Kwidzulitsa 33:27 - KITABU KITAKATIFU

²⁷ Nyasaye aveeza likingwa lienyu kazozo. Amakono geege gimihiga ni mihiga gaveeye vokonyi vwenyu. Yakunga avasigu vinyu lwa mwavingilira, kandi namuvolera muvadivizi vosi.

Kwidzulitsa 33:27 Iomraidhean Croise

Litanga 49:24

Navuzwa vuta vwivwe vwayetegeka, kandi zinguru zia Nyasaye Wuvunyali wa Isiraeli, kuvitira mumwayi kandi mukingi wa vandu va Isiraeli, zilomba makono geege kuva ni zinguru.

Zaburi 102:24

O, Nyasaye wange, utaambugula kalunu ningikiri kusakula mba. O, Yahova ivi uhindiraa mihiga ni mihiga.

Zaburi 139:5

Ivi ungumbirizi ku zimbega ziosi, ivi ukingaa inzi nizinguru zizio.

Zaburi 18:2

Yahova aveeye mukingi wange, aveeye imbinga yange yizingulu. Nyasaye wange aveeye chu kwivisamu change; aveeye inguva yange, kandi aveeye zinguru zio vohonyi vwange nu munara gwange.

Zaburi 27:5

Mu ing'inga yi kivi alakinga inzi. Yahova alambiika vulahi mu litembeli lilie. Nokongola singiri vudinyu igulu kulwanda.

Zaburi 36:7

O, Nyasaye, vuyanzi vuvwo vutaveeye nekeheri voveeye vulahi ligali, ukingaa mu likingwa liilio, kuli engoko ikingaa viminyu mu zimbaha ziayo.

Zaburi 46:1

Nyasaye aveeye likingwa lietu, kandi zinguru zietu; aveeye mwetegeku kazozo kokonya mu zing'inga ziu vudinyu.

Zaburi 46:11

Yahova Wuvunyali aveeye harara ni kunyi. Nyasaye wa Yakobo aveeye uvuhaliru vwitu.

Zaburi 46:7

Yahova Wuvunyali aveeye harara ni kunyi. Nyasaye wa Yakobo aveeye uvuhaliru vwitu.

Zaburi 48:3

Nyasaye alindaa zimbinga zizie; umali kwimanyia ndi aveeye mukingi wukusuuvirwa mugati mwizimbinga zie lidaala linene.

Zaburi 55:19

Nyasaye uwamiha mihiga ni mihiga, alahulira lianira liange kandi alavaguuta, kigira vavura kugirung'ana, kandi si venya kumutia.

Zaburi 68:34

Mulandizi ndi Nyasaye aveeye wizingulu ligali; uvukumi vwivwe ku Isiraeli. Uvwerefu vumanyia zinguru zizie.

Zaburi 71:3

Ove kuli lwanda lwu vuhaliru vwange. Ove imbinga yange yizingulu yokombonyia ivi oveeye lwanda lwange kandi imbinga yange.

Zaburi 91:15

Lwa vanira ku inzi, ndavativulira; ndava harara navo lwa vaveeye mu vudinyu. Ndavasoola nukuvaha luyali.

Zaburi 91:9

Ivi umali kokora Yahova kuva uvuhaliru vuvwo, okoli Nyasaye oveeye igulu ligali kuva likingwa liilio;

Kutwula 23:28

Ndakora avasigu vinyu vave nuvuti kandi lidegera kigira amahalamba. Ndakunga vandu va Hivi, na Hiti, vatuli imbiri winyu.

Kutwula 34:11

Mulonde amalago ga inzi muheezaa lidiku lia kalunu. Ndakunga vandu va Mori, Kanaani, Hiti, Perezi, na Jebusi vatuli imbiri winyu lwa mwisuunda kuvingilira.

Tsing'ano 10:25

Avandu vachamu valahirwa ihale lwi kiihi kiiza, navuzwa vandu vaveeye vasuuvirifu vakingwa ing'inga yoosi.

Tsing'ano 18:10

Yahova aveeye kuli munara gwizingulu gwumulungi yirukira mu anyoore vohonyi.

Lwimbu lwa Solomoni 2:6

Mukono gwigwe mumosi goveeye isi wumutwi gwange, kandi yangumberera numukono gwigwe mulungi.

Isaya 25:4

Avadaka navatiinyalizaa virukiyi ku ivi na vahoni mu zing'inga ziuvudinyu. Uvahezaa likingwa kutura kumbula yi imbuza enene kandi ichiriri kutura ku vuhiu vwi liuva. Avandu valulu vatulira kuli imbuza enene yu vukindu,

Isaya 26:4

Musuuviri mu Yahova mihiga ni mihiga kigira alakukinga kazozo.

Isaya 32:2

Vuli mulala kuvo alakave kuli chukwikinga kutura kumbuuza kandi havundu hu kwivisa kutura kumbula yikiihi. Valakave kuli migera ja mazi jiturukaa kutura mu changarangwi, kandi kuli chiriri chu lwanda lonene mu kivala kitaveeye ni liama.

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Isaya 9:6

Mwana wivuliiywi ku kunyi! Koheveeywe mwana muyaayi! Naye alakave mwamihi wiitu. Alalaangwa, “Wokogenyia, umwideeri,” “Nyasaye Wuvunyali,” “Baba wimihiga ni mihiga,” “Mwami wi mirembe.”

Jeremia 10:10

Navuzwa ivi, Yahova, oveeye Nyasaye wagiligali, oveeye Nyasaye oveeye mwoyo kandi umwami uhindiraa mihiga ni mihiga. Lirova lidegera lwa oveeye nu vutima; izihiiri sizinyala kwikuzira ku vutima vuvwo mba.

Jeremia 50:21

Yahova avoora, “Wingilira avandu va Merazaimu na Pekodi. Uviti kandi uvadivizi. Okole goosi agangulagaa. Inzi Yahova mali kovora.

Hosea 11:3

Kali niiva wigiza vandu va Isiraeli kogenda. Ndaavavika mu makono gange, navuzwa si vamanyiriza ndi ni inzi wavahonyia mba.

Mika 5:1

Munyi avandu va Jerusalemi, vungizi amahi ginyu! Kukumbiriziywi niliihi linene na vingilira nukukuya umwimiliri wa Isiraeli ku lusaya.

Mika 5:2

Yahova avoora, “Ivi Bezelehemu Efurate, oveeye mulala ku madaala makekeeke mu Ivuyuda, navuzwa kutura ku ivi, alaza mu Isiraeli mwamihi, uwa avinyumba yeeye vaali ho kutura zing'inga zia kale.”

Habakuk 1:12

Yahova, ivi oveeye Nyasaye kutura mu litanga. Oveeye Nyasaye wange mutakatifu kandi wi mihiga ni mihiga. Oveeye Yahova Nyasaye wange kandi mukingi wange; ivi umali kotovola vandu va Babiloni kandi uvaheeye zinguru vaduuki kuhaana mageri ku kunye.

Luka 13:34

“O, vayaye munyi avandu va Jerusalemi! Ivi Jerusalemi, wita avaporofeti, nulasa amagina avatumwa va Nyasaye atumaa ku ivi! Ndayeenyaa kuvungiza harara avana vovo kuli engoko ivungizaa viminyu viayo muzimbaha ziayo haali kanga, navuzwa munyi simwa mbugilira!

Varumi 16:20

Nyasaye wi mirembe sialalindagilira kusionolanyia Setani isi wi virenge vienyu mba. Zimbavasi ziu Mwami wiitu Yeso Kristo zive ni munyi.

Varumi 8:2

kigira Lilaga lia Roho, oleetelaa kunyi livamwoyo mu lihambanywa harara mu Kristo Yeso, limali komboholola kutura mu Lilaga liu vwoni kandi lie likuza.

Kwidzulitsa 7:2

Lwa yahova Nyasaye winyu aguutaa zihiiri yizi, kuduuka mu viiti vosi ligali. Mutahambani navo anoho kuvaveera zimbavasi mba.

Vafilipi 3:9

Kandi nduuki kuhambanywa naye ligali. Inzi simbeeye nu vulungi vwange umwene, yivwo ovonyoleka ku lilonda Lilaga. Inzi kalunu mbeeye nu vulungi uvuhaanwa kuvitira mu lisuuvira mu Kristo. Uvulungi vuturaa ku Nyasaye kandi uvweledaa ku lisuuvira.

Vahebraina 9:14

Kigira yaga gaveeye agiligali masahi ga Kristo galakola miyinzi minene ligali. Kuvitira mu Roho wi mihiga ni mihiga, yihaana mwene kuli kihanwa kiduukiru ku Nyasaye. Amasahi geege galakatakase zing'anagani ziu mu mioyo jietu kutura ku miima jitaduukanaa kunangwa kuduuki kutumikira Nyasaye oveeye mwoyo.

Joshua 24:18

Lwa kwazia kutura havundu harara hikivala yiki kuduuka ahandi, Yahova yakunga vandu va Amori avamenyaa hano. Kunangwa, kunyi kandi kulatumikira Yahova; oyo yeng'ine aveeye Nyasaye wiitu.”

1 Petro 1:5

Vugasu yivu voveeye ku munyi, avakingwa ni zinguru zia Nyasaye kuvitira mu lisuuvira kigira vohonyi vwetekekiziywi kololekizwa mu ing'inga ye keheri.

Yudasi 1:24

Kalunu uyu, unyala kulinda munyi muvuli kugwa, nu kumusingiriza imbiri wu vukumi vwivwe vugira imbara mu uvusangari ovonene,

Likunula 20:10

Maku Lidemoni, iliavagaadaa yilio, liasuuvwa mu inyanza yu muliru ni kibiriti, hiking'ang'a, harara numuporofeti wo vovehi ha vaali nivaasiuvwa; kandi navo valadambizwa ligali mbasu nu uvudiku mihiga ni mihiga.

1 Samweli 15:29

Nyasaye Wuvunyali, wa Isiraeli siaveehaa kandi siagirunganyia zing'anagani zizie mba. Siaveeye mundu kandi sianyala kugirung'anyia zing'anagani zizie mba.”