Kwidzulitsa 4:4 - KITABU KITAKATIFU

⁴ Navuzwa munyi, avamwali avasuuvirifu ku Yahova Nyasaye winyu mukikiri mwoyo kuduuka lero.

Kwidzulitsa 4:4 Iomraidhean Croise

Zaburi 63:8

Ndahaanda vuzwa ku ivi, mukono gugwo mulungi gukingaa inzi.

Isaya 26:20

Avandu vange, muzie mu zinyumba zienyu, kandi muhaane viliango. Mwivisi ku ing'inga engekeeke kuduuka lwu vutima vwa Nyasaye vovomboloka.

Ezekieli 9:4

“Zia mu lidaala linene lia Jerusalemi liosi na uviiki kelolero ku vweni vwa vuli mundu overeraa kandi usiomaa kigira vindu viosi viu kuvihiliriza vikoleka mu lidaala yili.”

Vikolwa 11:23

Lwa yaduuka nalora kuli Nyasaye yaali nagasizi avandu yavo, yayanza; na aviganihizaa vosi vaye avasuuvirifu ku Mwami Yeso ni mioyo jaavo josi.

Varumi 12:9

Uvuyanzi vwinyu vutava nu vugadi mba. Muvihilirwi agaveeye madamanu, muhande ku agaveeye malahi.

Kwidzulitsa 10:20

Mutie Yahova Nyasaye winyu kandi mumusigamiri oyo yeng'ine. Muve avasuuvirifu kuye yeng'ine kandi mulombe amalagano ginyu mu lieta lilie lieng'ine.

Kwidzulitsa 13:4

Mulonde Yahova kandi muhaane luyali kuye. Mumuhuliri kandi mulindi malago geege; mumusigamiri kandi muve avasuuvirifu kuye.

Kwidzulitsa 30:20

Muyanze Yahova Nyasaye winyu, mumuhuliri kandi muve avasuuvirifu kuye maku munyi harara ni visukululwi vienyu mulamenya madiku manyingi mu kivala cha yasuuviriza avaguuga vinyu, Aburahamu, Isaka na Yakobo.”

Kwidzulitsa 4:3

Munyi aveene mwalora aga Yahova yakola ha kiguru cha Peori. Yahova Nyasaye winyu yadiviza avandu vosi avasigamiraa Baali Peori.

Kwidzulitsa 4:5

“Henza, inzi mali kumwigiza amalago goosi kuli Yahova Nyasaye wange yandaga ngole. Mugalonde mu kivala cha muveeye ahimbi kwingira nokukivugula.

Joshua 22:5

Mulole ndi mulonde lilaga lia Musa mutumikiri wa Yahova, yamulaga mukore: Muyanze Yahova Nyasaye winyu, mukore uvulariri vwivwe, muhuliri malago geege, muve avasuuvirifu kuye, kandi mumutumikiri nimioyo jinyu josi kandi na roho jinyu josi.”

Joshua 23:8

Muvogono yivwo, muve avasuuvirifu ku Yahova, kuli mwaveyange kuduuka lero.

Likunula 14:4

Yava nivo avasaza avilindaa na vavula kokora ovoheyi na vakali; aveene vayilinda kandi vaveeye avagima. Yava nivo avalondanga Mwana wi Ligondi hoosi na hoosi aha azizaa. Yava vahonywa kutura mu avandu vandi vaveeye va Nyasaye amakuyu gukutanga kuhaanwa ku Nyasaye kandi ku Mwana wi Ligondi.

Likunula 20:4

Maku ndaalora zindeve ziu uvwami, kandi avandu viikara kuzio, na vahevwa uvunyali vwi likalaga. Kandi ndaalora imioyo ja avandu viitwa kigira vilwaza likuva lia Nyasaye. Sivali nivasigamiyi iking'ang'a anoho kifananyi chacho mba, anoho mu makono gaavo kandi sivali nivaduyiywi umuhuri mu uvweni vwavo kuva ikimanyiru chi king'ang'a yicho mba. Vasimuguka kandi vamiiha harara na Kristo ku mihiga elefu.