Kwidzulitsa 4:16 - KITABU KITAKATIFU

¹⁶ muvuli kokora uvwoni ku lielombera aveene kifananyi ku lifaana liosi mba, nikiva kisaza anaho kikali,

Kwidzulitsa 4:16 Iomraidhean Croise

Kutwula 32:7

Yahova yavolera Musa, “Yika hasi vwangu, kigira avandu vovo avawimilira kutura mu kivala cha Egebeti, vamali kwona mbitilira.

Isaya 40:18

Nyasaye anyala koleng'anywa na vwaha? Anoho anyala kufananywa na kindiki?

Isaya 44:13

Umuvazi agelaa lubaho numugoye. Akekolaa umufano gwi kindu cha yenya kuvaaza, ma akivaaza ni viju vivie nokokelomba mu lifana liu mundu, mu lifana liu mundu mulahi wukuyaanziza ma akiviika munyumba yeye.

Ezekieli 8:10

Kunangwa ndingira mugati nimbenza. Ndalora ovong'ole ku madigi vwi zinzoka, ni zinyama zindi ziukuvihiliriza kandi vifananyi viosi, via vandu va Isiraeli vaasigamira.

Kyavalevi 19:4

“Mutagirung'ana kuzia kusigamira vifananyi mba, kandi mutelomberi avanyasaye ku vivia nukuvisigamira mba. Inzi mbeeye Yahova, Nyasaye winyu.

Kyavalevi 26:1

Yahova yavoola, “Mutelomberi ivifanayi, anoho kusingiliza vifananyi vialongwa, anoho zitiru ziamagina anoho magina gavazwa kuvisigamira mba. Inzi mbeeye Yahova Nyasaye winyu.

Yohana 4:24

Nyasaye ni Roho, nayavo vamusigamira gavadukiraa vamusigamiri mu Roho nu mu agiligali.”

Vikolwa 17:29

“Kigira kunyi koveeye avana va Nyasaye, sivoveeye vulahi kuganagana ndi Nyasaye aveeye kuli izahabu, ifeza, anoho kali kuli ligina liavazwa; vindu viakongwa nu vusiza kandi no vogeri vwa avandu.

Kwidzulitsa 16:22

Kandi mutasingirizi itiiru yi ligina kigira kifananyi chu kusigamira mba; Yahova Nyasaye winyu avidunyiraa.

Kwidzulitsa 27:15

“ ‘Alaamwe mundu olomba kifananyi chavazwa anoho kutulwa, ikindu keveeye chu kuvihiliriza ku Yahova, miyinzi ja makono gu musiza, na akisingirizi muvwivisu, akisigamiri’ “Kandi avandu vosi valavoora, ‘Amini!’

Kwidzulitsa 31:29

Manyi ligali ndi inyima wilikuza liange, avandu valagwa avadamanu kandi vasuuli icha ndaavigiza. Mu ing'inga yizaa, maduywa gukutihiza galavagwira, kigira valava ni vakora Yahova kuva nu vutima mulikola ga yavagaya vavuli kokora.”

Kwidzulitsa 4:23

Mwilindi munyi aveene, kandi mutivilira lilagana lia Yahova Nyasaye winyu yalomba ni munyi mba. Muhuliri lilaga lilie kandi mutelombera kifananyi ku choosi chavazwa cha Yahova Nyasaye winyu yagaya mba;

Kwidzulitsa 4:25

“Kali lwa muliiva nimwakamenya mukivala zana ku ing'inga indambi, nokwivula avana na aviisukulu, mutakola uvwoni ku lielombera munyi aveene kifananyi chavazwa mu lifaana lie kindu choosi mba. Yaga gaveeye madamanu imbiri wa Yahova Nyasaye winyu kandi galamuvihiliriza.

Kwidzulitsa 5:8

“ Mutelomberi vifananyi viavazwa vie lifaana lie vindu viosi mu ligulu anoho ku lirova, anoho mazi anoho musi mu lirova.

Kwidzulitsa 5:9

Mutinamiri vifananyi ku viosi anoho mukisigamiri mba, kigira Inzi mbeeye Yahova Nyasaye winyu, mbeeye Nyasaye wilikendeka uhaanaa mageri ku vana kigira vwoni vwa vababa vaavo. Mbana amageri ku yavo avandunyira kandi ku ivisukulurwi viavo kuduuka ku likula lia kavaga kandi lia kane.

Kwidzulitsa 9:12

“Kunangwa Yahova yambolera, ‘Singira wiki hasi hi kiguru vwangu, kigira avandu vovo va wimiliraa Egebeti veyonogonyi kandi vakoli uvudamanu. Vagirung'ani koleka gandavalaga kandi velombeeye aveene kifananyi.’