Kwidzulitsa 32:24 - KITABU KITAKATIFU

²⁴ Valakuza kigira inzara kandi luhuuza. Valakuza kigira zinguzu ziu kutihiza. Ndatuma zinyama zinduru ziu mumulitu kuvingilira kandi zinzoka ziu vusungu vululu kuvaluma.

Kwidzulitsa 32:24 Iomraidhean Croise

Litanga 3:14

Maku Yahova Nyasaye yavolera enzoka, “Kigira umali kokora yaga, ulanyora mageri. Ivi weng'ine hagati hi zinyama zindi ziosi ulanyora kilaamo yiki. Kutura kalunu ivi ulamolaa ni inda yooyo, kandi ulalia luguchi madiku goosi gi limenya liilio.

Litanga 49:15

Yalora ndi havundu yaho haali halahi hokososera, kandi kivala yicho chaali kilahi. Kunangwa yinaminya lilikuu lilie kandi navugilira kuva mutugwa ku miyinzi ju kunigwa.

Ayubu 20:16

Ichu mudamanu anuunaa keveeye kuli uvusungu vwe enzoka; na liluma lie kihiligoma lilamwiita.

Zaburi 120:4

Alamuha mageri mulimulasa im'mbano ju vuta imiuge, kandi na manda gumuliru gumusala gwi kilaha!

Zaburi 91:6

utatia uvulwaye vwitaa mu kisundi, anoho uvudamanu vwitaa mbasu hagati mba.

Isaya 65:25

Vivwi na amagondi vilaaya harara, zisimba zilaaya uvunyasi kuli zigiriki, kandi zinzoka zilakomba uluguchi. Si vilasalirizana kandi si viladivizana mu kiguru change kitakatifu mba.”

Jeremia 14:18

Lwandulanga kuzia mumilimi, ndolaa miviri mikuzu ja avandu viitirwa mu vulwani; lwandulaa kuzia mu madaala, ndolaa avandu ni vakuza kigira inzara. Avaporofeti na avasaalisi vakora miyinzi jaavo, navuzwa sivamanyi chavakola mba.”

Jeremia 15:3

Inzi Yahova, mali kotovola ndi, ndalaga vindu vine viukutihiza kokoleka kuvo: Valitirwa mu liihi; zimbizi zilatandula miviri jaavo; amanyonyi galalia miviri jaavo, kandi zinyama ziu mbulimu zilalia miviri jitigala.

Jeremia 16:4

Vaza varware zinguzu ziukutihiza manavakuzi kandi siaveeyeho kali mulala waza asiome anoho kuvayavira mba. Miviri jaavo jaza jivungi kuli kitumi chemboreya kumarova. Valakitirwi muvulwani anoho navakuzi kigira inzara, kandi miviri jiavo jilakagwi chukulia chamanyonyi nizinyama ziumbulimu.

Jeremia 8:17

Yahova avoora, “Henza, ndatuma avasigu kuli zinzoka ni vihirigoma hagati hinyu, si zilakolerwa ku uvusegetiri mba, navuzwa zilamuluma.”

Lisyoma lya Jeremia 5:10

Inzara igiri konyooye vulwaye kuduuka ligodo lietu ligwiyi lihiu ligali kuli lihiga.

Ezekieli 14:15

“Anoho niiva nyara kutuma zinyama ziu muvulimu kwita vandu, nokokola kivala kuva chere chu mundu avula kuvitira mu.

Ezekieli 14:21

Yaga nigo agu Mwami Munene Yahova avoora: “Ndahaana mageri malulu haali kane ku Jerusalemi; ndaleta iliihi, inzara, zinyama ziu muvulimu kandi uvulwaye vudamanu kudiviza vandu ni zinyama.

Ezekieli 5:17

Ndaleta inzara kandi zinyama ziu muvulimu kwita vana vinyu, kandi ndaleta uvulwaye, kilage kandi iliihi kumwita. Inzi Yahova mali kovora.”

Kyavalevi 26:22

Ndatuma zinyama zinduru hagati hinyu na zilita avana vinyu kandi ziladiviza mitugu jinyu. Zilamukola mutigale avakeekeke ligali kali zinzira zienyu zilatigala zinzere.

Amosi 9:3

Kali niviivisa igulu kondongozi yi kiguru cha Karimeli, ndavenyeleriza kuduuka mbagumiri. Kali ni vivisa hasi mu luliva lwi inyanza kutura ku inzi, ndalaga ogoyoka gonene gwu mu inyanza kuvaluma.

Mika 7:17

Valakomba luguchi kuli enzoka, valamoola kuli viguguli ku marova. Valatura mu zimbinga ziavo, nivihikaa novodegeri kandi nuvuti. Valagirung'ana koyeeka ku Yahova Nyasaye wiitu mu vuti. Kandi valatia kigira ivi.

Habakuk 3:5

Atumaa vulwaye imbiri weve, kandi alaangaa likuza limulonde.

Kwidzulitsa 28:22

Yahova alamuleetera zinguzu zihambizanaa, mavimba no lodegela, kandi kemeyu nuvukindu vuhiu kudiviza vitagwa vienyu. Kivi yiki kilava harara ni munyi kuduuka lwa mukuza.

Kwidzulitsa 28:48

Kunangwa mulatumikira avasigu vinyu va Yahova azizaa kutuma kumulwaana. Mulava ni inzara, nu vuluhu kandi chahonyo, kandi vudaka vwi vindu viosi. Yahova alamudambiza nu vululu kuduuka lwa mudivizwa ligali.

Kwidzulitsa 28:53

“Kigira lisalira lia vasigu vinyu valileeta ku munyi ing'inga ya mulikumberizwa muvuli kutura ichova mulalia inyama ya avana va Yahova Nyasaye winyu amali kumuha.