Kwidzulitsa 32:35 - KITABU KITAKATIFU

³⁵ Ing'inga yiza lwa valiguutwa, ing'inga yi lidivizwa liavo eveeye ahimbi. Lidiku lie lidivizwa liavo leveeye ahimbi.

Kwidzulitsa 32:35 Iomraidhean Croise

Litanga 4:23

Lameki yavolera vakali veve, “Ada na Zila, muhuliri makuva gange: Inzi mali kwita muyaayi musoleri kigira yaanguya.

2 Samweli 22:48

Nyasaye yambezaa liguuta ku vasigu vange kandi zihiiri mu zinguru ziange.

2 Avami 9:7

Gakuduukiraa witi munene woovo mwami; muyaayi wa Ahabu ula, kunangwa nduuki kuhaana mageri ku Jezebeli kigira yita avaporofeti vange kandi na vatumikiri vange vandi.

Zaburi 94:1

O, Yahova, ivi oveeye Nyasaye uvanzaa kisaalia ku vasigu vovo; uvuli uvutima vuvwo kuvo.

Kutwula 32:34

Kunangwa kalunu uzie, kwimilira avandu vaduuki havundu ha mali kokovoolera. Wizulizi ndi engelosi wange alakwimilira; navuzwa mu ing'inga yiza lwa ndihaana mageri ku avandu yava kigira uvwoni vwavo.”

Tsing'ano 4:19

Inzira ya vachamu, eveeye kisundi kuli vudiku. Vagwiza, navuzwa sivalola ha vikigatiyi mba.

Isaya 13:22

Zimbiti zilafuma mu zimbinga zia zio, na vivwi vi laloka mu zinyumba ziuvusangali ziazio ziu vwami. Ing'inga yu kudiviza lidaala linene lia Babiloni iduuki! Amadiku galio sigalamedwa kandi mba.”

Isaya 5:19

Vavoola, “Leki Yahova akole vwangu nokokola ichaavoolaa alakola, mbula kuduuki kukelora. Leka Nyasaye Mutakatifu wa Isiraeli adukize lilalira lilie. Leki kolole aveeye na lilohiza ki mu zing'anagani zizie.”

Isaya 60:22

Kali avandu vi zinyumba zienyu avaveeye avakeekeke kandi avaveeye avukwegehiza valava avanene kuli ihiiri yi zinguru. Lwa ing'inga indahi iduuka, ndakora yaga gekoleke vwangu ligali. Inzimbeeye Yahova!”

Isaya 8:15

Avanyingi valakikigitale; valagwi haasi nukusionolanywa. Valakagumilwi nu mutego.”

Jeremia 13:16

Uhaane luyali ku Yahova, Nyasaye winyu, nakikiri koleta kisundi, kandi nukikiri kwisigatira ku vigulu; nakikiri kugirung'anyia uvulavu vwa wasuuviramu kugwa kisundi kenene.

Jeremia 20:11

Navuzwa ivi, O, Yahova, Oveeye harara ninzi kuli musikari wizingulu. Kulwayago, avadambizi vange valichigatira kandi si valanguuta mba. Valava mu zisoni zinene ligali kigira si valanyaliza mba. Zisoni ziavo si zilivirirwa mihiga ni mihiga mba.

Jeremia 23:12

Zinzira ziavalondamu zilava zindelere kandi ziekisundi; inzi ndavakora vichigatiri kandi vagwi. Nziza koleta kivi kuvo; ing'inga yaavo yokohevwa amageri yiza. Inzi, Yahova mali kovora.

Jeremia 51:56

Avasigu vamali kuza kudiviza Babiloni; avasikari valio vamali kugumirwa, kandi vamali kuvunanyia mivano jaavo ju vuta. Inzi mbeeye Nyasaye uhaanaa amageri ku vudamanu. Ndakolera Babiloni kuli gavadukiraa.

Jeremia 6:21

Kunangwa ndakora avandu yava visigatiri nu kugwa. Avababa, avana, avalina kandi avatende vosi valakuza.”

Jeremia 8:12

Avandu vange, mwaali ni zisoni kigira mwakora vindu viukuvihiliriza yivi? Awa, simwali nisoni mba sivahendaa mioyo jaavo kali hakuzu mba; si mwamanya kali lwa mwaali mu zisoni mba. Kulwayago, mulagwa kuli avandi vamali kugwa. Lwa mbana amageri ku munyi, yicho kilava keheri chienyu. Inzi Yahova mali kovora.

Ezekieli 7:5

Yaga nigo ga Yahova Wuvunyali avoora, “Kivi kenene kilahongela kuzaa ku munyi.

Hosea 13:12

“Uvuchamu vwa avandu va Isiraeli vuvikiywi harara, kandi uvwoni vwavo vuvikiywi mu mang'oda.

Kyavalevi 19:18

Mutavanza kisaalia ku mundu vosi mba anoho uzizagiliri kumudunyira mba, navuzwa uyaanze mutende vovo kuli wiyanza yivi mwene. Inzi mbeeye Yahova.

Nahum 1:2

Yahova Nyasaye siyikuzilaa ku vaahing'ana naye mba; ahaanaa mageri ku yavo avahing'anaa naye. Avanzaa kisaalia mu vutima vwivwe.

Nahum 1:6

Lwaveeye nu vutima, nivwaha unyala kohononoka? Nivwaha unyala kwikuzira ku vutima vwivwe vululu? Aviikaa vutima vwivwe ku vandu kuli lomemo lwu muliru, kandi yatanyia zinyanda imbiri weve.

Habakuk 2:3

Ogang'ode, kigira ing'inga ikikiri kuduuka lwayaga gaava giligali. Navuzwa ing'inga yiza vwangu, kandi chanzizaa kukumanyia kilakave cha giligali. Galaloleka ndi kilaaza galaha, navuzwa ukilindiliri; gaveeye giligali yiki kilekoleka kandi sikilakalindagiliri mba.

Varumi 12:19

Avayaanze vange, mutavanza kisaalia mba, navuzwa muleke vutima vwa Nyasaye mwene vokole yaga. Mang'oda matakatifu gavoora, “Kuvaanza kisaalia ni likuva liange; inzi ndavanza,” Mwami avoora.

Varumi 13:4

kigira, vaveeye vatumikiri va Nyasaye vatumika muduuki konyoora uvulahi. Navuzwa ivi niiva okolaa uvudamanu, ove nuvuti; kigira vaveeye nu vunyali vwu kuhaana amageri. Vaveeye vatumikiri va Nyasaye, navo vahaana mageri ga Nyasaye ku yavo avakolaa vudamanu.

Kwidzulitsa 32:43

“Zihiiri, kuduuka mwizominye avandu va Yahova ahaanaa mageri ku yavo vosi avaviita. Avanzaa kisaalia ku avasigu veve kandi asamiiha uvwoni vwa avandu veve.”

Vahebraina 10:30

Kigira kumanya uyu uwavoola, “Kisaalia ni change, nda tunga.” Kandi uyu wavoola, “Mwami alakalagira avandu veve.”

1 Petro 2:8

Mang'oda Matakatifu gavoora, “Yili nilio ligina liu kwikigitariza avandu, ulwanda ululivalomba vagwi.” Vikigitara kigira sivasuuvira mu likuva yivwo vwali uvulariri vwa Nyasaye kuvo.

2 Petro 2:3

Mu likayirwa liavo lio vuviiti vigizi vuvugadi yava vukala ku munnyi kigira amakuva gaavo gu vugadi. Mukalagi wavo umali kwetegeka kandi mudivizi wavo siagonaa mba.

1 Samweli 26:10

Daudi yaazizagilira kovora, “Ku Yahova oveeye mwoyo, inzi manya ligali Yahova mwene aliita Saolo, niiva ing'inga yi likuza lilie liduka, anoho akuziri mu vulwani.