Kwidzulitsa 32:7 - KITABU KITAKATIFU

⁷ “Muganagane ku agaavita, agizing'inga zia kale ligali, muganagane mihiga ja makura manyingi muteeve avababa vinyu vamuvolere ageekoleka. muteeve avasaakulu vinyu vamuvolere gi zing'inga zia kale.

Kwidzulitsa 32:7 Iomraidhean Croise

Zaburi 10:6

Avoora mu mwoyo gwigwe, “Sinyala kusuundwa mba sindava mu vudinyu mihiga ni mihiga mba.”

Zaburi 119:52

O, Yahova, nzizulizaa malago googo ga kale, kandi nyooraa lileminywa mwoyo ligali.

Zaburi 44:1

O, Nyasaye, kunyi kwa huliriza ligali na amatu giitu kutura ku avaguuga viitu, amakuva gi vindu viokogenyia viawakola mu ing'inga yaavo ya kale.

Zaburi 44:2

Wakunga zihiiri ni zinguru ziu mukono gugwo. Maku wavika avandu vovo mu kivala chavo; kandi wahaana amageri ku zihiiri zindi kandi wahaana ku vandu vovo linyola lie miandu minyingi.

Zaburi 77:8

Uvuyanzi vwivwe vutaveeye nekeheri kukunyi vumali kohera? Lisuuviriza lilie ku kunyi liheraa mihiga ni mihiga?

Zaburi 78:5

Yahaana malago ku vandu va Isiraeli kandi Lilaga ku visukululwi via Yakobo. Yalaga avaguuga viitu vigizi avana vaavo amalago geege;

Kutwula 12:26

Lwa avana vinyu valimuteeva ndi, ‘Muruka yigu govoora ki?’

Kutwula 13:14

Mu zing'inga ziza, lwu muyaayi wowo alikoteeva icha makuva yaga gavoora, ulamutivulira ndi, ‘Yahova yatumikira zinguru zizie zinene kukutuliza mu kivala cha Egebeti, havundu ha kwaali avatugwa.

Isaya 46:9

Mwizurizi vindu viakoleka mu madiku ga kale, muduuki kumanya ndi inzi wengine mbeeye Nyasaye, kandi siaveeye ho nu munyasaye wundi kuli inzi mba.

Isaya 63:11

Maku avandu veve vizuliza madiku ga kale, madiku ga musa mutumikiri weve. Vateva, “Yahova aveeye haliha kalunu, aviimiliri va vandu veve kutura mu inyanza nzakanyu? Aveeye haliha uyu uwavika Roho weve Mutakatifu hagati haavo,

Kwidzulitsa 4:32

“Mwenyelerizi amakuva ga madiku gaavita kale, ing'inga ya mwali nimukikiri kwivulwa, kutura ing'inga ya Nyasaye yalomba mundu ku lirova. Yenyelerizi ku lirova liosi. Inguuva enene kuli yiyi yayekoleka ku maziambiri? Mundu woosi, yahulira ku inguuva yu lugano yilu?

Kwidzulitsa 8:2

Mwizurizi kuli Yahova Nyasaye winyu yamwimilira kologendo lutambi kuvitira mu changalangwe ku mihiga arubaini jimali kuvita, namuleetera uvudinyu vwosi no kumugeriza, kunangwa aduuki kumanya agaveeye mu mioyo jinyu, kandi niiva mulahulira malago geege.

Vakalagi 6:13

“Navuzwa umwami,” Gidioni yativura, “Niiva Yahova aveeye harara ni kunyi, kigira ki yaga goosi gaakoleki ku kunyi? Iviokogenyia zana viveeye hai ivia vaguuga viitu vaakovolera ulwavavoora: ‘Yahova siyakutuliza Egebeti? Navuzwa kalunu Yahova umali kukwivilira, ma okoleki mu makono ga vandu va Midiani.’ ”