Kwidzulitsa 4:10 - KITABU KITAKATIFU

¹⁰ kigira lidiku lia mwasingira imbiri wa Yahova Nyasaye winyu ku kiguru cha Sinai, lwa Yahova yambolera, ‘Vuganyia avandu. Nyenya vahuliri makuva ga nyenya mbore, kunangwa vaduuki kwiga kumbulira madiku goosi aga vaveeye mwoyo kandi kunangwa navo valiegizi avana vaavo kokora malala meere.’

Kwidzulitsa 4:10 Iomraidhean Croise

Litanga 18:19

Inzi mali kumutovola kunangwa aduuki kulaga avayaayi veve nivisukululwi vivie vaambuliri inzi kandi vakole agaveeye malahi kandi malungi. Niiva valakola, inzi ndamukolera vuli kindu chamali ku mulaga.”

Zaburi 145:4

Miyinzi jijo jilizominywa kutura ku likula kuduuka ku likula, valalandiza vikolwa vivio vinene.

Kutwula 19:1

Avandu va Isiraeli vaatura Refidimu, na kulidiku liu kutanga liu mweli gwakavaga nivakamara kutura Egebeti vaza mu changalangwi cha Sinai.

Kutwula 19:11

kandi vetegekere lidiku likora kavaga. Ku lidiku liene yilio, Inzi ndiika kukiguru cha Sinai, aha avandu vosi vanyara kondola.

Kutwula 19:16

Kunangwa lidiku likora kavaga inyinga yu mugamba haali ho nilihirigana lienguba kandi loheni, ililesi liliduhu lialoleka ku kiguru, nu umwoyo munene ligali gwikisiliva gwahulirika. Avandu vosi avaari hokososa vaadegera nuvuti.

Kutwula 19:9

Yahova yavolera Musa, “Ndaza ku ivi mu lilesi liliduhu, kunangwa avandu valahulira nimolomaa nivi na valakusuuvira kutura kalunu nu ukuzizagilira.” Musa yavolera Yahova amakuva ga avandu vaali nivamutivuliyi.

Kutwula 20:18

Lwa avandu vahulira muliviti gwinguba ni kisiriva nivikuba, nizimbeni nizihemahemaa kandi kiguru nikivuyaa mwochi, vaadegera nuvuti nivasingila ihale.

Kutwula 20:20

Musa yavativulira navoora, “Mutatia mba; Nyasaye umali kuuza kumugeriza nukumukola muzizagiliri kumuhulira, kunangwa muvuli kokora uvwoni.”

Kohelethu 12:13

Yivi viosi ni viakavita, koveeyeho ni kindu kilala chokovoora: Utie Nyasaye, kandi olonde malago geege, kigira yiki nicho chagira Nyasaye nalomba mundu.

Isaya 38:19

Navuzwa avandu vaveeye mwoyo nivo vizominyaa ivi, kuli inzi nzizominya ivi kalunu. Aviivuli vavoolera avana vaavo kuli ivi oveeye musuuvirifu.

Luka 1:50

Zimbavasi zizie ziveeye ku makura namakura, ku avandu vahaana luyali kuye.

Kwidzulitsa 11:19

Mwigizi malago yaga ku avana vinyu. Mugavoole lwa mwikalaa hango kandi lwa mugendaa kunzira; lwa musosaa kandi lwa muyinzilaa.

Kwidzulitsa 12:1

“Yaga nigo malago agadukanaa mulonde muhuliri madiku goosi ga muveeye mwoyo mu kivala cha Yahova Nyasaye wa vaguuga vinyu amuhezaa mugalonde.

Kwidzulitsa 14:23

Maku muzie havundu harara, aha Yahova Nyasaye winyu amali kotovola asigamirwi ho; kandi uwene yeyo imbiri weve, mulie izizaka ziu vuswage vwinyu, iwaini yinyu, na maguta ga muzeituni kandi iviukutanga kwivulwa vie zing'ombe na magondi. Mukore ndio kunangwa muduuki kwiga kuli munyala kuhaana luyali ku Yahova Nyasaye winyu kazozo.

Kwidzulitsa 17:19

Kuduuka aviiki kitabu yiki ahimbi naye kazozo, kandi asome kutura mucho madiku gi livamwoyo lilie liosi; kunangwa aduuki kwiga kuhaana luyali ku Yahova Nyasaye weve, kandi ahuliri nu vusuuvirifu vwosi vindu viosi ivialagwa mucho.

Kwidzulitsa 4:9

Mwilindi ligali munyi aveene, muvuli kwivilira ing'inga yoosi ya muveeye mwoyo viamumali kolola. Muvoolere avana vinyu kandi aviisukulu vinyu

Kwidzulitsa 5:2

Ha kiguru cha Sinai, Yahova Nyasaye wiitu yalomba lilagana ni kunyi,

Kwidzulitsa 5:29

Oh, vwakaveeye vulahi niiva vakaveeye nu mwoyo kuli yigu kazozo gwu kutia Inzi. Vwakaveeye vulahi niiva vakahaani ku Inzi luyali nokuhulira malago gange goosi kazozo, kunangwa vindu viosi viakaveeye vilahi kuvo kandi ku visukululwi viavo mihiga ni mihiga.

Kwidzulitsa 6:2

Lwa muva nimukikiri mwoyo, munyi harara ni visukululwi vienyu, kuduuka muhaane luyali ku Yahova Nyasaye winyu kandi mulonde malago geege goosi aga inzi muheezaa, kunangwa muduuki komenya mu kivala kila ku ing'inga indambi.

Kwidzulitsa 6:7

Mwigizi avana vinyu nuvugulu. Mugatumikiri lwa muveeye mu zinyumba zienyu, lwa mugendaa, na lwa mu sosa kandi lwa mukoraa miyinzi.

Vahebraina 12:25

Muhenze vulahi, mutasuula kuhulira uyu omoloma. Yavo avasuuraa kuhulira wahaana likuva litakatifu kutura ku Nyasaye ku lirova, sivalahona mba. Kunyi kulahona ndi nikwiyahula kutura ku omoloma kutura mwigulu!

Likunula 19:5

Maku umwoyo gwatura mundeve yu vwami, nigovoora, “Mwizominye Nyasaye wiitu, munyi avatumikiri veve vosi, kandi munyi avandu vamutiizaa, mwombi avakeekeke na vanene.”

1 Samweli 12:24

Mutie Yahova kandi mumutumikiri nu vusuuvirifu ni mioyo gwinyu josi. Mwizurizi vindu vinene via yamukolera.