Kwidzulitsa 33:28 - KITABU KITAKATIFU

²⁸ Kunangwa visukululwi via Yakobo viamenya mu mirembe vilava nu vweremerizi mu kivala ichizula uvuswage ni iwaini, lime kutura muvwerefu liletaa amazi ku lirova!

Kwidzulitsa 33:28 Iomraidhean Croise

Litanga 27:28

Nyasaye ayaanze ahaane ku ivi imbura kutura mu ligulu, kokora mulimi gugwo kuva munolu! Ahaane liama linyingi liu vuswage kandi makuyu manyingi iwaini.

Litanga 27:37

Isaka yativulira Esau, “Inzi mali kumukola ave munene ku ivi, kandi mali kokora aviiko veve vosi kuva avatugwa kuye. Mali kumuha uvuswage kandi iwaini. Kalunu simbeeye ni kindu kindi chanyala kokokolera mba!”

Litanga 27:39

“Vomenyo vuvwo vulava ihale kutura mu lirova linolu, kandi si ulanyora imbura kutura mu ligulu mba.

1 Avami 5:5

Yahova yasuuviriza baba wange Daudi ndi, ‘Muyaayi woovo, wa ndikola mwami inyima woovo, alakanyumbakiri Litembeli!’ Kunangwa mali (koto-vola) kwumbako Litembeli yilio liu kusiganiraumu Yahova Nyasaye wange

Zaburi 68:26

Nyasaye yizominywi mu livugana linene lia vandu veve. Mwizominyi Yahova, O, munyi kisukururwi cha Yakobo!”

Kutwula 33:16

Ganyala kumanyikana ndi ivi uyanziziywi na avandu vovo kandi ninzi, niiva siulazia nikunyi? Lizia liilio harara nikunyi, lilamanyia liavukanyia hagati hiitu na avandu vandi vosi avaveeye mu lirova.”

Tsing'ano 19:12

Vutima vwu mwami voveeye kuli lifuuma lie isimba, navuzwa liyaanza lilie liveeye kuli liza lie imbura.

Tsing'ano 3:20

Vogeri vwivwe vwakola migera nigigenda kandi malesi nigaleeta imbura ku kivala.

Isaya 48:1

Munyi avandu va Isiraeli, avaveeye visukululwi kutura Ivuyuda, muhuliri yaga. Mwisuuha ku lieta lia Yahova kandi ni muvooraa ni minwa jinyu ndi, mulasigamira Nyasaye wa vandu va Isiraeli, navuzwa simwavoola agiligali mba.

Jeremia 23:6

Lwaveeye mwami, avandu vi Ivuyuda navahone, kandi avandu va Isiraeli navamenye mumirembe. Kunangwa navamuguliki ‘Yahova muhonyi wiitu.’ ”

Jeremia 33:16

Avandu vi Ivuyuda na Jerusalemi valahonywa kandi valamenya mu mirembe. Lidaala linene yili lilangwa ‘Yahova Muhonyi Wiitu.’

Jeremia 49:31

‘Hambi! Kunyi kulingilira avandu vaganagana vaveeye mu mirembe kandi mulikingwa! Lidaala liavo si liveeye ni virivwa anoho makafuri mba, kandi liveeye ligali vugira vulindi.’

Ezekieli 34:25

Ndakalombe lilagana liange navo liu kuvasuuviriza mirembe. Ndakatulizi mu kivala zinyama ziosi ziu vuhimwa, kunangwa magondi gange galamenya mu milimi kandi kogona mu militu mu mirembe.

Zekaria 14:11

Avandu valakamenye wene yeyo mu lielemeriza, sivalakatihizwi kandi ni lidivizwa mba.

Zekaria 8:12

Valakatage vitagwa viavo mu mirembe, mizabibu jaavo jilakame makuyu, kivala kilakave ni vitagwa kandi imbura ilakakubi inyingi. Ndakahaane vugasu yivu ku vandu avikivala change valiva nivahononoki.

Livalidza 23:9

Nyara kuvalola kutura kondongozi yi kiguru; nyara kuvahenzeriza kutura ku vigulu. Vaveeye ihiiri emenyi yeng'ine vamanyi ndi na vandu vagasizwa kuvita zihiiri zindi.

Kwidzulitsa 11:11

Navuzwa kivala cha muveeye ahimbi kwingira mu keveeye chivigulu namavoona, kivala kenyoolaa amazi gimbula.

Kwidzulitsa 12:10

Lwa mwambuka mugera gwa Jorodani, Yahova Nyasaye winyu alaleka muvuguli kivala zana kuva miandu kandi mulamenya yo. Alamukinga kutura ku vasigu vinyu vosi na mulamenya mu ni mirembe.

Kwidzulitsa 32:2

Amigizu gange galakuba kuli zingelegeliza ziembula kandi limoloma liange litonyatonye ku lirova kuli lime, Makuva gange galaaza kuli lunyilira ku vitagwa vidoto, kuli ulunyilira ku uvunyasi vodotodoto.

Kwidzulitsa 32:8

Oveeye Igulu Ligali kuvita yahaana zihiiri milimi jaavo. Yavukanyia avandu vosi, yavavikira zinzako ziavo kolondekana nilivaliza lia avandu va Isiraeli.

Kwidzulitsa 33:12

Musa yavoola ku ihiiri ya Benjamini; “Yiyi ni ihiiri ya Yahova ayaanza kandi akingaa; Avalindaa mbasu gwosi, Kandi amenyaa hagati haavo.”

Kwidzulitsa 33:13

Yavoola ku ihiiri ya Josefu: “Yahova agaasizi kivala chavo niimbura Kandi na mazi gaturaa isi wi lirova.

Likunula 21:27

Kindu choosi kitaveeye kinifu kandi kitaveeye kesereze, anoho umundu okolaa ivindu vie voheyi kandi vovehi, sivalingira mu lidaala linene zana. Navuzwa yava avang'odwa mu kitabu chi livamwoyo chu Mwana wi Ligondi, nivo avalingira mu veng'ine.