Kwidzulitsa 32:41 - KITABU KITAKATIFU

⁴¹ ndi ndahiagala kivavi change kehemahemaa, nokolola ndi uvulungi vokoleywe. Ndavanza kisaalia ku avasigu vange. Kandi mbane amageri ku yavo avandunyira.

Kwidzulitsa 32:41 Iomraidhean Croise

Zaburi 149:9

ukuhaana mageri ku zihiiri zindi kuli Nyasaye amali kulaga. Yili nilio liguuta lia vandu va Nyasaye. Mwizominye Yahova!

Zaburi 31:23

Muyanze Yahova, munyi avatakatifu mwosi; Yahova akingaa avasuuvirifu veve, navuzwa ahaanaa amageri ku yavo avigingiri kuli gavadukiraa.

Zaburi 7:12

Niiva sivalagirung'anyia zinzira ziavo zindamanu, Nyasaye alahiagala kivavi chiche. Amali kunyiira uvuta vwivwe vwetegeki kulasa.

Zaburi 7:13

Avugulaa viugi vivie vielikuza nukwetegekiza mivano juvuta vwivwe ijiveeye kuli lomemo lwumuliru.

Kutwula 20:5

Mutinamiri nukusigamira kifananyi choosi mba, kigira Inzi mbeeye Yahova Nyasaye winyu kandi simbugilira avanyasaye vandi mba. Mbana amageri ku yavo avandunyira kandi ku visukululwi viavo kuduuka ku likula lia kavaga kuduuka ni lia kane.

Isaya 1:24

Kunangwa kalunu, muhuliri aga Yahova Wuvunyali, Nyasaye Wizingulu wa Isiraeli, avoora: “Ndavanza kisaalia ku munyi, avasigu vange, na simulangubiza kivi kandi mba.

Isaya 27:1

Lidiku yilio Yahova alakatumikiri kivavi chiche chugi chi zinguru kandi chukwita kuhaana mageri ku Leviazani, goyoka gwisiitasiitaa, ooveeye gunyama gonene gwukutihiza gomenyaa munyanza.

Isaya 59:18

Alahaana mageri ku vasigu veve kolondekana ku agavamali kokora. Yee, uvutima vwivwe ni livaanza kisaalia chiche viladuuka ku vasigu veve. Alahaana mageri kali ku yavo avamenyaa muvivala vie ihale.

Isaya 66:16

Yahova alaleeta likalaga lilie liu muliru kandi alahaana amageri gi kivavi ku vandu vosi. Yavo ava Yahova aliita valava vanyingi.

Isaya 66:6

Muhulirizi! Liyoga lie kivihiri kutura mu lidaala linene, huliri mwoyo yigwo kutura mu Litembeli, goveeye mwoyo gwa Yahova nahaana mageri ku avasigu veve!

Jeremia 44:26

Navuzwa kalunu muhulirize ku liesuha lia Inzi Yahova mali kolomba mu vunyali vwi lieta liange ku munyi avandu va Isiraeli vosi avamenyi mukivala cha Egebeti: Si ndaleka kandi mulala ku munyi atumikiri lieta liange kolomba iliesuuha nokovoora, ‘Inzi nzisuha ku lieta lia Yahova, Nyasaye, oveeye mwoyo!’

Jeremia 50:18

Kigira yaga, Inzi, Yahova Wuvunyali, Nyasaye wa avandu va Isiraeli ndahaana mageri ku mwami Nebukadineza nikivala chiche, kuli ndahaana mageri ku mwami wa Asiria.

Jeremia 50:28

Avahaali virukanga kutura Babiloni kuzia Jerusalemi, ma vavoola kuli Yahova Nyasaye wiitu yaavanza kisaalia ku aga vandu va Babiloni vaali nivakoli ku Litembeli.

Jeremia 50:29

“Vooleri avasaza vukulasa vuta vingiliri avandu va Babiloni. Mutumi vuli mundu uwamanya kutumikira vuta ni mivano. Mukumbilizi lidaala linene kandi mutaleka mundu kali mulala yiruki mba. Muvanze kisaalia ku avandu valio ku goosi aga vamali kokora, kandi muvakolere kuli vaakolera avandi, kigira vaakolera inzi mu lierora, Mutakatifu wa Isiraeli.

Ezekieli 21:20

Kelolero kilala kilamanyia Mwami inzira izizaa mu lidaala linene lia Raba lia vandu va Amoni, ni kindi kilamanyia inzira izizaa Ivuyuda kuduuka mu lidaala linene lie imbinga ya Jerusalemi.

Ezekieli 25:14

Avandu vange va Isiraeli vaza vambanzili kisaalia ku vandu va Edomu, kandi na vakolere avandu va Edomu kolondekana nu vutima vwange vululu. Avandu va Edomu navamanye livanza kisaalia liange.” Yahova Wuvunyali umali kovora.

Ezekieli 32:10

Agandakakole ku ivi galakola zihiiri zinyingi kogenya. Avami vaavo valadegera nu vuti vunyingi lwa sung'usa kivavi change imbiri wavo. Ku lidiku lieligwa liilio, vosi valakadegere nu vuti kigira livamwoyo liavo.”

Nahum 1:2

Yahova Nyasaye siyikuzilaa ku vaahing'ana naye mba; ahaanaa mageri ku yavo avahing'anaa naye. Avanzaa kisaalia mu vutima vwivwe.

Zefania 2:12

Yahova alakiti avandu va Ezopia ni kivavi.

Livalidza 10:35

Vuli ing'inga lwa vandu va Isiraeli vaatura kuzia ni lisandugu lie lilagana, Musa yavoola, “Yahova, singira usalanye vasigu vovo, kandi okole yavo avakudunyiraa viiruki!”

Marko 1:2

Yaatanga kuli gang'odwa mu kitabu chu muporofeti Isaya: “Nyasaye yavoola, ‘Henza, ndatuma mutumwa wange Imbiri woovo; naye aletegekiza inzira yooyo.’

Varumi 1:30

kandi vahuzirizaa, avandu vu kuvihilira Nyasaye, avatindi, avelori, avukwiyizominya, avigingiri, avakongi vi vindu vidamanu, na avatahuliraa aviivuli vaavo;

Varumi 8:7

Oyo wamiifwa ni zing'anagani ziu muviri aveeye musigu wa Nyasaye; siatizaa Lilaga lia Nyasaye, kandi sianyala kulitia mba.

Kwidzulitsa 32:35

Ing'inga yiza lwa valiguutwa, ing'inga yi lidivizwa liavo eveeye ahimbi. Lidiku lie lidivizwa liavo leveeye ahimbi.

Kwidzulitsa 5:9

Mutinamiri vifananyi ku viosi anoho mukisigamiri mba, kigira Inzi mbeeye Yahova Nyasaye winyu, mbeeye Nyasaye wilikendeka uhaanaa mageri ku vana kigira vwoni vwa vababa vaavo. Mbana amageri ku yavo avandunyira kandi ku ivisukulurwi viavo kuduuka ku likula lia kavaga kandi lia kane.

Kwidzulitsa 7:10

Navuzwa sialilindagira kuhaana amageri maduukiru ku vandu avamudunyira mba.