Kwidzulitsa 4:1 - KITABU KITAKATIFU

¹ Maku Musa yavolera avandu, “Muhuliri amalago goosi ga mwigizaa; na mulamenya kandi mwidikiri mu kivala cha Yahova, Nyasaye wa avaguuga vinyu amuhezaa.

Kwidzulitsa 4:1 Iomraidhean Croise

Zaburi 105:45

Kunangwa avandu veve vaduuki kuhulira malago geege, nukolonda malago geege. Mwizominye Yahova!

Zaburi 119:4

O, Yahova, ivi umali kukuha malago googo, kandi wakovolera kugahuliri nu vusuuvirifu vwosi.

Kutwula 18:20

Kuduuka uvigizi amalago ga Nyasaye nukuvavoolera kuli vanyara komenya nichavaduukanaa kokora.

Jeremia 11:6

Maku Yahova yambolera, “Uzie mu madaala manene goosi gi Ivuyuda kandi kuzinzira ziosi zia Jerusalemi. Wilwaziri avandu amakuva gange uvavoolere vahuliri amakuva gi lilagana yili kandi vagatie.

Ezekieli 11:20

Maku valakalonde malago gange muvusuuvirifu vwosi valakave avandu vange na inzi ndakave Nyasaye wavo.

Ezekieli 20:11

Ndaavaha malago gange kandi mimbigiza lilago liange, agaleetaa livamwoyo ku mundu woosi vegehiza kugo.

Ezekieli 20:21

“Navuzwa vana vaavo vibaara ku Inzi; vaavunanyia lilago liange kandi sivagumira malago gange agaleetaa livamwoyo ku mundu woosi wegehiza kugo mba. Vonogonyia Lidiku liange lie Lisabato. Ndaaganagana kuva nu vutima vululu kuvo mu changalangwi nu kuviita vosi.

Ezekieli 36:27

Ndaviika Roho gwange mu munyi, kandi ndamukora mugumiri lilago liange kandi mulonde amalago gange goosi agaamali kumuha.

Ezekieli 37:24

Mwami kuli mutumikiri wange Daudi naave mwami wavo. Vosi valakave nu mwami mulala kandi navatie malago gange Mu vusuuvirifu.

Kyavalevi 18:5

Mulonde likora kandi malago ga Inzi muheezaa. Mulahonyia livamwoyo lienyu mu likora ndio. Inzi mbeeye Yahova.”

Kyavalevi 19:19

“Mugumiri malago gange mutaleki mitugu jinyu kwivulana nizinyama ziu lugano lundi mba. Mutataaga zing'ano ziviri ziuvuguza mu mulimi mulala mwere mba. Mutiviiki zinguvu zianavwa kutura ku zing'ano ziviri zieviraka mba.

Kyavalevi 19:37

Mulonde malago gange goosi kandi miigizu gange. Inzi mbeeye Yahova.”

Kyavalevi 20:8

Mugumiri malago gange nokugakola. Inzi mbeeye Yahova, umutakasaa.”

Kyavalevi 22:31

Yahova yavoola, “Mugumiri malago gange nokugalonda.

Matayo 28:20

muviigizi kolonda ivindu viosi via mali kumulaga. Na ndava harara ni munyi madiku goosi; kuduuka ku keheri chi ing'inga.”

Luka 1:6

Vosi vaali avalungi imbiri wa Nyasaye, kandi vaatia ligali nokolonda malago na makuva gu Mwami vugira imbara.

Yohana 15:14

Munyi muveeye avalina vange nimukora vindu via mulagaa.

Varumi 10:5

Musa yang'oda kigira likolwa mulungi ku lihulira Lilaga, ndi, “Mundu uhulira amalago gi Lilaga, alava mwoyo.”

Kwidzulitsa 1:3

Ku lidiku liu kutanga liu mweli gwi likomi na mulala gwu muhiga gwa arubaini inyima wa vaali nivakatula Egebeti, Musa yavolera avandu va Isiraeli vindu viosi via Yahova yamulaga avavoolere.

Kwidzulitsa 1:8

Kivala yiki choosi nicho kivala cha Inzi, Yahova, ndasuuviriza kuhaana ku avaguuga vinyiu, Aburahamu, Isaka na Yakobo, kandi ku visukululwi viavo. Muzie mukivuguli.’ ”

Kwidzulitsa 11:1

“Muyanze Yahova Nyasaye winyu, kandi mulonde malago geege goosi kazozo.

Kwidzulitsa 11:32

mulole ndi mulondi malago goosiikalaga liosi lia muheezaa kalunu.

Kwidzulitsa 13:1

“Niiva muporofeti, anoho mulooti wa maloto, anyoleka hagati hinyu nokumusuuviriza kelolekizu anoho chokogenyia,

Kwidzulitsa 16:20

Mulalonde uvulungi vweng'ine; kunangwa muduuki komenya mu kivala cha Yahova Nyasaye winyu amuhezaa.

Kwidzulitsa 30:16

Niiva mulahulira malago ga Yahova Nyasaye winyu aga muheezaa lidiku lia kalunu, ku liyaanza Yahova Nyasaye winyu, ku ligenda mu zinzira zizie, kandi ku ligumira malago geege nimiima jije kandi ni likalaga lilie, maku mulava mwoyo nokomedeka kuva ihiiri ya vandu vanyingi. Yahova Nyasaye winyu alamugasiza mu kivala cha mwingira mu nokomenya mucho.

Kwidzulitsa 30:19

Inzi kalunu muheezaa litovola hagati hi livamwoyo ni likuza, hagati hu vugasu vwa Nyasaye ni kilaamo cha Nyasaye, kandi nangaa ligulu ni lirova kololekiza litovola lia mulomba. Tovoli livamwoyo kunangwa munyi harara ni visukululwi vienyu muduuki kuva mwoyo.

Kwidzulitsa 30:20

Muyanze Yahova Nyasaye winyu, mumuhuliri kandi muve avasuuvirifu kuye maku munyi harara ni visukululwi vienyu mulamenya madiku manyingi mu kivala cha yasuuviriza avaguuga vinyu, Aburahamu, Isaka na Yakobo.”

Kwidzulitsa 4:40

Muhuliri ligali malago geege goosi gamali kuhaana ku munyi kalunu, kandi goosi galava malahi ku munyi harara ni visukululwi vienyu. Mulazizagilira komenya mu kivala icha Yahova Nyasaye winyu amuhezaa kuva miandu jinyu mihiga ni mihiga.”

Kwidzulitsa 4:45

Yili nilio lilolekiza lieligali, malago kandi likalaga lia Musa yavolera avandu va Isiraeli, lwa vaatura mu kivala cha Egebeti,

Kwidzulitsa 4:8

Sihaveeye ho ni hiiri yindi, kali neveeye enene ndi, eveeye na malago ni likalaga agaveeye amalungi kuli yaga aga mali kumwigiza kalunu.

Kwidzulitsa 5:1

Musa yalanga harara avandu vosi va Isiraeli navavoolera, “Avandu va Isiraeli, muhuliri amalago goosi aga muheezaa kalunu. Mugiingi kandi mulole ndi mugalondi.

Kwidzulitsa 5:33

Mugalonde goosi kunangwa vindu viosi viduuki kuva vulahi ku munyi kandi kunangwa muzizagiliri komenya madiku manyingi mu kivala cha muzizaa kuvugura.

Kwidzulitsa 6:1

“Yaga nigo malago, ga Yahova Nyasaye winyu yandaga mwigizi. Mugalonde mu kivala cha muveeye ahimbi kwingira mu kandi kukivugula.

Kwidzulitsa 6:24

Maku Yahova Nyasaye wiitu yakulaga kuhuliri malago yaga goosi kandi kuhaane kuye luyali. Niiva kulakola ndio, alalinda zihiiri zietu kandi alakokola komeedeke mu lizizagilira imbiri vulahi kazozo.

Kwidzulitsa 7:11

Kunangwa kalunu muhuliri malago goosi aga mwigizwa. Muhuliri malago goosi aga inzi mali kumuha kalunu, nukugakola.

Kwidzulitsa 8:1

“Muhuliri amalago goosi aga mali kuhaana ku munyi kalunu, kunangwa muduuki komenya, nokomedeka kuva vanyingi, kandi muvuguli kivala cha Yahova yasuuviriza avaguuga vinyu.

Kwidzulitsa 8:11

“Muhenze vulahi kase mulivilira Yahova Nyasaye winyu; mutivilira kuhulira malago geege, agamuheezaa kalunu mba.

Kwidzulitsa 9:1

“Muhuliri, O, munyi avandu va Isiraeli! Kalunu muveeye ahimbi kwambuka Mugera gwa Jorodani, kwingira no kuvugura kivala keveeye chi zihiiri zinene kandi zie zinguru kuvita munyi. Madaala gaavo gaveeye manene kandi agumbakilwa lugaga lwa madigi matambi kuduuka mwigulu.

Joshua 3:9

Maku Joshua yavolera avandu va Isiraeli, “Hambi muhuliri amakuva ga Yahova Nyasaye winyu yenya kovora.