Kwidzulitsa 4:12 - KITABU KITAKATIFU

¹² Muvavolere kuli Yahova yamoloma ku munyi nu mwoyo munene kutura hagati hu muliru, kuli mwahulira namolomaa, navuzwa simwamulola kuli afaanaa mba.

Kwidzulitsa 4:12 Iomraidhean Croise

Kutwula 19:9

Yahova yavolera Musa, “Ndaza ku ivi mu lilesi liliduhu, kunangwa avandu valahulira nimolomaa nivi na valakusuuvira kutura kalunu nu ukuzizagilira.” Musa yavolera Yahova amakuva ga avandu vaali nivamutivuliyi.

Kutwula 20:22

Yahova yalaga Musa avolere vandu va Isiraeli: “Munyi mumali kolola kuli Inzi Yahova umali komoloma ku munyi kutura mwigulu.

Isaya 30:21

Lwa mugendagendaa kutura kunzira yu mukono mulungi anoho kunzira yu mukono mumosi, mulahulira umwoyo gwigwe kutura inyima winyu nigovoora, “Inzira ni yiyi, mulonde kuyo.”

Isaya 40:18

Nyasaye anyala koleng'anywa na vwaha? Anoho anyala kufananywa na kindiki?

Isaya 40:3

Mwoyo gwu mundu guhanzukaa mwigendanyama nigovoora, “Mulombe inzira ya Yahova mwigendanyama! Mulungikizi inzira ya Nyasaye mu changarangwi!

Isaya 40:6

Mwoyo gwu mundu guhanzukaa nigovoora, “Ulandizi Likuva!” Ndateeva, “Likuva ki lianandiza?” “Ulandizi ndi avandu vosi mukivala vaveeye kuli uvunyasi; kandi vaveeye kuli vimuli viamaua gu muvulimu.

Livalidza 12:8

Kunangwa inzi molomaa naye moni na moni, kandi vulahi ligali, na sigaveeye mu zing'ano mba; kali amali kolola liiva liange! Gaveeye ki munyi komonya mutumikiri wange Musa?”

Matayo 17:5

Lwa yaali nakemoloma, ililesi lilavu liavakunika, nu umwoyo gwahulirika kutura mu lilesi zana ni govoora, “ Uyu nu Umwana wange wandayanza, mumuhuliri.”

Matayo 3:17

Kandi henza, umwoyo gwatura mu ligulu ni govoora, “Uyu nu Umwana wange muyanze wandayanza.”

Matayo 3:3

Yohana uyu niyie wu muporofeti Isaya yamoloma amakuva geege na avoora, “Umwoyo gwu Mundu guhanzukaa mwigendanyama: ‘Mulombe inzira yu Mwami, mulungikizi mihanda jije.’ ”

Kwidzulitsa 10:4

Kunangwa Yahova yang'oda ku vibaho yivio amakuva malala meere aga yaali nang'odi ing'inga yukutanga, amalago likomi aga yahaana ku munyi lwa yamoloma kutura hagati hu muliru ku lidiku lia mwavunga ha kiguru. Yahova yamba vibaho zana;

Kwidzulitsa 4:11

“Muvoolere avana vinyu kuli mwazia nimusingila hi kiguru kitangiraa nikifumiywi na malesi malitu gu mwoki mumwamu kandi muliru gwakaa lomemo kuduuka mwigulu.

Kwidzulitsa 4:13

Yamuvolera icha muduukana mukore kulinda lilagana lia yalomba ni munyi, kuduuka mulonde malago likomi, aga yang'oda ku vibaho viviri via magina.

Kwidzulitsa 4:15

“Lwa Yahova yamoloma ku munyi kutura mu muliru ku kiguru cha Sinai, simwalola lifaana liosi mba. Ku vulahi vwinyu, mulole ndi

Kwidzulitsa 4:33

Haveeye ku ho na avandu avaahulira mwoyo gwu munyasaye nigomolomaa kuvo kutura hagati ho muliru, kuli munyi muhuliyi, ma nivava mwoyo?

Kwidzulitsa 4:36

Yamukola muhuliri mwoyo gwigwe kutura mwigulu kunangwa aduuki ku mwigizaa; kandi hano ku lirova, yakola munyi mulole muliru gwigwe mutakatifu kandi namoloma ku munyi kutura hagati homuliru.

Kwidzulitsa 5:22

“Yaga nigo malago ga Yahova yahaana ku munyi mwosi lwa mwavunga harara ha kiguru. Lwa yamoloma nu mwoyo munene kutura hagati hu muliru, kandi kutura mu malesi mamwamu namalitu, nikisundi kenene, yahaana malago yaga na siyameeda ku mba. Maku yagang'oda ku vibaho viviri via magina, ma niyamba.

Kwidzulitsa 5:4

Uwene yeyo, ku kiguru, Yahova yamoloma nimunyi moni na moni, kutura hagati hu muliru.

Kwidzulitsa 9:10

Maku Yahova yamba vibaho via magina gaviri ukwa yaali nang'odi nu mukono gwigwe mwene amakuva ga yamuvolera kutura hagati hu muliru ku lidiku lia mwavunga ha kiguru.

Vakolosai 1:15

Kristo aveeye ligondo lia Nyasaye utalolekaa; utanga kwivulwa, na kandi aveeye umunene ku vilombe viosi;

Vahebraina 12:19

nukumwoyo gwikisiliva, kandi ku liyoga liu mwoyo. Lwa vandu va Isiraeli vahulira mwoyo zana vagoonya Musa ndi vatahulira likuva lindi kandi mba,