Kwidzulitsa 33:8 - KITABU KITAKATIFU

⁸ Yavoola ku ihiiri ya Levi: “Ivi, O, Yahova, vuula uvulariri vuvwo mu litumikira Urimu na Zumimu yooyo. Kuvitira mu vatumikiri vovo vasuuvirifu, Avalavi. Wavageriza ha Maasa kandi wavalolekiza wavanyoola kuva aviligali ha mazi ga Meriba.

Kwidzulitsa 33:8 Iomraidhean Croise

2 Kyetsinyinga 23:6

Mundu ku vosi atingira mu Litembeli nivatali Avasaalisi na vandu va Levi avaveeye ku miyinzi. Yavo vanyara kwingira kigira vaveeye avatakase, na vandu vaadi vatigaye vosi kuduuka vahuliri malago ga Yahova, na vave ichova.

Ezara 2:63

Mwamihi wa Vayuda yavavolera ndi sivanyala kulia viukulia vihaanwa ku Nyasaye mba, kuduuka lwu musaalisi alivaho ulitumikira Urimu kandi Zumimu kuva kuli kelolekizu kumanyia niiva Nyasaye alavugilira uvutumwa vwa vasaalisi.

Ezara 8:28

Ndavavolera, “Munyi muveeye avatakatifu ku Yahova, Nyasaye wa vaguuga vinyu. Viju viosi vie ifeza kandi vie zahabu viamumali koleta ku Yahova kuli kihanwa viveeye vitakatifu.

Nehemia 7:65

Mwamihi wa Vayuda yavavolera ndi sivanyala kulia kilala ku viukulia ivihaanwa ku Nyasaye kuduuka lwa musaalisi uva natumikira Urimu kandi Zumini ava niyaakanyoleka.

Zaburi 106:16

Vakendekera Musa mu changalangwe, kandi nivakendekera Haruni mutumikiri mutakatifu wa Yahova.

Zaburi 16:10

Kigira ulakinga inzi kutura kuzinguru zie likuza; inzi mali kukutumikira nu vusuuvirifu vwosi, na siulandeka kuva mukihadisi.

Zaburi 81:7

Lwa waali mu vudinyu, waanira ku inzi na ndakohonyia. Ndakutivulira lisaala liilio kutura havundu hange hukwivisa mu kihuzuzi nizinguba. Ndaakogeriza ha vidaho via Meriba.

Kutwula 17:7

Havundu hazana halangwa Maasa na Meriba, kigira avandu va Isiraeli vililira kandi vageriza Yahova lwa vateva, “Yahova aveeye nikunyi anoho mba?”

Kutwula 28:30

Uviiki Urimu na Zumimu mu Isalamba, kunangwa Haruni azigingi lwa yaza imbiri wange. Ku zing'inga kuli yizi kuduuka yiviiki kazozo isalamba, kunangwa aduuki kumanyiriza vulaliri vwange ku avandu va Isiraeli.

Kutwula 28:36

“Olombe kibale chi isahani kutura ku izahabu indahi kandi uvake kuyo eve, kuli muhuri, ‘Iviikiywi halovega kulwu vutumiki vwa Yahova.’

Kyavalevi 21:7

Umusaalisi sialeta mukali muheyi mba, anoho mukali utaveeye mugima anoho wu msaaza yakunga mba; kigira musaalisi oyo aveeye umutakatifu.

Kyavalevi 8:8

Kandi yamuvika isalamba yu mukiritu, kandi naviiki Urimu na Zumimu mu Isalamba yu mukiritu zana.

Malaki 2:6

Vigiza gaali amalungi, na vuzwa si vigiza gaali madamanu mba. Vamenya mu lihulirizana kandi mu mirembe na inzi. Si vaakora vuzwa gaali malungi kuvo vene mba, navuzwa vakonya kandi vandu vandi avanyingi vavuli kokora vudamanu.

Livalidza 16:5

kandi yavolera Kora harara nu muganda gwigwe gwosi ndi, “Lidiku lia mugamba, Yahova alamanyia mundu oveeye weve; kandi oveeye mutakatifu, wayatovola, na alamukola yisundi ahimbi naye ku vwali.

Livalidza 20:13

Yaga gekolekela ha Meriba ha vandu va Isiraeli vigaana kigira Yahova kandi hayavamanyila ndi aveeye mutakatifu.

Livalidza 20:24

“Haruni sialazia kwingira mu kivala cha ndalaga vandu va Isiraeli mba; azizaa kukuza kigira munyi vombi mwibaara ku malago gange ha Meriba.

Livalidza 27:21

Alasingira imbiri wu musaalisi Elieza, uwaza atumikiri Urimu na Zurimu kuhaana likalaga liange. Kulilaga lilie, oyo harara na vandu vosi va Isiraeli valatura kuzia kandi kwirana.”

Livalidza 35:8

Madaala gamuhaana ku vandu va Levi kutura mu kivala cha vandu va Isiraeli vaavugura, gahaanwi kolondekana nu vunyingi vwi miandu ja vuli ihiiri. Muvuguli madaala manyingi kutura ku ihiiri eveeye na madaala manyingi, navuzwa muvuguli madaala makekeeke kutura ku ihiiri eveeye nago makekeeke.”

Kwidzulitsa 6:16

“Mutagelizi Yahova Nyasaye winyu, kuli mwamugelizira ha Maasa mba.

Kwidzulitsa 8:16

Muchangalangwe, yauha imaana mulie, ichukulia cha avaguuga vinyu vavura kulia ku kali hakuzu. Yaleeta uvudinyu ku munyi aduuki kumukola mwegehizi kandi kumugeriza, kunangwa mu limalirika aduuki kumugaasiza nivindu vilahi.

Kwidzulitsa 9:22

“Munyi kandi mwavihiliriza Yahova Nyasaye winyu lwa mwaali ha Tabera kandi ha Maasa kandi ha Kibirozi Hatava.

Vahebraina 7:26

Yeso niyie Musaalisi Munene ukuduukaa mu lienya lietu. Aveeye mutakatifu; utaveeye nuvudamanu, anoho vwoni muye; utaveeye nimbala mba, umali kwahulwa kutura ku voni, kandi wanenehizwa igulu ligali.

Likunula 3:7

“Ng'odera engelosi wi likanisa liveeye Filadefia: “Yaga nigo amakuva ga uyu oveeye umutakatifu, nu wi ligali. Aveeye nu lufungu lwali lwa Daudi, kandi cha oyo amali kwigura sihaveeye ho nunyala kuhana mba, gwa mali kuhana sihaveeye ho nu unyala kwigura mba.

1 Samweli 28:6

Yateeva Yahova cha anyala kokora. Navuzwa Yahova siyaamutivulira kali hakuzu, ku maloto kinga ku litumikira Urimu na Zumimu anoho ku avaporofeti mba.