Kwidzulitsa 32:6 - KITABU KITAKATIFU

⁶ Ni ndi munyala kokolera Yahova munyi avandu vasiru kandi vataveeye novogeri! Aveeye Baba winyu, mulombi winyu yalomba munyi muve ihiiri.

Kwidzulitsa 32:6 Iomraidhean Croise

2 Samweli 7:24

Umali kokora Isiraeli kuva avandu vovo ivi mwene mihiga ni mihiga; kandi ivi Yahova, umali kuva Nyasaye wavo.

Ayubu 10:8

Makono googo gaanoomba kandi ganoonga; kandi kalunu umali kungirung'ana nukundiviza.

Zaburi 100:3

Mumanye ndi Yahova aveeye Nyasaye. Yalomba kunyi na kunyi koveeye aveeve. Koveeye avandu veve kandi koveeye chayo cha magondi geege.

Zaburi 116:12

Nyara kuhaana ki ku Yahova, kigira uvulahi vwivwe vwosi ku inzi?

Zaburi 149:2

Musangare O, Isiraeli kigira uyu wamulomba. Musangare munyi avandu va Ziyoni kigira mwami winyu!

Zaburi 74:18

Navuzwa, O, Yahova, wizulizi ndi avasigu vovo vakosekerizaa, avandu vasiru vaanyegi lieta liilio.

Zaburi 74:2

Wizulizi avandu vovo va watovola kutura kale ava ivi watuliza mu vuhambe, kuva mwangu gugwo! Wizulizi kiguru cha Ziyoni aha wamenyaa.

Zaburi 95:6

Hambi, gendi kumwinamiri kandi kumusigamiri; gendi kusigame imbiri wa Yahova mulombi wiitu.

Kutwula 15:16

Litihiza nu vuti vonene viduuki kuvo. Valora zinguru zizio, O, Yahova, kandi vaasingiyi no vodedekere kandi nuvuti kuduuka lwa avandu vovo vaambuka, avandu vawavoholola kutura mu vutugwa.

Kutwula 4:22

Maku ulamuvoolera ligali ndi, Inzi, Yahova mboraa, ‘Isiraeli aveeye muyaayi wange wukutanga.

Isaya 1:2

Yahova yavoola, “O, munyi lirova ni ligulu, muhuliri cha mboraa! Avana va ndaavirukiza vamali kwibaala ku inzi.

Isaya 27:11

Zisia zie misaala ziayuma kandi ziavunika na avakali vazitenyaa kuli iziingu. Kigira avandu si vamanyi kindu mba, Nyasaye mulombi wavo sialavavera zimbavasi mba.

Isaya 43:1

Yahova uwalomba munyi avoora, “Mutatia mba; kigira inzi ndamuhonyia. Inzi mali kumulanga ni lieta, na munyi muveeye avandu vange Isiraeli.

Isaya 43:7

Vaveeye avandu vange, ndaavalomba vaduuki koleta uvukumi ku inzi.”

Isaya 44:2

Inze ni Yahova wamulomba; ndaamukonya kutura ing'inga ya mwivulwa. Utatia mba; Ivi oveeye mutumikiri wange, avandu vange vatovole ava inzi nyanza.

Isaya 63:16

Ivi oveeye baba wiitu. Avaguuga viitu, Aburahamu na Yakobo, sivavugilira kunyi mba, navuzwa ivi, Yahova, oveeye baba wiitu kandi muhonyi wiitu, kutura kale.

Isaya 64:8

Yahova, ivi oveeye baba wiitu. Kunyi koveeye kuli ovodohi, na ivi oveeye kuli umulongi. Ivi wakolomba.

Jeremia 4:22

Yahova avoora, “Avandu vange vaveeye avasiru; sivamanyi mba. Vaveeye kuli avana vayingu; sivaveeye nilimanyiriza mba. Vaveeye avasiza mulikola uvudamanu, navuzwa sivamanyiriza kokora uvulahi mba.”

Jeremia 5:21

Muhuliri, munyi avandu vasiru kandi avataveeye ni limanya. Muveeye ni zimoni, navuzwa si munyala kolola mba. Muveeye na matuyi, navuzwa si munyala kuhulira mba.

Hosea 13:13

Munyi muveeye mu vuzunu kuli vwu mukali ulumwaa. Navuzwa mwana uyu aveeye vugira limanyiriza; lwa ing'inga iduuka yu kwivulwa mwana uyu si yenya kutura munda mwa mama weve mba.

Malaki 1:6

Yahova Wuvunyali avooreraa avasaalisi, “Muyaayi ahaanaa luyali ku baba weve, kandi mutumikiri ahaanaa luyali ku munene veve. Inzi mbeeye baba winyu, kigira ki muvura kuhaana luyali ku inzi? Munyi munjayaa, navuzwa muteeva, ‘Kunyi kukuchayaa ndi?’

Yohana 8:41

Munyi mukoraa aga avaguuga vinyu vaakora.” Navo vamuvolera, “Kunyi sikoveeye avana vindasimba mba! Koveeye na Baba mulala, naye ni Nyasaye.”

Vikolwa 20:28

Mwilindi aveene; kandi mulindi chayo choosi cha Roho Mutakatifu yavika munyi kuva avahenzi vacho. Muve avayi vi likanisa lia Nyasaye lia yenyolera kuvitira mu masahi gu Mwana weve.

Varumi 8:15

Roho wa Nyasaye umali kuhona ku munyi siamukolaa vatugwa kandi kumukola muve nuvuti mba. Mu vogono yivwo, Roho amukolaa muve avana va Nyasaye; na kuzinguru zia Roho uyu, kwanira ku Nyasaye, “Abba, Baba” iliveeye kovora, Baba! Baba wange!

1 Vakorintho 6:20

Yaagula ivi nu vuguli vonene. Kulwayago, mutumikiri miviri jinyu kulwu vukumi vwa Nyasaye.

Vagalatia 3:26

Munyi vosi muveeye avana va Nyasaye kuvitira mu lisuuvira mu lihambanywa na Kristo Yeso.

Vagalatia 4:6

Kumanyia ndi muveeye avana veve, Nyasaye yatuma Roho wu Mwana weve mu mioyo jietu, Roho uliraa ndi, “Abba,” liveeye kovora Baba!

Kwidzulitsa 1:31

kandi muchangalangwe. Mwalora kuli yamuleta vulahi mumirembe kologendo yilwo lwosi kuduuka havundu hano; kuli baba anyala kuginga muyaayi weve.

Kwidzulitsa 14:1

“Munyi muveeye avandu va Yahova Nyasaye winyu. Kunangwa lwa musiomeraa avakuzu, mutisalaga miviri jinyu aveene anoho kovega amasu imbiri wi mitwi jinyu kuli avandu vandi vakora mba.

Kwidzulitsa 32:15

“Avandu va Yahova vaagwa avatugi, navuzwa avibaali. Vakomera kandi vaali ni viukulia vinyingi. Valeka Nyasaye wavo uwavalomba, kandi nivasuula muhonyi wavo wi zinguru.

Kwidzulitsa 32:18

Vivilira Nyasaye wavo, muhonyi wi zinguru wavo. Uwavaha livamwoyo.

Kwidzulitsa 32:28

“Isiraeli vaveeye ihiiri itaveeye niziganagani kandi sivaveeye novogeri kali hakuzu mba.

2 Petro 2:1

Kuli vaporofeti vu vugadi vanyooleka hagati ha vandu mu madiku yago, kandi munzira ndala nzere avigizi vu vugadi valanyooleka mumunyi. Valaleta mu vuvisi amigizu go vovehi kandi gukudiviza na valambakana Umwami wavahonyia, na ndio valeletera aveene lidiviza lia vwangu.

1 Yohana 3:1

Heenzi vuyanzi vwa Baba amali kuhaana kunangwa kuduuki kulangwa avana va Nyasaye! Nindio koveeye. Yiki nicho kivuni kigira vandu vumukivala nivavula kukumanya; kigira sivamanya Nyasaye mba.