Kwidzulitsa 32:32 - KITABU KITAKATIFU

³² Kigira mizabibu jaavo jiveeye visivu via Sodoma; kandi kutura mu milimi ja Gomora. Mazabibu gajo gaveeye mazabibu guvusungu visaganyi viacho viveeye vilulu.

Kwidzulitsa 32:32 Iomraidhean Croise

Ayubu 14:17

Utulizeho vudamanu vwosi vwa inzi mali kokora, kandi usamihi uvwoni vwange vwosi.

Isaya 1:10

Jerusalemi, avamihi vovo na vandu vovo vaveeye kuli avandu va Sodoma na Gomora. Muhuliri aga Yahova amuvoleraa. Mutegize amatu ku aga Nyasaye wiitu amwigizaa.

Isaya 5:4

Keveeye ho ni kindu chandavula kokora mu kizabibu yiki? Kunangwa, kigira ki mizabibu jamaa mazabibu malulu havogono vwa mazabibu malahi?

Jeremia 2:21

Ndaali ni ndamusimika kuli musaala gwa makuyu gwa ndaatovora, kutura ku uvuguza uvulahi ligali. Navuzwa loli kuli mumali kugirung'ana! Muveeye kuli muzabibu gumali kugunda ugutaveeye kindu kali hakuzu.

Jeremia 23:14

Navuzwa inzi mali kolola vaporofeti mu Jerusalemi ni vakora uvudamanu ligali: vakolaa ovoheyi nokovoora ovovehi; vakonya avandu kokora uvudamanu, kunangwa siaveeyeho kali mundu mulala olekeraa kokora agaveeye amadamu mba. Ku inzi vaveeye vosi avuvudamanu kuli avandu va Sodoma na Gomora.

Lisyoma lya Jeremia 4:6

Avandu vange vamali konyoora amageri manene kuvita mageri ga vandu va Sodoma vanyoola, lidaala liadivizwa ku ing'inga engekeeke ku vunyali vwa Nyasaye.

Matayo 11:24

Ku Lidiku lie Likalagirwa, Nyasaye alamanyia livererwa ku avandu va Sodoma kuvita munyi.”

Kwidzulitsa 29:18

Mulole ndi siaveeyeho nu musaza anoho mukali avinyumba anoho ihiiri, usingiyi hano kalunu ugirung'anaa kutura ku Yahova Nyasaye wiitu, azie kusigamira avanyasaye vi zihiiri zindi. Yiki kilava kuli muli guvirukaa kuva kitagwa kilulu kandi chu vusungu.

Kwidzulitsa 32:33

Iwaini yaavo eveeye kuli vusungu vwenzoka, voveeye vusungu vululu vwitaa kuli vwikihirigoma.

Vahebraina 12:15

Mwilindi ku lirana inyima kutura ku zimbavasi zia Nyasaye. Mutaleka mulala ku munyi ave kuli kitagwa kilulu ichakaviruka ma chaleeta uvudinyu, ni sumu yacho mba.