Kwidzulitsa 32:39 - KITABU KITAKATIFU

³⁹ “ ‘Inzi, kandi Inzi wengine mbeeye Nyasaye; sihaveeyeho numunyasaye wundi oveeye wiligali mba. Nzitaa, kandi mbana livamwoyo, Nzataa ologoma kandi mbonyia, na sihaveeyeho numundu unyala kuhing'ana ku icha ngolaa mba.

Kwidzulitsa 32:39 Iomraidhean Croise

2 Avami 20:5

yirane ku Hezekia mwami wa vandu va Yahova, na muvolere; “Inzi Yahova, Nyasaye wa guuga woovo Daudi, mali kuhulira lisaala liilio kandi ndoli maliga googo. Inzi ndakohonyia vulwaye vuvwo, na mumadiku gavaga ulazia mu Litembeli.

2 Avami 5:7

Lwu mwami wa Isiraeli yasoma ibarwa zana, yatandula zinguvu zizie mu vovereri vonene, “Mwami wa Siria anyala kuganagana ndi inzi nyara kohonyia mundu uyu? Aganagana ndi inzi mbeeye Nyasaye, kandi wi zinguru zie livamwoyo Ni likuza? Gaveeye havulavu ndi atangizaa uvutindi ninzi!”

Nehemia 9:6

Maku kandi avandu va Isiraeli vasaala lisaala yili: Ivi, Yahova, ivi oveeye Yahova weng'ine; walomba ligulu ni zing'ereng'ani ziu muvwerefu. Ivi walomba lirova nizinyanza na viosi iviveeye mu; wahaana livamwoyo ku viosi. Uvwamihi vwizingulu vwu mwigulu vuinamaa hasi nukusigamira.

Ayubu 10:13

Navuzwa kalunu manyirizi ligali ndi, ku ing'inga yiyi yoosi, walohiza mu vwivisu kusaliriza.

Ayubu 10:7

Ivi umanyi ndi singoli kindu kidamanu mba, kandi siaveeye ho nu mundu kali mulala unyala kombonyia kutura ku ivi mba?

Ayubu 5:18

Nyasaye yaataa zing'oma, navuzwa kandi avoheleraa zing'oma zana. Asaliriza, navuzwa ahonyia kandi.

Zaburi 102:27

Navuzwa ivi oveeye mulala mwere kazozo, ni livamwoyo liilio siliheraa mba.

Zaburi 102:28

Avana viitu valamenya mu mirembe, kandi isi wi likingwa liilio, visukululwi viavo vilamenya mu mirembe.

Zaburi 18:31

Yahova weng'ine aveeye Nyasaye; kandi niye yeng'ine oveeye likingwa lietu.

Zaburi 50:22

“Muhuliri amakuva yaga, munyi avasuuraa inzi Yahova, ni gataveeye ndio, ndamudiviza ligali, kandi sialavaho kali mulala unyala kumuhonya mba.

Zaburi 51:8

Leka mbuliri mioyo juvusangali nuvuyanzi; na kaliva unduvulanyi, nukumbunanyia, inzi ndava nuvuyanzi kandi.

Zaburi 68:20

Nyasaye wiitu aveeye Nyasaye ohonyia, aveeye Yahova, mwami wiitu, okohonyiaa kunyi kutura mu likuza.

Zaburi 86:10

Ivi weng'ine oveeye wizingulu kandi okolaa vindu viokogenyia, ivi oveeye Nyasaye.

Kutwula 15:26

Yavoola, “Niiva mulahulira ligali mwoyo gwange, inzi Yahova Nyasaye winyu ku likora agaveeye malungi imbiri wange nukulinda amalago gange, sindamuha amageri ni zinguzu zia ndaleta ku vandu va Egebeti mba. Inzi mbeeye Yahova muhonyi winyu.”

Kutwula 4:7

Maku Yahova yavoola, “Yiranyia mukono gugwo mukwaaha kandi.” Yakola ndio, na ulwayagutuliza ichova ing'inga yiyi, gwaali vuzwa mulamu kuli muviri gwigwe.

Kohelethu 3:3

Ing'inga yu kwita kandi ing'inga yo kohonyia, ing'inga yu kusambula kandi ing'inga yu kwumbaka.

Isaya 19:22

Yahova alakahaane amageri ku vandu va Egebeti, navuzwa alakavahonye kandi. Valirana ku Yahova, alahulira amasaala gaavo nukuvahonyia.

Isaya 30:26

Uvulavu vwu mweli vulakave kuli uvulavu vwi liuva, na uvulavu vwi liuva vulakamedeke haali saba kuvita kazozo, kuli uvulavu vwa amadiku saba mu lidiku lilala. Yaga goosi galakekoleke lwa Yahova avoheleraa nokohonyia zing'oma ziamali kuha avandu veve.

Isaya 41:4

Nivwaha wakola yaga gekoleke. Nivwaha usingiliraa amakuva ga vandu vakale? Ni inzi Yahova, ndaali ho mu litanga, kandi ndakaveho mu limalirika.

Isaya 43:10

“Avandu va Isiraeli, muveeye avaloli vange; ndaatovora munyi muve vatumikiri vange, kunangwa muduuki kumanya inzi kandi kusuuvira mu inzi; Kandi kumanyiriza ndi inzi nzieng'ine mbeeye Nyasaye. Sihaliraho nu munyasaye wundi nataveeye inzi nzieng'ine mba; sihaveeyeho kandi sihaveeyeho nanyasaye wundi kuvita inzi.

Isaya 43:12

Inzi ndaavura agazizaa kwekoleka, ma kandi ni nzizaa kumukoonya. Sihaveeyeho nu munyasaye mugeni wanyala kokora yaga mba; munyi muveeye avalolekizi vange.

Isaya 43:13

Inzi mbeeye Nyasaye na ndakave ndio kazozo. Sihaveeyeho nu mundu kali mulala unyala kohona kutura ku zinguru ziange; siali ho numulala unyala kugirung'anyia icha inzi mali kokora.”

Isaya 45:18

Yahova yalomba iligulu, aveeye Yahova Nyasaye! Yalomba lirova, yalilomba kuva lidinyu kandi liu kuhindira. Siyalilomba kuva liere mba, navuzwa live havundu ha avandu komenya. Yahova mwene avoora, “Inzi mbeeye Yahova, siaveeye ho nu munyasaye wundi mba.

Isaya 45:22

“O, munyi avandu vi lirova liosi, mwirane ku inzi kalunu ndi, na mulanyola lihona! Inzi mbeeye Yahova Nyasaye wengine oveeye ho.

Isaya 45:5

“Inzi mbeeye Yahova; siaveeye ho nanyasaye wundi mba. Ndakuha zinguru zia wenyaa, kali niiva siumanyi mba.

Isaya 46:4

Inzi mbeeye Nyasaye winyu, ndaamulomba kandi ndamulinda, kuduuka lwa muva avasaakulu vi zimbuzi. Ndamukonya kandi ndamuhonyia.”

Isaya 48:12

Yahova avooreraa avandu va Isiraeli ndi, “Mumbulirizi, munyi avandu va Isiraeli ava inzi mali kulanga! Inzi mbeeye Nyasaye wu kutanga kandi we keheri!

Ezekieli 37:12

Kunangwa oporofete ku vandu vange Isiraeli, kandi uvavoolere ndi, Inzi Yahova Wuvunyali, nziza kukunula vilindwa viavo. Nziza kuvatuliza ichova kandi ndavilanya mu kivala cha Isiraeli.

Ezekieli 37:3

Yandeva, “Mwana wu Mundu, vigumba yivi vinyala kuva mwoyo?” Ndaativura, “O, Yahova Wuvunyali, ivi weng'ine umanya!”

Hosea 5:14

Inzi ndalwana avandu va Isiraeli kandi avandu vi Ivuyuda kuli isimba enene. Inzi mwene ndavatandulanyia mu vidonye nukuvaleka. Lwa nambahili ihale ligali, si naveho numundu waza avahonyie mba.

Hosea 6:1

Avandu vavoola, “Gendi kwirane ku Yahova! Umali kukusaliriza, navuzwa alakohonyia; umali kukwata zing'oma, navuzwa alavohelera zingwago zietu.

Mika 5:8

Yavo avalilekwa hagati hi zihiiri valava kuli isimba ihiimaa chukulia mu mulitu anoho ichayo: ichenyola hagati ha magondi, ituuma kucho, kandi igatandulanyia mu vidonye; kandi sihaveeyeho nunyala kugahonyia mba.

Yohana 8:24

Yiki nicho kivuni chagira nimuvoolera ndi, mulakakuziri mu vwoni vwinyu. Mulakakuziri mu vwoni vwinyu niiva si musuuviraa ndi ‘Inzi mbeeye wa inzi mbeeye.’ ”

Kwidzulitsa 32:12

Yahova yeng'ine yimilira avandu veve vugira ovokonyi vwu munyasaye mugeni.

Kwidzulitsa 4:35

Yahova umali kololekiza vindu yivi ku munyi kumumanyia ndi oyo yeng'ine aveeye Nyasaye kandi sihaveeye no wundi nataveeye oyo yeng'ine mba.

Kwidzulitsa 7:9

Kunangwa mwizurizi ndi Yahova Nyasaye winyu aveeye Nyasaye; Nyasaye oveeye, musuuvirifu; udukiza lilagana lilie nukuhaana zimbavasi zitaveeye nekeheri ku vandu vamuyanzaa kandi avahulira. Amakuva geege gakuduukaa ku makura zielefu.

Vahebraina 1:12

Ivi ulavilinga kuli likoti, vilagirung'anywa, kandi kuli inguvu. Navuzwa ivi oveeye mulala mwere kazozo, kandi livamwoyo liilio sililava ne keheri mba.”

Likunula 1:11

nigovoora, “Ng'oda via ololaa mu kitabu yiki ma ukihiri mu amakanisa gaveeye mu madaala manene saba yaga: Efeso, Simarina, Perigamo, Ziatira, Saride Filadefia, na Laodikia.”

Likunula 2:8

“Ng'oderaa engelosi wi likanisa liveeye mu Simarina: “Yaga nigo amakuva ga uyu oveeye litanga kandi limaliriza, uwakuza kandi naava mwoyo. Avoora.

1 Samweli 2:6

Yahova yitaa kandi yilanyaa livamwoyo. Atumaa avandu kuzia mu kivala chavakuzu kandi aviranyia.