamala miyinzi ja yaali naakori, ma na yasosa.

Nehemia 13:15

Mu madiku yago, ndaalora avandu mu Ivuyuda nivamiinaa makuyu ga mazabibu ku Lidiku lie Lisabato. Avandi vaali nivaleeta uvuswage nuviika ku zibunda, harara ni iwaini, mazabibu, makuyu, nimisigo jindi josi. Na vaali nivajiletaa mu Jerusalemi ku lidiku lie Lisabato. Kunangwa ndaviganihiza vavuli kuguliza kindu choosi ku lidiku lie Lisabato.

Nehemia 13:16

Avasaza valala kutura mu lidaala linene lia Tiro vaali nivamenyi mu Jerusalemi, na valeta zisuzi ni vindi vie zing'ano ziosi mu lidaala linene kugulizira avandu ku lidiku lie Lisabato.

Nehemia 13:21

Ndaviganihiza, “Simufana vulahi munyi kulindilira ichova yeyo kuduuka lwa vucha mba. Niiva mugerizaa kokora ndio, kandi, ndatumikira zinguru ku munyi.” Kutura lwene yilwo siviirana kuuza mu lidaala linene ku lidiku lie Lisabato mba.

Nehemia 5:5

Koveeye avihiiri ndala nzere na Avayuda vache viitu. Avana viitu sivaveeye avalahi kuli avana vaavo? Navuzwa kunyi kumali kokora avana viitu avatugwa. Valala ku vakana viitu vamali kugulizwa ku muvutugwa. Sikoveeye niliekonya mba kigira milimi jietu ni milimi ja mazabibu jiitu jamala kuvugulwa na avandu vandi.”

Kutwula 23:12

“Mulayinzira ku madiku sita ku lisiza, navuzwa mutayinziri ku lidiku lia saba mba, kunangwa avatugwa vinyu kandi avageni vamuyinziriraa, kali mitugu jinyu jiduuki kososa.

Kyavalevi 23:3

Muveeye namadiku sita gamukolera mu miyinzi; navuzwa lidiku lia saba liveeye Lisabato liveeye lidiku liokososa lidiku yili. Mutakoli muyinzi kali mulala mba; navuzwa muvugane harara kusigamira inzi Yahova. Lisabato liveeye lia Yahova hoosi ha muva nimumenyi.

Marko 2:27

Maku Yeso yavavolera, “Lisabato lialomberwa avandu, navuzwa avandu sivalomberwa Lisabato mba!

Luka 23:56

Kunangwa virana yengo, nivalomba vindu viafunya umwayu kandi maguta gu mwayu kigira muviri gwa Yeso. Ku lidiku lie Lisabato, vahonga kuli Lilaga lialaga.

Kwidzulitsa 5:13

Oveeye namadiku sita aga okolera mu miyinzi jijo josi.

Vahebraina 4:4

Havundu handi mu Mang'oda Matakatifu, yaga gavoolwa ndio ku lidiku lia saba: “Nyasaye yasosa ku lidiku lia saba kutura ku miyinzi jije josi.”