Kwidzulitsa 32:29 - KITABU KITAKATIFU

²⁹ Valava novogeri, ngano vakamanyirizi yaga, vakamanyirizi keheri chavo kilava ndi!

Kwidzulitsa 32:29 Iomraidhean Croise

Zaburi 107:15

Kuduuka vasandizi Yahova, kigira uvuyanzi vwivwe vutaveeye ne keheri, kandi kigira vindu vivie viokogenyia via yavakolera.

Zaburi 107:43

Vosi avaveeye avageri, vaganagane ku makuva gi vindu yivi; kandi vaduuki kuganagana ku vuyanzi vwa Yahova vutaveeye ne keheri.

Zaburi 81:13

Vwakaveeye vulahi avandu vange Isiraeli valambuliriza! Vwakaveeye vulahi niiva vakambuliyi!

Zaburi 90:12

Ukwigize kumanyirize kuli livamwoyo lietu liveeye limbi. Kunangwa kuduuki kuva novogeri mu mioyo jietu.

Isaya 10:3

Mulakakole ki lwa Nyasaye alimuha amageri? Mulakakoleki lwa aleetaa kivi kumunyi kutura mu kivala chi ihale? Mulirukira ku vwaha konyoora ovokonyi? Mulakavise hayi vutugi vwinyu?

Isaya 42:23

Nivwaha ku munyi unyala kuhulira yaga? Kutura kalunu, mulahuliriza nukwiiga ni limanyiriza?

Isaya 47:7

Munyi avandu va Babiloni, mwaganagana mulamiiha mihiga ni mihiga, simwaganagana ku vindu yivi mu mioyo jinyu mba, kandi simwaganangana kuli keheri kiliduuka mba.

Jeremia 17:11

Mundu anyoora uvutugi munzira itaveeye isuuvirifu, aveeye kuli ilinyonyi ligoneraa amavuyu agaliavula kotera. Hagati hi limenya lilie alagotiza uvutugi vwivwe, kandi mu keheri chi limenya lilie alava vuzwa kandi umusiru.

Jeremia 5:31

Avaporofeti vavoola makuva guvugadi vuzwa; avasaalisi vamiiha kolondekana nilienya lia avaporofeti, na avandu vange si vagaya ivindu yivi mba. Navuzwa munyi, mulakola ki lwa vindu yivi viosi viduuka ku keheri?”

Lisyoma lya Jeremia 1:9

Uvwoni vwa vandu yava vwaloleka havulavu, navuzwa si vahenda mwoyo ku kivi chavo mba. Liavo liali lidamanu ligali; si yaliho numundu waali anyala kuvaleminya mwoyo mba. Vanira Yahova avavererer mu vudinyu vwavo kigira avasigu vaavo vaali nivamali kuvaguuta!

Hosea 14:9

Yavo avaveeye novogeri gavadukiraa vamanyirizi vindu yivi, kandi vaviviki mu zing'anagani ziavo. Kigira zinzira zia Yahova ziveeye zinungi. Avandu vaveeye avoni valikigitara kandi valagwa. Avandu vaveeye avalungi valangenda kuzio.

Haggai 2:18

Kalunu ni lidiku lia 24 liu mweli gwa tisa, lidiku liu muse gwi Litembeli gumaliriki. Heenzi kizizaa kwekoleka ku munyi kutura kalunu.

Luka 12:20

Navuzwa Nyasaye yamuvolera, ‘Musiru ivi vudiku vwa kalunu ndatuliza livamwoyo liilio. Kunangwa vindu via wavika vilava via vwaha?’ ”

Kwidzulitsa 31:29

Manyi ligali ndi inyima wilikuza liange, avandu valagwa avadamanu kandi vasuuli icha ndaavigiza. Mu ing'inga yizaa, maduywa gukutihiza galavagwira, kigira valava ni vakora Yahova kuva nu vutima mulikola ga yavagaya vavuli kokora.”

Kwidzulitsa 5:29

Oh, vwakaveeye vulahi niiva vakaveeye nu mwoyo kuli yigu kazozo gwu kutia Inzi. Vwakaveeye vulahi niiva vakahaani ku Inzi luyali nokuhulira malago gange goosi kazozo, kunangwa vindu viosi viakaveeye vilahi kuvo kandi ku visukululwi viavo mihiga ni mihiga.