Kwidzulitsa 4:40 - KITABU KITAKATIFU

⁴⁰ Muhuliri ligali malago geege goosi gamali kuhaana ku munyi kalunu, kandi goosi galava malahi ku munyi harara ni visukululwi vienyu. Mulazizagilira komenya mu kivala icha Yahova Nyasaye winyu amuhezaa kuva miandu jinyu mihiga ni mihiga.”

Kwidzulitsa 4:40 Iomraidhean Croise

Zaburi 105:45

Kunangwa avandu veve vaduuki kuhulira malago geege, nukolonda malago geege. Mwizominye Yahova!

Kutwula 20:12

“Muhaane luyali ku vababa vinyu va vamama vinyu, kunangwa muduuki komenya ing'inga indambi mukivala chamuhezaa.

Kutwula 23:26

Mukivala chienyu mukali sialatula mwana anoho ave umugumba mba. Ndahaana kumunyi limenya lia madiku manyi.

Kohelethu 8:12

Kali umwoni nakora vudamanu haali 100, navuzwa amenyaa ing'inga indambi. Oh yee, ndaamanya gavavoraa, “Niiva ulatia Nyasaye, vuli kindu choosi kilava kilahi,

Isaya 65:20

Avana vadoto si valakuza mba, anoho avandu vakulundu si valakuza ni vakikiri kuduukiza amadiku gaavo mba. Mundu woosi ukuza naveeye ni mihiga 100, alava naveeye vuzaa kuli musoleri. Navuzwa mundu woosi ukuza nakikiri kuduukiza mihiga 100, kilava kuli kilaamo kuye.

Jeremia 11:4

Ni lilagana lia ndalomba na avaguuga vaavo lwa ndaatuliza kutura mukivala cha Egebeti; kivala chaali kuli kisambiru chi vivia kuvo. Ndaavavoolera vatie inzi kandi vakole vuli kindu cha ndaavalaga. Ndavavolera ndi, niiva valatia inzi, valava avandu vange, na inzi ndava Nyasaye wavo.

Jeremia 35:18

Maku ndaavoolera ihiiri ya vandu va Rekabu ndi, Yahova Wuvunyali, Nyasaye wa Isiraeli, avoora, “Munyi mwatia amalago agaguuga winyu Jonadabu yamuha; munyi mumali kolonda amalago geege goosi na mukoli vuli kindu chayamulaga.

Jeremia 7:23

Navuzwa ndaavalaga vaduuki kutia inzi, kunangwa inzi nduuki kuva Nyasaye wavo navo vaduuki kuva avandu vange; kandi ndaavavoolera vamenye kuli wandaali nindaavalaga, kunangwa vaduuki komenya vulahi.

Jeremia 7:7

Niiva mulagirung'ana, ndamuvugirira mumenye havundu hano, mu kivala cha ndahaana ku avaguuga vinyu mihiga ni mihiga.

Kyavalevi 22:31

Yahova yavoola, “Mugumiri malago gange nokugalonda.

Livalidza 10:29

Kunangwa Musa yavolera mukwasi weve Hobabu muyaayi wa Jezero kutura Midia, “Kunyi koveeye ahimbi kutanga ologendo kuzia mu kivala cha yahova yavoola, alakihaana ku kunyi. Hamba kuzie harara nive kulakokolera vulahi. Yahova umali kulaga vindu vilahi ku vandu va isiraeli.”

Yohana 14:15

“Ni muva ni munyanza, mulagumira amalago gange.

Vafeso 6:3

“Kunangwa goosi gaduuki kuva vulahi kumunyi, kandi muduuki kuhindira mu lirova.”

Kwidzulitsa 11:9

Mulamenya ing'inga indambi mu kivala kitugi kandi kenoru cha Yahova yasuuviriza kuhaana ku avaguuga vinyu harara nivisululwi viavo.

Kwidzulitsa 12:25

Nimulonda lilago yili, Yahova alayanzizwa na goosi galava malahi ku munyi harara ni visukululwi vienyu.

Kwidzulitsa 12:28

Mwilindi kandi muhuliri malago ga muheezaa yaga, kunangwa muduuki kuva vulahi harara ni visukululwi iviizaa inyima winyu mihiga ni mihiga, kigira mulava nimukoraa agaveeye malahi kandi gukuyaanzi Yahova, Nyasaye winyu.

Kwidzulitsa 22:7

Unyala kuvugura vana valio, navuzwa oleke liinyia lizie, kunangwa uduuki komenya madiku manyingi kandi ove niliiva lilahi lielimeedeka nilizizagilira imbiri.

Kwidzulitsa 25:15

Mutumikiri vibimiru via giligali kandi viu vusuuvirifu, kunangwa muduuki komenya madiku manyingi mu kivala cha Yahova, Nyasaye winyu amuhezaa.

Kwidzulitsa 32:47

Amigizu yaga goosi sigaveeye agavuzwa mba; navuzwa gaveeye livamwoyo lienyu liene. Mugalonde na mulamenya madiku manyingi mu kivala engereka wumugera gwa Jorodani icha muveeye ahimbi kukivugula.”

Kwidzulitsa 33:25

Amadara geege gakingwi ni virivwa vie kivia ni migasa kandi aduuki komenya mu mirembe.”

Kwidzulitsa 4:1

Maku Musa yavolera avandu, “Muhuliri amalago goosi ga mwigizaa; na mulamenya kandi mwidikiri mu kivala cha Yahova, Nyasaye wa avaguuga vinyu amuhezaa.

Kwidzulitsa 4:2

Mutameeda kindu choosi ku makuva ga inzi mulagaa kandi mutatulizi ku kindu choosi mba. Mugumiri malago ga Yahova Nyasaye winyu, aga inzi mali kumuha.

Kwidzulitsa 4:5

“Henza, inzi mali kumwigiza amalago goosi kuli Yahova Nyasaye wange yandaga ngole. Mugalonde mu kivala cha muveeye ahimbi kwingira nokukivugula.

Kwidzulitsa 4:6

Mugalonde nokugakola nu vusuuvirifu kigira yaga galamanyia avandu vizihiiri zindi kuli muveeye avageri kandi avilimanya. Lwa vahulira malago yaga goosi, valavoora, ‘Ligali ihiiri enene yiyi veveeye no vogeri kandi ni limanya!’

Kwidzulitsa 5:10

Navuzwa manyia vuyanzi vwange vuduukiru ku zielefu zia makura ga yavo avanyanzaa kandi avalondaa malago gange.

Kwidzulitsa 5:16

“Muhaane luyali ku vababa vinyu na vamama vinyu kuli Inzi Yahova Nyasaye winyu ndamulaga kunangwa viosi viduuki kuva vulahi ku munyi kandi kunangwa muduuki komenya ing'inga indambi mu kivala cha Inzi Yahova Nyasaye winyu muheezaa.

Kwidzulitsa 5:29

Oh, vwakaveeye vulahi niiva vakaveeye nu mwoyo kuli yigu kazozo gwu kutia Inzi. Vwakaveeye vulahi niiva vakahaani ku Inzi luyali nokuhulira malago gange goosi kazozo, kunangwa vindu viosi viakaveeye vilahi kuvo kandi ku visukululwi viavo mihiga ni mihiga.

Kwidzulitsa 5:33

Mugalonde goosi kunangwa vindu viosi viduuki kuva vulahi ku munyi kandi kunangwa muzizagiliri komenya madiku manyingi mu kivala cha muzizaa kuvugura.

Kwidzulitsa 6:18

Mukore aga Yahova avoora gaveeye malungi kandi malahi, na viosi vilava vilahi ku munyi. Mulingira kandi mulavugula kivala kilahi kandi kenoru yicho cha Yahova yasuuviriza avaguuga vinyu;

Kwidzulitsa 6:3

O, munyi avandu va Isiraeli, mugahulirizi kandi mugalonde! Maku vindu viosi vilava vilahi ku munyi, kandi muduuki komeedeka kuva ihiiri enene ligali kandi mumenye mukivala kitugi kandi kenoru yiki kuli Yahova Nyasaye wa avaguuga vinyu amali kumusuuviriza.