Kwidzulitsa 4:25 - KITABU KITAKATIFU

²⁵ “Kali lwa muliiva nimwakamenya mukivala zana ku ing'inga indambi, nokwivula avana na aviisukulu, mutakola uvwoni ku lielombera munyi aveene kifananyi chavazwa mu lifaana lie kindu choosi mba. Yaga gaveeye madamanu imbiri wa Yahova Nyasaye winyu kandi galamuvihiliriza.

Kwidzulitsa 4:25 Iomraidhean Croise

2 Avami 21:2

Manase yakola agaali madamanu imbiri wa Yahova, kuli likora lie kivihiri chi zihiiri zia Yahova yakunga kutura mu kivala cha vandu va Isiraeli.

Zaburi 78:58

Vaavihiliriza Nyasaye nuvwaali vwavo vwu kusigamira misambwa, kandi vamukendekiza nivifananyi viavazwa viavo.

Kutwula 20:4

“Mutelomberi vifananyi vie kindu choosi mwiligulu anoho chuku lirova, anoho chu mumazi musi mwi lirova mba.

Kutwula 32:7

Yahova yavolera Musa, “Yika hasi vwangu, kigira avandu vovo avawimilira kutura mu kivala cha Egebeti, vamali kwona mbitilira.

Ezekieli 8:10

Kunangwa ndingira mugati nimbenza. Ndalora ovong'ole ku madigi vwi zinzoka, ni zinyama zindi ziukuvihiliriza kandi vifananyi viosi, via vandu va Isiraeli vaasigamira.

Hosea 9:17

Nyasaye wange alasura avandu veve, kigira si vamuhuliraa mba. Valava avagendagendi hagati hi zihiiri.

Hosea 9:9

Avandu yava vaveeye avadamanu ligali mu vikolwa viavo, kuli mu madiku gavaali mu lidaala lia Gibea. Nyasaye aliizuliza uvwoni vwavo kandi alavaha amageri.

1 Vakorintho 10:22

Anoho ilienya lietu liveeye ndi kokole mwami akendeke, kunyi si koveeye ni zinguru kumuvita mba.

Kwidzulitsa 16:22

Kandi mutasingirizi itiiru yi ligina kigira kifananyi chu kusigamira mba; Yahova Nyasaye winyu avidunyiraa.

Kwidzulitsa 27:15

“ ‘Alaamwe mundu olomba kifananyi chavazwa anoho kutulwa, ikindu keveeye chu kuvihiliriza ku Yahova, miyinzi ja makono gu musiza, na akisingirizi muvwivisu, akisigamiri’ “Kandi avandu vosi valavoora, ‘Amini!’

Kwidzulitsa 28:45

“Vilaamo yivi viosi vilaza ku munyi kandi vilava ni munyi kuduuka lwa mudivizwa ligali, kigira simwahulira Yahova Nyasaye winyu nokugumira malago gege ga yamuuha mba.

Kwidzulitsa 28:61

Alatuma kandi zing'ano ziosi ziu vulwaye kandi amaduywa goosi agavula kutalwa mu kitabu yiki cha malago na miigizu ga Nyasaye kandi muladivizwa ligali.

Kwidzulitsa 30:18

mwiganihizaa havulavu ligali ndi muladivizwa. Simulamenya madiku manyingi mu kivala yicho, engereka wu mugera gwa Jorodani, icha muveeye ahimbi kwingira nokomenya mucho mba.

Kwidzulitsa 30:19

Inzi kalunu muheezaa litovola hagati hi livamwoyo ni likuza, hagati hu vugasu vwa Nyasaye ni kilaamo cha Nyasaye, kandi nangaa ligulu ni lirova kololekiza litovola lia mulomba. Tovoli livamwoyo kunangwa munyi harara ni visukululwi vienyu muduuki kuva mwoyo.

Kwidzulitsa 31:29

Manyi ligali ndi inyima wilikuza liange, avandu valagwa avadamanu kandi vasuuli icha ndaavigiza. Mu ing'inga yizaa, maduywa gukutihiza galavagwira, kigira valava ni vakora Yahova kuva nu vutima mulikola ga yavagaya vavuli kokora.”

Kwidzulitsa 32:5

Navuzwa munyi simuveeye avasuuvirifu mba kandi simuduukani kulangwa avandu veve mba, ihiiri yuvwoni kandi yuvugaadi.

Kwidzulitsa 4:16

muvuli kokora uvwoni ku lielombera aveene kifananyi ku lifaana liosi mba, nikiva kisaza anaho kikali,

Kwidzulitsa 4:23

Mwilindi munyi aveene, kandi mutivilira lilagana lia Yahova Nyasaye winyu yalomba ni munyi mba. Muhuliri lilaga lilie kandi mutelombera kifananyi ku choosi chavazwa cha Yahova Nyasaye winyu yagaya mba;

Joshua 23:16

Niiva simulalinda lilagana lia Yahova Nyasaye winyu yalaga munyi mulindi, kandi niiva mu latumikira nukusigamira avanyasaye vandi, maku alamuha amageri mu vutima vwivwe, alamuha amageri, na alamudiviza ligali. Muturi mu kivala kilahi yiki icha amali kuhaana ku munyi.”

Joshua 24:20

Nimumuleka kuzia kusigamira avanyasaye vageni, alamugirung'ana nukumuha amageri. Alamudiviza, kali ni yaali mulahi ku maziambiri.”