Kwidzulitsa 4:2 - KITABU KITAKATIFU

² Mutameeda kindu choosi ku makuva ga inzi mulagaa kandi mutatulizi ku kindu choosi mba. Mugumiri malago ga Yahova Nyasaye winyu, aga inzi mali kumuha.

Kwidzulitsa 4:2 Iomraidhean Croise

Zaburi 78:7

Munzira yiyi yavo kandi vaduuki kuviika lisuuvira liavo mu Nyasaye, kandi vavuli kwivilira vikolwa via yakola. Navuzwa vahuliri malago geege kazozo.

Tsing'ano 30:6

Niiva ovoora ndi yavoola kindu cha yavula kuvoola, alakugondokera nu kukumanyia ndi uveeye mugadi.”

Kohelethu 12:13

Yivi viosi ni viakavita, koveeyeho ni kindu kilala chokovoora: Utie Nyasaye, kandi olonde malago geege, kigira yiki nicho chagira Nyasaye nalomba mundu.

Jeremia 26:2

Yahova yambolera, “Singira mumugizi gwi Litembeli na ulandizi amakuva gamali kukulaga ovoole ku avandu vaza kutura mu madaala gi Ivuyuda kusigamira Yahova. Utaleka kindu kali kilala mba.

Matayo 5:18

Agiligali muvooleraa, kuduuka lwi ligulu ni lirova vilihera, induguta anoho kedonye kilala kekekeeke ligali chi induguta yi Lilaga, sivinyala ligali kogota, kuduuka lwa viosi vilitwekizwa.

Matayo 5:43

“Mwamala kuhulira agavoolwa, ‘Uyaanze mutende woovo, navuzwa udunyire musigu woovo.’

Vagalatia 3:15

Avaamitu vange, ndamufananyira ku limenya lia kazozo: lwa avandu vaviri vavugirizana ku likuva, sihaveeye ho nu mundu unyala kuvunanyia, anoho komeeda kindu kugo mba.

Kwidzulitsa 1:3

Ku lidiku liu kutanga liu mweli gwi likomi na mulala gwu muhiga gwa arubaini inyima wa vaali nivakatula Egebeti, Musa yavolera avandu va Isiraeli vindu viosi via Yahova yamulaga avavoolere.

Kwidzulitsa 12:32

“Mukore goosi aga mali kumulaga; mutameeda kindu choosi kugo anoho kutuliza ku kindu choosi mba.

Kwidzulitsa 13:1

“Niiva muporofeti, anoho mulooti wa maloto, anyoleka hagati hinyu nokumusuuviriza kelolekizu anoho chokogenyia,

Kwidzulitsa 33:4

“Kunyi kolondaa Lilaga lia Musa yakuha. Liveeye mwandu gwu vuguli vonene ku ihiiri yitu.

Kwidzulitsa 4:14

Yahova yandaga mwigizi amalago goosi agadukanaa muhuliri mu kivala cha muveeye ahimbi kwingira mucho nukwidikilamu.

Kwidzulitsa 4:40

Muhuliri ligali malago geege goosi gamali kuhaana ku munyi kalunu, kandi goosi galava malahi ku munyi harara ni visukululwi vienyu. Mulazizagilira komenya mu kivala icha Yahova Nyasaye winyu amuhezaa kuva miandu jinyu mihiga ni mihiga.”

Kwidzulitsa 4:5

“Henza, inzi mali kumwigiza amalago goosi kuli Yahova Nyasaye wange yandaga ngole. Mugalonde mu kivala cha muveeye ahimbi kwingira nokukivugula.

Kwidzulitsa 5:29

Oh, vwakaveeye vulahi niiva vakaveeye nu mwoyo kuli yigu kazozo gwu kutia Inzi. Vwakaveeye vulahi niiva vakahaani ku Inzi luyali nokuhulira malago gange goosi kazozo, kunangwa vindu viosi viakaveeye vilahi kuvo kandi ku visukululwi viavo mihiga ni mihiga.

Kwidzulitsa 5:32

“Avandu va Isiraeli, mugelihi mulindi mukore goosi aga Yahova Nyasaye winyu amali kumulaga. Mutavula kuhulira lilago liosi ku malago geege mba.

Joshua 1:7

Ove vuzwa mugulu, ove muluviliri; kandi olole ndi uhuliraa nu kugumira lilaga liosi liu mutumikiri wange Musa yahaana ku ivi. Utaleka kedonye choosi chalio mba, na ivi ulaguuta vulahi hoosi aha uzia.

Joshua 8:35

Vuli lilago ku malago ga Musa gasomwa na Joshua ku livugana liosi lia vandu va Isiraeli, avakali, avana harara na avageni vamenya hagati haavo.