Kwidzulitsa 4:36 - KITABU KITAKATIFU

³⁶ Yamukola muhuliri mwoyo gwigwe kutura mwigulu kunangwa aduuki ku mwigizaa; kandi hano ku lirova, yakola munyi mulole muliru gwigwe mutakatifu kandi namoloma ku munyi kutura hagati homuliru.

Kwidzulitsa 4:36 Iomraidhean Croise

Nehemia 9:13

Ivi wiika kutura mwigulu ha kiguru cha Sinai; ivi wamoloma ku avandu vovo, kandi nuvaha malago malahi namigizu guvulamu agaveeye guvulungi kandi agiligali.

Kutwula 19:18

Kiguru cha Sinai choosi chizula umwochi, kigira Yahova yaali niyiiki hasi ku cho mu muliru. Mwochi gwaazia igulu kuli mwochi gwi kisambiru kenene, na avandu vosi vaadegera ligali.

Kutwula 19:19

Umwoyo gwikisiliva gwamedeka ligali. Musa yaazizagilira komoloma, na Nyasaye yamutivulira nu mwoyo gwe munene kuli gwinguba.

Kutwula 19:9

Yahova yavolera Musa, “Ndaza ku ivi mu lilesi liliduhu, kunangwa avandu valahulira nimolomaa nivi na valakusuuvira kutura kalunu nu ukuzizagilira.” Musa yavolera Yahova amakuva ga avandu vaali nivamutivuliyi.

Kutwula 24:16

Uvukumi vwa Yahova vwaza ku kiguru kandi lilesi liakikunika ku madiku sita. Lidiku lia saba Yahova yalanga Musa kutura hagati ha malesi.

Kwidzulitsa 4:12

Muvavolere kuli Yahova yamoloma ku munyi nu mwoyo munene kutura hagati hu muliru, kuli mwahulira namolomaa, navuzwa simwamulola kuli afaanaa mba.

Kwidzulitsa 4:15

“Lwa Yahova yamoloma ku munyi kutura mu muliru ku kiguru cha Sinai, simwalola lifaana liosi mba. Ku vulahi vwinyu, mulole ndi

Kwidzulitsa 4:33

Haveeye ku ho na avandu avaahulira mwoyo gwu munyasaye nigomolomaa kuvo kutura hagati ho muliru, kuli munyi muhuliyi, ma nivava mwoyo?

Kwidzulitsa 8:5

Mwizurizi ndi Yahova Nyasaye winyu alungikizaa kandi ahaanaa mageri ku munyi kuli ahaanaa ku avana veve mageri.

Vahebraina 12:18

Munyi simuuzi kuli avandu va Isiraeli vaza, ku cha munyala kudiira ku, ku kiguru cha Sinai chakaa muliru, ku kisundi, ku lilesi limwamu, kandi ku kihuzuzi,

Vahebraina 12:25

Muhenze vulahi, mutasuula kuhulira uyu omoloma. Yavo avasuuraa kuhulira wahaana likuva litakatifu kutura ku Nyasaye ku lirova, sivalahona mba. Kunyi kulahona ndi nikwiyahula kutura ku omoloma kutura mwigulu!