Kwidzulitsa 4:7 - KITABU KITAKATIFU

⁷ “Sihaveeye ho nihiiri yindi, kali neveeye enene, eveeye na nyasaye oveeye ahimbi ligali kuvo lwa vamwenyaa kuli Yahova Nyasaye wiitu aveeye ku kunyi mba. Akutivulira lwa kumwaniraa.

Kwidzulitsa 4:7 Iomraidhean Croise

2 Samweli 7:23

Sihaveeye ho ni ihiiri yindi ku lirova kuli Isiraeli, ya ivi wahonyia kutura mu vutugwa mu kivala cha Egebeti, ukuvalomba vave avandu vovo ivi mwene. Vindu vinene kandi viokogenyia via wavakolera vimali kulandiza ulusuma lulwo mu lirova liosi. Ivi wakunga zihiiri zindi na avanyasaye vaavo lwa avandu vovo vazizagilira kuvingilira nukulwana navo, avandu va ivi wavoholola kutura Egebeti kuva avoovo ivi mwene.

Zaburi 145:18

Yahova aveeye ahimbi ku yavo vosi avamwanira, ku yavo vosi avamwanira mu agiligali.

Zaburi 147:20

Akikiri kokora yaga ku zihiiri zindi; kandi sivamanyi malago geege mba. Mwizominye Yahova!

Zaburi 148:14

Amali kuha ihiiri yeeye zinguru, kunangwa avandu veve vosi vatakatifu vaduuki kumwizominya Avandu va Isiraeli vaveeye avayaanze ligali kuye. Mwizominye Yahova!

Zaburi 34:17

Lwa avalungi vanira ovokonyi, Yahova ahuliraa lianira liavo, kandi avahonyia ku vudinyu vwavo vwosi.

Zaburi 34:18

Yahova aveeye ahimbi ni yavo avi mioyo jaavo jiveeye midedekere, kandi ahonyiaa yavo avamali kogotiza lisuuvirizwa liavo liosi.

Zaburi 46:1

Nyasaye aveeye likingwa lietu, kandi zinguru zietu; aveeye mwetegeku kazozo kokonya mu zing'inga ziu vudinyu.

Zaburi 73:28

Navuzwa ku inzi vuveeye vulahi ligali kuva ahimbi ku Nyasaye; konyoora likingwa ku Yahova Nyasaye Wuvunyali nukulandiza ndavoora vindu viosi viokogenyia viamali kokora.

Zaburi 85:9

Ligali Yahova yeetegeki kohonyia yavo avamuhezaa uluyali, na uvukumi vwivwe vuduuki komenya mu kivala chietu.

Isaya 43:4

Ndahaana zihiiri ziosi ku nduuki okumuhonyia, kigira munyi muveeye avuvuguli vudinyu ligali ku inzi kandi kigira nyanza munyi kandi muheezaa luyali.

Isaya 55:6

Mugirung'ane muzie ku Yahova na musaale kuye, lwaveeye ahimbi.

Livalidza 23:21

Ndolaa madiku gaaza imbiri ga Isiraeli, sialavaleetela vudamanu naho vudinyu mba; Yahova Nyasaye wavo aveeye navo; valandiza ndi Yahova nu mwami wavo.

Livalidza 23:9

Nyara kuvalola kutura kondongozi yi kiguru; nyara kuvahenzeriza kutura ku vigulu. Vaveeye ihiiri emenyi yeng'ine vamanyi ndi na vandu vagasizwa kuvita zihiiri zindi.

Vikolwa 17:27

Yakola ndio kunangwa zihiiri yizio ziduuki kwenyeleriza Nyasaye mbula vamunyoole. Navuzwa kali ndio, Nyasaye siaveeye ihale ni kunyi kwosi mba.

Kwidzulitsa 26:19

Alakamukole muve avanene kuvita ihiiri yindi yoosi ya yalomba, kandi mulahaana lisandiza nu luyali ku lieta lilie. Mulava avandu veve, kuli yamusuuviriza.”

Kwidzulitsa 33:29

Ugasiziywi, O, ivi Isiraeli! Siaveeye ho numulala oveeye kuli ivi, ihiiri yahonywa na Yahova? Yahova aveeye kivavi chienyu kandi inguva yinyu alamukinga kandi alamuha liguuta. avasigu vinyu valaza kumuteeva zimbavasi.

Kwidzulitsa 4:32

“Mwenyelerizi amakuva ga madiku gaavita kale, ing'inga ya mwali nimukikiri kwivulwa, kutura ing'inga ya Nyasaye yalomba mundu ku lirova. Yenyelerizi ku lirova liosi. Inguuva enene kuli yiyi yayekoleka ku maziambiri? Mundu woosi, yahulira ku inguuva yu lugano yilu?

Kwidzulitsa 5:26

Ni mundu ki uwamanya alava mwoyo niyakamara kuhulira Nyasaye oveeye mwoyo namolomaa kutura hagati hu muliru, kuli kunyi?

Yakobo 4:8

Mwisuundi ahimbi ku Nyasaye naye alisuunda ahimbi ku munyi. Mwiganili munyi avoni; mutakase mioyo jinyu, munyi avagadaa.