Kwidzulitsa 33:1 - KITABU KITAKATIFU

¹ Yivu nivwo uvugasu vwa Musa, mundu wa Nyasaye, yagaasizira avandu va Isiraeli nakikiri kukuza.

Kwidzulitsa 33:1 Iomraidhean Croise

Litanga 27:4

Ondekele chukulia kilahi ligali cha inzi nyanza, ma ondetere nduuki kulia; kunangwa ngugaasizi ni ngikiri kukuza.”

Litanga 49:1

Yakobo yalanga vayaayi veve navavoolera, “Hambi harara na ndamuvolera chaza chekoleke ku munyi mu madiku ga hambiri:

Litanga 49:28

Yizi ziosi ni zihiiri 12 zia vandu va Isiraeli. Yaga nigo amakuva ga baba wavo yavoola kuvo lwa yavagasiza. Yavagasiza mulala sa mulala nu vugasu vuduukana naye.

1 Avami 13:1

Ku lilaga lia Yahova, muporofeti kutura Ivuyuda yazia Bezeli, ma naduuka yo ing'inga ya Jeroboamu yaali nasingiyi ha vwali kuhaana kihanwa.

1 Avami 13:6

Mwami Jeroboamu yavolera muporofeti, “Mwaza salira ku Yahova Nyasaye woovo, na umuteeve ahonyie mukono gwange!” Muporofeti zana yasaala ku Yahova, nu mukono gwu mwami gwahonywa.

1 Kyetsinyinga 23:14

Navuzwa avayaayi va Musa, mundu wa Nyasaye, vaavalizwa hagati ha avandu vi ihiiri ya Levi.

2 Kyetsinyinga 8:14

Kolondekana na malago ga baba weve Daudi yaali na viiki ho, Solomoni yalohiza miyinzi ja vuli lidiku ja Avasaalisi, vandu va Levi avakonyana na avasaalisi mu liimba zinyimbu kandi no kokora zigasi ziavo. Kandi yalohiza avasikari vi Litembeli mu vika kokora miyinzi jiavo jia vuli lidiku ha vuli kirivwa, kolondekana na amalago ga Daudi, mutumikiri wa Nyasaye.

Zaburi 90:1

O, Yahova, ivi oveeye vomenyo vwitu mu makura goosi.

Jeremia 35:4

nimbaleeta mu Litembeli. Ndaavahila mu keng'oze cha aviigi avumuporofeti Hanani mwana wa Igidalia. Keng'oze yicho chaali igulu ku keng'oze cha Maaseia mwana wa Shalumu munene wikivuni mu Litembeli himbi kuving'oze via vanene vandi.

Yohana 14:27

“Mirembe nijo ja inzi mulekeraa. Mirembe jange inzi mwene muheezaa. Simuhezaa kuli avumukivala vahaana mba. Mutahenda mioyo jinyu anoho kuhayahaya, kandi mutava nuvuti mba.

Yohana 16:33

Mali kovora yaga kunangwa munyi muduuki kuva ni mirembe ku lihambanywa ninzi. Mu kivala mulanyola lidambizwa; navuzwa muleme mwoyo! Inzi mali kuguuta kivala!”

Joshua 14:6

Lidiku lilala avandu valala kutura mu ihiiri ya Yuda vaza ku Joshua ha Giligali. Mulala kuvo, yaali Kalebu muyaayi wa Jefune umukenizi. Yamuvolera, “Umanya aga Yahova yavolera Musa lwa kwaali nikukikiri mu Kadeshi Barinea kigira ivi ninzi ku Musa, mundu wa Nyasaye.

2 Petro 1:21

Voporofeti si vwaza ku vulaliri vwu mundu, navuzwa avandu vanyoola Roho Mutakatifu lwa vamoloma amakuva gaturaa ku Nyasaye.

Vakalagi 13:6

Maku umukali uyu yazia navolera umusaza weve, “Umundu wa Nyasaye yaazi kuinzi, na yaali wukutihiza ligali, naaloleka kuli engelosi wa Nyasaye. Inzi simuteevi watuli mba, naye siamboleye ilieta lilie mba.

1 Samweli 2:27

Muporofeti yaza ku Eli na makuva yaga kutura ku Yahova: “Lwa guuga woovo Haruni na vinyumba yeeye vaali avatugwa vu Mwami wa Egebeti, Ndiivuura inzi mwene ku Haruni.